គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 5746 នាក់

ម្សិលមិញ 9639 នាក់

សរុប 20695917 នាក់

អ៊ីរ៉ង់យល់ព្រមឱ្យនាវាដឹកជញ្ជូនប្រេងរបស់ហ្វីលីពីន ឆ្លងកាត់ច្រកសមុទ្រ Hormuz ដោយសុវត្ថិភាពក្នុងពេលដែលមានជំនួយពីជប៉ុនផងដែរ

21-September-2026 / សេដ្ឋកិច្ច

ហ្វីលីពីន៖ រដ្ឋាភិបាលហ្វីលីពីនបានទទួលជោគជ័យក្នុងការចរចាជាមួយប្រទេសអ៊ីរ៉ង់ ដើម្បីទទួលបានការធានាសុវត្ថិភាពសម្រាប់ការធ្វើដំណើរឆ្លងកាត់ច្រកសមុទ្រ ហ័រម៉ូស (Hormuz)។ នេះបើយោងតាមការចុះផ្សាយរបស់ Reuters នៅថ្ងៃទី២ ខែមេសា។ a oil philipin

ការធានានេះ បានធ្វើឡើងបន្ទាប់ពីរដ្ឋមន្ត្រីការបរទេសហ្វីលីពីន លោកស្រី Ma. Theresa Lazaro បានជជែកតាមទូរសព្ទជាមួយរដ្ឋមន្ត្រីការបរទេសអ៊ីរ៉ង់ លោក Abbas Araqchi ដោយអ្នកការទូតជាន់ខ្ពស់ទាំងពីរបានជជែកគ្នាផ្ដោតលើសន្តិសុខនៃការផ្គត់ផ្គង់ថាមពល និងសុវត្ថិភាពរបស់នាវិកហ្វីលីពីន។ លទ្ធផលនៃជំនួបនេះត្រូវបានគេមើលឃើញថាជា "ការយោគយល់គ្នាជាវិជ្ជមាន" ដែលជួយសម្រាលភាពតានតឹងក្នុងតំបន់សម្រាប់ផលប្រយោជន៍របស់ហ្វីលីពីន ។

ការធានាពីសំណាក់អ៊ីរ៉ង់ ពិតជាមានសារសំខាន់ខ្លាំងណាស់សម្រាប់ស្ថិរភាពសេដ្ឋកិច្ចរបស់ហ្វីលីពីន ព្រោះប្រទេសនេះពឹងផ្អែកស្ទើរតែទាំងស្រុងលើការនាំចូលប្រេងឆៅពីតំបន់មជ្ឈិមបូព៌ា ជាពិសេសពីអារ៉ាប៊ីសាអូឌីត។ បើគ្មានការធានាសុវត្ថិភាពផ្លូវទឹកតាមច្រក Hormuz ទេ ហ្វីលីពីនអាចនឹងប្រឈមមុខនឹងការខ្វះខាតប្រេង និងជីកសិកម្មយ៉ាងធ្ងន់ធ្ងរ ដែលប៉ះពាល់ដល់ជីវភាពប្រជាជនទូទាំងប្រទេស។

សូមបញ្ជាក់ថាប្រទេសហ្វីលីពីនកំពុងប្រឈមមុខនឹងវិបត្តិប្រេងឥន្ធនៈធ្ងន់ធ្ងរគិតត្រឹមខែមីនា ឆ្នាំ២០២៦ ដោយមានស្តុកប្រេងមានត្រឹមតែជាង ៤៥ថ្ងៃប៉ុណ្ណោះ។ ប្រទេសនេះមានប្រជាជនជាង១១៥លាននាក់ និងជាប់ជាប្រទេសមានប្រជាជនច្រើនជាងគេទី១២នៅលើពិភពលោក ថែមទាំងប្រកាសអាសន្នលើវិស័យថាមពលបន្ទាប់ពីការផ្គត់ផ្គង់នាំចូលបានធ្លាក់ចុះ ដោយសារសង្រ្គាមនៅមជ្ឈិមបូព៌ា។យោងតាម CNN និងរ៉យទ័រផ្សាយចុងខែមីនា ឆ្នាំ២០២៦ ប្រទេសហ្វីលីពីននាំចូលប្រេងឆៅ ៩៨% ពីខាងក្រៅ ភាគច្រើនមកពីមជ្ឈិមបូព៌ាតែត្រូវបានរំខានដោយជម្លោះនៅអ៊ីរ៉ង់។

