អតីតឧកញ៉ា ហេង សិទ្ធីដែលធ្លាប់ជួយសង្គមខ្ទង់លានដុល្លារដែរគ្រាន់តែហ៊ានរិះគន់ក្មួយសម្តេចនិងឈ្មួញសឹង្ហបុរីសញ្ជាតិខ្មែររឿងឆបោកនិងនាយឧត្តមសេនីយ័សថេតគុក១៣ឆ្នាំ និង៦ខែ!

ភ្នំពេញ÷ ចៅក្រមជំនុំជម្រះនៃ សាលាដំបូងរាជធានីភ្នំពេញ កាលពីថ្ងៃទី២២ ខែមករា ឆ្នាំ២០២៦ បានប្រកាសសាលក្រមផ្តន្ទាទោស អតីត ឧកញ៉ា ហេង សិទ្ធី ភេទប្រុស អាយុ៣៦ឆ្នាំ មានចំនួន ៤សំណុំរឿង ! ដោយតម្រូវឲ្យអនុវត្តក្នុងពន្ធនាគារកំណត់ ចំនួន ១៣ឆ្នាំ និង ៦ខែ !! ដោយបេីកផ្លូវឲ្យប្តឹងឧទ្ធរណ៍តាមកំណត់ច្បាប់ !!!។ 

សាលក្រមទី១ : លើសំណុំរឿង បទ : "ហឹង្សាដោយចេតនា" ដាក់ពន្ធនាគារតាមច្បាប់កំណត់ រយៈពេល ២ឆ្នាំ ។សាលក្រមទី២ : លើសំណុំរឿង បទ : "បរិហារកេរ្តិ៍ និងបទញុះញង់ឱ្យមានការរើសអើង" ដាក់ពន្ធនាគារតាមច្បាប់កំណត់ រយៈពេល ១ឆ្នាំនិង ៦ខែ ។

*សាលក្រមទី៣ : លើសំណុំរឿង បទ : "ញុះញង់បង្កឲ្យមានភាពវឹកវរធ្ងន់ធ្ងរ ដល់សណ្ដាប់ធ្នាប់សង្គម" ដាក់ពន្ធនាគារតាមច្បាប់កំណត់ រយៈពេល ២ឆ្នាំ ។សាលក្រមទី៤ : លើសំណុំរឿង.បទ : "គំរាមកំហែងហែកកេរ្តិ៍ មានស្ថានទម្ងន់ទោស" ដាក់ពន្ធនាគារតាមច្បាប់កំណត់ រយៈពេល ៨ ឆ្នាំ ។

ដូច្នោះ ទោសសរុបទាំង ៤សំណុំរឿង !ជនជាប់ចោទ ត្រូវអនុវត្តក្នុងពន្ធនាគារចំនួន ១៣ឆ្នាំ និង៦ខែ ដែល បច្ចុប្បន្នជនជាប់ចោទអតីតឧកញ៉ា ហេង សិទ្ធី កំពុងជាប់ឃុំនៅពន្ធនាគារ (ម៣) ត្រពាំងផ្លុង នៅខេត្តត្បូងឃ្មុំ !!! ។

ក្នុងសវនាការមានលោក ញឹម ពិសាល ជាប្រធានប្រឹក្សាជំនុំជំនះ និង លោក សេង ហៀង ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ ដែលសវនាការបានធ្វើឡើងជាសាធារណៈ ចំពោះមុខជនត្រូវចោទ និងមេធាវីការពារសិទ្ធិឲ្យភាគីទាំងសងខាង! ។

សំណុំរឿងទី១ : ការចោទប្រកាន់ពីបទ : "ហិង្សាដោយចេតនា" ជនត្រូវចោទ ឈ្មោះ ហេង សិទ្ធី បានប្រព្រឹត្តបទល្មើសយកវត្ថុរឹង (ម្ជុលធ្វើតេស្តទឹកនោម) ចាក់ទៅលើជនជាប់ឃុំនៅក្នុងពន្ធនាគារជាមួយគ្នា បណ្តាលឲ្យមានរបួសស្នាម ។ ប៉ុន្តែចម្លើយជនត្រូវចោទនៅ ចំពោះមុខតុលាការ បានផ្ទុយមកវិញថា : ជាការប្រលែងគ្នាលេង មិនមែនជាការប្រព្រឹត្តបទល្មើសដូចការចោទប្រកាន់នោះទេ !។ តែទោះជាចម្លើយដោះបន្ទុករបស់ជនសង្ស័យយ៉ាងណាក្តី ការសម្រេចសេចក្តីនិងការវិច្ឆ័យទោស ទោស វាអាស្រ័យទៅការលើកភស្តុតាង ,សាក្សី ,អង្គហេតុ និងអង្គច្បាប់ របស់តុលាការជាអ្នកសម្រេច !!!។

