វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 988 នាក់
ម្សិលមិញ 5168 នាក់
សរុប 16013122 នាក់
ភ្នំពេញ៖ឧត្តមសេនីយ៍នគរបាលជាតិម្នាក់រកស៊ីរត់ការចូលធ្វើការបរាជ័យស៊ីដាច់លុយជាប់ខ្នោះ។លោកឧត្តមសេនីយ៍ទោនគរបាលឈ្មោះហង្ស វណ្ណៈ ត្រូវបានកម្លាំងនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ ឃាត់ខ្លួនបញ្ជូនមកតុលាការ នៅថ្ងៃទី២១ ខែមិថុនា ឆ្នាំ២០២១ នេះ ពាក់ព័ន្ធបទល្មើស ឆបោកប្រាក់ជាង២ម៉ឺនដុល្លារ រត់ការចូលក្របខ័ណ្ឌមន្ត្រីនគរបាលជាតិ តែមិនបានសម្រេច ហើយស៊ីដាច់ទៀតតាមដិការលោក ម៉ៅ ស៊ីណា ចៅក្រមស៊ើបសួរសាលាដំបូងរាជធានីភ្នំពេញ ។
លោក ហង្ស វណ្ណៈ ជាប់ចោទពីបទ «ឆបោក» ប្រព្រឹត្តនៅចំណុចស្ថានីយ៍ប្រេងឥន្ទនៈសូគីមិច សង្កាត់ទន្លេបាសាក់ ខណ្ឌចំការមន កាលពីថ្ងៃទី២ ខែកញ្ញា ឆ្នាំ២០១៦ តាមមាត្រា៣៧៧ និងមាត្រា៣៧៨ នៃក្រមព្រហ្មទណ្ឌ។
លោកឧត្តមសេនីយ៍ទោ ហង្ស វណ្ណៈ ត្រូវប្រជាពលរដ្ឋម្នាក់ ប្តឹងចោទប្រកាន់ថា បានយកលុយគេចំនួន ២២,០០០ដុល្លារមេរិក ទៅរត់ការចូលបម្រើការងារជាមន្ត្រីនគរបាលជាតិ ប៉ុន្តែមិនបានសម្រេចតាមការសន្យា ពោលគឺស៊ីដាច់ប្រាក់ទាំងនេះ និង ថែមទាំងគេចវេសមិនជួយដោះស្រាយជាមួយម្ចាស់ប្រាក់ទៀតផង ទើបគេប្ដឹងមកតុលាការ តែម្តង ៕