យ៉ាងណាប្រទេសជប៉ុនកំពុងផ្តល់ប្រេងម៉ាស៊ូតដល់ប្រទេសនេះ ក្នុងនាមជាដៃគូដ៏សំខាន់មួយដើម្បីធានាពីស្ថិរភាពខ្សែសង្វាក់ផ្គត់ផ្គង់ក្នុងតំបន់។វិបត្តិផ្គត់ផ្គង់៖ របាយការណ៍មួយបង្ហាញថាការផ្គត់ផ្គង់ប្រេងនៅហ្វីលីពីនមានកំណត់ក្នុងរយៈពេល ៤៥ថ្ងៃ នាំឱ្យមានការនាំចូលប្រេងម៉ាស៊ូតចំនួន ១៤២ ០០០ បារ៉ែលពីប្រទេសជប៉ុននៅចុងខែមីនា ឆ្នាំ ២០២៦។

ផលប៉ះពាល់នៃការខ្វះខាតក្នុងតំបន់៖ ទោះបីជាប្រទេសអាស៊ីអាគ្នេយ៍មួយចំនួនរងផលប៉ះពាល់ក៏ដោយ តែហ្វីលីពីនស្ថិតក្នុងចំណោមប្រទេសរងផលប៉ះពាល់ខ្លាំងបំផុត ដែលនាំឱ្យកូដករដឹកជញ្ជូនតវ៉ាប្រឆាំងនឹងតម្លៃហក់ឡើងខ្ពស់។

ហេតុអ្វីបានជាប្រទេសជប៉ុនផ្គត់ផ្គង់ប្រេងក្នុងប្រទេសហ្វីលីពីន? មានហេតុផល៤ យ៉ាងដែលទីក្រុងតូក្យូបញ្ចេញស្តុងប្រេងរបស់ខ្លួន ជួយហ្វីលីពីន! ទី១. សាមគ្គីភាពខ្សែសង្វាក់ផ្គត់ផ្គង់៖ ប្រទេសជប៉ុនមានគោលបំណងរក្សាសន្តិសុខថាមពលសម្រាប់ប្រទេសអាស៊ាន ជាកន្លែងដែលជប៉ុនបង្កើតខ្សែសង្វាក់ផ្គត់ផ្គង់។

ទី២. ការចេញស្តុកប្រេងជាយុទ្ធសាស្ត្រ៖ ប្រទេសជប៉ុនមានទុនបម្រុងយ៉ាងច្រើនដែលគ្របដណ្តប់លើការប្រើប្រាស់ជាង ៨ខែ ដែលកំពុងទាញយកទុនបម្រុងទាំងនេះ ដើម្បីរក្សាស្ថិរភាពការផ្គត់ផ្គង់ក្នុងតំបន់។

ទី៣. ពង្រឹងចំណងមិត្តភាព៖ ជប៉ុនកំពុងជួយប្រទេសដូចជាហ្វីលីពីន និងវៀតណាម ដើម្បីទប់ទល់នឹងអស្ថិរភាពក្នុងតំបន់ដែលកំពុងកើនឡើង និងធានាការផ្គត់ផ្គង់ថាមពល អំឡុងសង្គ្រាមនៅអ៊ីរ៉ង់។ទី៤. ការគាំទ្រយ៉ាងសកម្ម៖ ក្រៅពីប្រេងម៉ាស៊ូតជាង ១៤០ ០០០ បារ៉ែលដឹកជញ្ជូនទៅហ្វីលីពីន ប្រទេសជប៉ុនក៏គាំទ្រវិធានការសន្សំសំចៃថាមពលផងដែរ៕