លោក ខណ្ណារ៉ា អេ លីត ទើបឡើងកាន់តំណែងមេគយចល័តតំបន់ ៦ ថ្មី ពង្រាយមន្ត្រីគយជំនិតៗ និងជនស៊ីវិលអង្គុយចាំរាប់ក្បាលឡានគាបយកលុយពីអាជីវករ ដឹកទំនិញគេចពន្ធជាងបង្ក្រាប
06-August-2026 / ព័ត៌មានជាតិ
ត្បូងឃ្មុំ ៖ ប្រភពពីអាជីវករនិងឈ្មួញតូច ធំ ដឹកបន្លែផ្លែឈើនិងទំនិញ បានឲ្យដឹងថា លោកខណ្ណារ៉ា អេ លីតដែលទើបឡើងជា មេគយចល័តតំបន់៦ជំនួស លោក ព្រាប គារ៉ាត់ ហៅសិទ្ធដែលដកឲ្យទៅធ្វើជាអនុប្រធាននាយកដ្ឋានគយចលត័ ត្រូវបានអាជិវកររាយការណ៍ថាមិនសូវបង្ក្រាបបទល្មើសរត់ពន្ធឆ្លងដែនខុសច្បាប់ដូចតែលោលគយសិទ្ធចឹងដែរគឺពង្រាយមន្ត្រី គយនិងជនស៊ីវិលចាំប្រដេញកាក់ស្ទាក់ចាប់ ឡានអាជីវកររកស៊ីដឹកបន្លែផ្លែឈើ ទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់ដោយ មិនខ្វល់ពីការផាកពិន័យដើម្បីចំណូលរដ្ឋឡើយព្រោះមិនមានចេញវិក័យបត្របង់ពន្ធ ។
អាជីវករក៍ដូចជាឈ្មួញតូច ធំ បានបន្តឲ្យដឹងទៀតថាលោកខណ្ណារ៉ា អេ លីត ពង្រាយមន្ត្រីគយនិងជនស៊ីវិល ជាច្រើនកន្លែងនៅតាមបណ្ដាខេត្តនានា នៅក្នុងតំបន់ ៦ ដូចជាចំណុចភូមិហួច ឃុំក្រែក ស្រុកពញាក្រែក ខេត្តត្បូងឃ្មុំ ដាក់ក្បាលឡានចេញមកក្រៅចាំដេញកាក់ស្ទាក់ ឡានដឹកទំនិញណា ដែលបើកហួសមិនព្រមចូលបង់លុយ ហើយត្រូវពិន័យមួយគុណទ្វេរដង ជាការព្រមានតាមកំណត់។
ក្រុមអាជីវករបានបន្តអោយដឹងទៀតថាកាលពីកន្លងទៅទំនិញក្នុង១ រថយន្តសាំយ៉ុងត្រូវបង់អោយក្រុមគយនៅចំណុចឃុំក្រែក ស្រុកពញាក្រែកចំនួន ៨០ ម៉ឺនទៅ ១ លានរៀលជាកំហិត ពួកឈ្មួញដឹកជញ្ជូនបន្លែផ្លែឈើ គ្រប់មុខ និងទំនិញផ្សេងៗជាច្រើនប្រភេទ ទើបបានដល់គោលដៅ។ក្រុមអាជិវកររអ៊ូថាចុះហេតុអ្វីបានជាមាន ក្រុមមន្ត្រីគយចល័តនៅមិនឆ្ងាយ ពីគយព្រំដែនមួយកន្លែងទៀត ដែលចាំតែយកលុយ ពីពួកគាត់បន្ថែមទៀតដាក់ហោប៉ៅ ចែកគ្នាធ្វើមានធ្វើបាន យ៉ាងសុខស្រួលចឹង។