សំណុំរឿងទី២ : ជាប់ចោទពីបទ : "គំរាមកំ ហែងហែកកេរ្តិ៍" អង្គហេតុដែលផ្តើមចេញពីការងារក្រុមហ៊ុនរកស៊ីជាមួយគ្នា លុះពេលបែកបាក់គ្នាតែងតែ មានបញ្ហារកាំរកុះប្រើពាក្យសំដីធ្ងន់ស្រាលទៅវិញទៅមកជាមិនខាន ។ បទល្មើសនេះក៏ត្រូវបានរង់ចាំការកាត់ក្តីពីតុលាការដែរ ។

គួររំលឹកថា : កាលពីរសៀលថ្ងៃទី២៥ ខែឧសភា ឆ្នាំ២០២៥ លោកស្រី យី សុខវួច ចៅក្រមស៊ើបសួរសាលាដំបូងរាជធានីភ្នំពេញ បានចេញដីកាសម្រេចឃុំខ្លួនអតីតឧកញ៉ា ហេង សិទ្ធី ដាក់ពន្ធនាគារ ព្រៃស (ម១)ជាបណ្តោះអាសន្ន ។ តាមដីកាបង្គាប់ឲ្យឃុំខ្លួនរបស់ លោកស្រី ចៅក្រមស៊ើបសួរបានបញ្ជាក់ថា : បានឃើញសំណុំរឿងស៊ើបសួរលេខ ៥៥៥៩ ចុះថ្ងៃទី០២ ខែធ្នូ ឆ្នាំ ២០២៤ ដែលទាក់ទងនឹង ឈ្មោះ ហេង សិទ្ធី ភេទប្រុស កើតថ្ងៃទី ២៦ ឆ្នាំ១៩៨៩ មុខរបរ (ពាណិជ្ជករ )ទីលំនៅមុនពេលឃាត់ខ្លួននៅ ផ្ទះលេខ៦២LM ផ្លូវលេខ២០៥ ភូមិ៤ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ប្រពន្ធ (លែងលះ) មានកូន ចំនួន៤ នាក់ ។ ជននេះត្រូវបានដាក់ឲ្យស្ថិតនៅក្រោមការ ពិនិត្យ ពីបទ : "គំរាមកំហែងហែកកេរ្តិ៍ស្ថានទម្ងន់ទោស" ! ប្រព្រឹត្តិនៅប្រទេសកម្ពុជា ក្នុងខែវិច្ឆិកា ឆ្នាំ២០២៤ បទល្មើសព្រហ្មទណ្ឌដែលមានចែងឲ្យផ្តន្ទាទោសតាមបញ្ញត្តិមាត្រា ៣៧២ និងមាត្រា ៣៧៤ នៃក្រមព្រហ្ម ទណ្ឌ ។

អតីតឧកញ៉ា ហេង សិទ្ធីដែលរត់គេចខ្លួនទៅដល់ប្រទេសរុស្ស៊ីហើយនៅ ត្រូវបានសមត្តកិច្ចនគរបាលជាតិ នៃប្រទេសកម្ពុជា សហការជាមួយអាជ្ញាធរនៃប្រទេសរុស្សី បាននាំខ្លួនពីប្រទេសរុស្សី តាមដីការបស់ចៅក្រមស៊ើបសួរសាលាដំបូងរាជធានីភ្នំពេញ ដោយនាំយកទៅឃុំខ្លួនជាបណ្តោះអាសន្ននៅពន្ធនាគារព្រៃស( ម១)ដើម្បីបើកការស៊ើបអង្កេតលើការចោទប្រកាន់នោះ !។ក្រោយមកបានផ្ទេរទៅគុកត្រពាំងផ្លុង។

អតីតឧកញ៉ាជនជាប់ចោទហេងសុទ្ធីមានឪពុកជាធ្លាប់អគ្គនាយករងនគរបាលអន្តោប្រវេសន្តនិងជារដ្ឋលេខាធិការរដ្ឋលេខាធិការដ្ឋានអាកាសចរស៊ីវិលតែបានលាលែងបន្ទាប់ពីកូនផ្ទុះរឿងជាមួយអ្នកធំ។លោក ចុង សុវណ្ណនី ជាលោកឪពុកបង្កើតរបស់អតីតអ្នកឧកញ៉ា ហេង សិទ្ធី ត្រូវបានបញ្ចប់មុខតំណែងពីរដ្ឋលេខាធិការនៃរដ្ឋលេខាធិការដ្ឋានអាកាសចរណ៍ស៊ីវិល តាមរយៈព្រះរាជក្រឹត្យ ដែលចេញកាលពីថ្ងៃទី៣១ ខែមករា ឆ្នាំ២០២៥ បន្ទាប់ពីមានការក្រាបបង្គំថ្វាយសុំពីប្រមុខរាជរដ្ឋាភិបាល។ ផ្អែកតាមព្រះរាជក្រឹត្យ លោក ចុង សុវណ្ណនី ជាអ្នកស្ម័គ្រចិត្តស្នើសុំឱ្យបញ្ចប់មុខតំណែងនេះខ្លួនឯង។