ពលរដ្ឋត្រឡប់មកពីថៃជាច្រើន មកចុះឈ្មោះស្វែងរកការងារធ្វើក្នុងកម្មវិធីពិព័រការងារនៅបន្ទាយមានជ័យ

បន្ទាយមានជ័យ៖ប្រជាពលរដ្ឋ ជាពិសេសពលរដ្ឋដែលត្រឡប់មកពីធ្វើពលករនៅប្រទេសថៃ នៅតាមបណ្តាលភូមិសង្កាត់ ក្នុងមូលដ្ឋានស្រុកអូរជ្រៅខេត្តបន្ទាយមានជ័យ បាននាំគ្នាមកចុះឈ្មោះដោយផ្ទាល់ជាមួយក្រុមហ៊ុន ក្នុងឱកាសពិព័រការងារសន្តិសុខសង្គមបណ្តុះបណ្តាលវិជ្ជាជីវៈ នៅទីតាំងបរិវេណសាលាស្រុកអូរជ្រៅ ខេត្តបន្ទាយមានជ័យ នៅថ្ងៃទី១៤ ខែមីនា ឆ្នាំ២០២៦។ 

ប្រជាពលរដ្ឋដែលត្រឡប់មកពីធ្វើពលករនៅថៃ ហើយបានមកចូលរួមក្នុងវិទិកាការងារនេះ បានលើកឡើងថា ពួកគាត់ក៏ដូចជាបងប្អូនប្រជាពលរដ្ឋផ្សេងៗទៀត គឺមិនចង់ត្រឡប់ទៅធ្វើការនៅឯប្រទេសថៃវិញទេ ដោយសារការងារនៅប្រទេសថៃ មានការលំបាក ហើយត្រូវឃ្លាតឆ្ងាញពីក្រុមគ្រួសារថែមទៀត។

សូមជម្រាបថា រោងចក្រ សហគ្រាស និងក្រុមហ៊ុនធំៗចំនួន ៤ បានចូលរួមសម្ភាសជ្រើសរើសបុគ្គលិកភ្លាមៗដោយផ្ទាល់ នៅក្នុងវេទិកាការងារ សន្តិសុខសង្គម និងបណ្តុះបណ្តាលវិជ្ជាជីវៈ នៅព្រឹកថ្ងៃសៅរ៍ ទី១៤ ខែមីនា ឆ្នាំ២០២៦ នៅក្នុងបរិវេណសាលាស្រុកអូរជ្រៅ ក្នុងខេត្តបន្ទាយមានជ័យ។ តម្រូវការការងារចំនួនប្រមាណ១ ០០០កន្លែង ត្រូវបាននាំយកមកបង្ហាញជូនដល់អ្នកកំពុងស្វែងរកការងារធ្វើ តាមរយៈវេទិកាការងារដែលរៀបចំឡើងរៀងរាល់សប្តាហ៍នៅតាមមូលដ្ឋានស្រុក ខេត្តគោលដៅនានា ក្រោមប្រធានបទ «ខ្មែរជួយរកការងារ និងផ្ដល់ការងារឱ្យខ្មែរ»។

សូមបញ្ជាក់ថាបើតាមរដ្ឋមន្ត្រីក្រសួងការងារថៃនៅថ្ងៃទី៣១មិនា២០២៦ពលករខ្មែរភាគច្រើនបានផុតសុពលភាពកិច្ចសន្យាការងារ។ថៃមិនទាន់ប្រកាសថានឹងមានចំណាត់ការបែបណាទេតែបានប្រកាសមិនរើសយកពលករខ្មែរថែមទៀតទេដោយសារបញ្ហាការបិទព្រុំដែន។