គួរបញ្ចាក់ថា នៅក្រោមការគ្រប់គ្រងលោក អេ លីត មេគយតំបន់៦ នេះមានការដឹកទំនិញបន្លែផ្លែឈើឥវ៉ាន់ចាប់ហួយនិងឥវ៉ាន់គ្រប់ប្រភេទចេញពីប្រទេសវៀតណាមជាច្រើនច្រក នៅខេត្តត្បូងឃ្មុំ មានច្រកដូនរ័ត្ន ច្រកទ្វេភាគីដូង៧ដើម ច្រកស្អំ ច្រកអន្តរជាតិព្រំដែនត្រពាំងផ្លុង ហៅស្ពានដែកច្រកបឹងជ្រោងនិងច្រកចាន់មូល ច្រករបៀងផ្សេងៗទៀតដែលជាប្រភពចំណូលរបស់ លោក អេ លីត និងបក្សពួករបស់ខ្លួនប្រមូលលុយដាក់ហោប៉ៅ ទើបមកកាន់តំណែងថ្មីៗ ជាជាងចំណូលរដ្ឋព្រោះមិនសូវដែលឃោះញមានការប្រកាសពីការប្រមូលពន្ធរបស់គយចល័តតំបន់៦ជាសាធារណៈឡើយ។
ប្រជាពលរដ្ឋ ក៍ដូចជាអាជីវករចំណុចឃុំក្រែក ស្រុកពញាក្រែក ខេត្តត្បូងឃ្មុំ បានបញ្ជាក់ថា កន្លែងស្នាក់ការក្រុមគយចល័តតំបន់៦ បើអ្នកមិនធ្លាប់រកស៊ីទេ គឺមើលមិនដឹងថាកន្លែងនោះជាអ្វី ព្រោះគ្មានស្លាកសញ្ញា សំគាល់នោះទេ? មានតែឡានក្រុមមន្ត្រីគយនិងជនស៊ីវិល ធម្មតាដាក់អំពូលភ្លើង២គ្រាប់ ដើម្បីបំភ្លឺនៅពេលយប់តែប៉ុណ្ណោះ។
ប្រភពបន្តថា មេគយចល័តតំបន់៦ ពង្រាយមន្ត្រីគយនិងជនស៊ីវិលចាំប្រដេញចាប់ស្ទាក់គាបយកលុយពីរថយន្ត ដឹកទំនិញគេចពន្ធទំនិញបង់ពន្ធមិនគ្រប់ ទំនិញខុសច្បាប់ចេញពីប្រទេសវៀតណាមចូលមកប្រទេសកម្ពុជា ហើយឃុបឃិតបើក ដៃឲ្យឈ្មួញធំៗដឹកជញ្ជូនទំនិញជាថ្នូរ នឹង ផលប្រយោជន៍ផ្ទាល់ខ្លួននិងបក្ខពួកខ្លួន គយប្រចាំនៅចំណុចឃុំក្រែក ស្រុកពញាក្រែក កំពុងសាងភាពល្បីល្បាញយ៉ាងខ្លាំងក្នុងការ ប្រព្រឹត្តរបៀបអំពើពុករលួយ ដែលជាហេតុនាំឲ្យបាត់បង់នូវចំណូលថវិការដ្ឋយ៉ាងច្រើនសន្ធឹកសន្ធាប់ក្នុង ១ ឆ្នាំៗ។
ឈ្មួញតូច ធំ ក៍ដូចជាអាជីវករក្នុងស្រុក អំពាវនាវដល់លោក អូន ព័ន្ធមុន្នីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ព្រមទាំង លោក គុណ ញឹម អគ្គនាយកនៃអគ្គនាយកដ្ឋាន គយនិងរដ្ឋាករកម្ពុជា ជាពិសេសលោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយដែលថ្មីៗទើបចាប់មន្ត្រីគយខេត្តកោះកុងបញ្ជូនទៅតុលាការ គួរដាក់មន្ត្រីក្រោមឱវាទចុះស្រាវជ្រាវភាពមិនប្រក្រតីប្រព្រឹត្តរបៀបពុករលួយ របស់លោក អេ លីត មេគយចល័តដុះស្លែប្រចាំតំបន់៦អំពីការប្រើអំណាចដើម្បីរកចំណូលមិនស្របច្បាប់ផង។
