នាយក"វិទ្យាល័យជ័យវរ្ម័នទី៧"នៅស្រុកកៀនស្វាយ គាបឱ្យសិស្សបង់លុយប្រចាំខែ ក្នុងម្នាក់ៗ១ម៉ឺន១ពាន់រៀល!

កណ្តាល៖ លោកស្រីនាយិកា"វិទ្យាល័យជ័យវរ្ម័នទី៧"នៅស្រុកកៀនស្វាយខេត្តកណ្តាល រួមនិងគណៈគ្រប់គ្រង កំពុងរងការរិៈគន់ជាខ្លាំង ពីសំណាក់លោកគ្រូអ្នកគ្រូ រួមនិងអាណាព្យាបាលសិស្ស.ពាក់ពន្ធ័និការកំណត់ឱ្យសិស្សបង់លុយប្រចាំខែ ក្នុងម្នាក់ៗចំនួន១១.០០០រៀលជាកំហិត!។ 

សូមជម្រាបថា"វិទ្យាល័យជ័យវរ្ម័នទី៧"ស្ថិតក្នុងឃុំដីឥដ្ឋ ស្រុកកៀនស្វាយ ខេត្តកណ្តាល.មានគ្រូសរុបចំនួន១៣៤នាក់ និងមានសិស្សជាង ២.៦០០នាក់!។គណនាយកនាយិកា"វិទ្យាល័យជ័យវរ្ម័នទី៧"ត្រូវបានអាណាព្យាបាលសិស្សឲ្យដឹងថាបាន ប្រជុំដាក់ផែនការបង្ខំឱ្យសិស្សនិងអាណាព្យាបាល យល់ព្រមបង់លុយប្រចាំខែ សម្រាប់សិស្សម្នាក់ចំនួន១១.០០០រៀលជាកំហិត!លើកលែងតែសិស្សមានប័ណ្ណក្រីក្រ..!!។ដោយសំអាងថា លុយទាំងនេះ១ផ្នែកធំស្មើហ្នឹង៩.០០០រៀល យកមកចំណាយថ្លៃ ប្រឡងតេស្តស្តង់ដាប្រចាំខែ ហើយ១.០០០រៀលថ្លៃទឹកនិងភ្លើង!។

ខណៈ១.០០០រៀលទៀត សាលាប្រើលេសថា ជាប្រាក់សន្សំសម្រាប់សិស្ស នៅពេលប្រឡងចប់ថ្នាក់ទី១២ គឺសិស្សអាចដកប្រាក់សន្សំនេះយកទៅវិញបាន.!។ក្រៅពីនេះនៅពេលចុះឈ្មោះចូលរៀន ខាងសាលា.តម្រូវឱ្យអាណាព្យាបាលសិស្ស មកស្តាប់ការណែនាំទើបទទួលពាក្យចុះឈ្មោះឱ្យចូលរៀនដោយមិនយកសេវាទេ។ការដាក់ពាក្យចូលរៀនមិនតម្រូវអោយបង់លុយក៏ពិតមែនប៉ុន្តែខាងសាលា មានយុទ្ធសាស្ត្រតម្រូវឱ្យសិស្សទិញសឺមី ពីសាលាក្នុងម្នាក់ៗ ចំនួន២.០០០រៀល។

គ- ខាងសាលា តម្រូវឱ្យសិស្សប៉ាក់ឈ្មោះលើអាវ ក្នុងអាវ១តម្លៃ៤.០០០រៀល ដោយសិស្សម្នាក់ៗ ត្រូវប៉ាក់ឈ្មោះខ្ទង់២ឬ៣អាវ ដើម្បីពាក់ផ្លាស់ប្ដូរ សម្រាប់សិក្សាប្រចាំថ្ងៃ!។ឃ-ខាងសាលា បានកំណត់យកលុយពីសិស្ស ថ្លៃខ្ចីសៀវភៅគោលរបស់ក្រសួង.គឺ(សៀវភៅពុម្ភ)ប្រចាំឆ្នាំ ក្នុង១ក្បាលតម្លៃ.៥០០រៀលជាកំហិត។ពោលគឺ សិស្សម្នាក់ៗត្រូវខ្ចីចាប់ពី៥ទៅ១០ក្បាល តាមមុខវិទ្យាដែលត្រូវសិក្សា..!។

ង- ក្នុង១ឆ្នាំៗសាលា លក់ភាស៊ីម៉ូតូបានជាង៥០.០០០.០០០រៀល ដោយឆ្នាំមុនៗ គណៈគ្រប់គ្រងសាលា.បានយកប្រាក់ភាស៊ី មួយផ្នែកតូច មកបែងចែកឱ្យគ្រូ ក្នុងម្នាក់ៗចំនួន៨០.០០០រៀលប៉ុណ្ណោះ!។ជាមួយគ្នានេះ នាយិកាសាលា ក៏បានដកលុយចំនួន៥.០០០.០០០រៀល យកទិញកុំព្យូទ័រ ផ្ទាល់ខ្លួនទៀតផង.!!។ជាក់ស្តែង ការអភិវឌ្ឍន៍ក្នុងសាលា រួមនិងការចំណាយផ្សេងៗ ជាលុយរបស់ក្រសួង និងសប្បុរសជនអាណាព្យាបាលសិស្ស..!!។

ច-បង្ខំឱ្យសិស្សរៀនបំប៉ន ក្រៅម៉ោងសិក្សា នៅក្នុងសាលារៀន គឺម្នាក់ៗបង់១៥.០០០រៀលសម្រាប់១ខែម្ដង.!ទន្ទឹមនិងនោះ ខាងសាលា ក៏បានតម្រូវឱ្យអាណាព្យាបាលសិស្ស បង់លុយចំនួន១០.០០០រៀលក្នុងម្នាក់ សម្រាប់ដាក់កាមេរ៉ាសុវត្ថិភាពថែមទៀត..!។ករណីនេះលោក ប៉ិច អាយ ប្រធានការិល័យ អប់រំ យុវជននិងកីឡា ស្រុកកៀនស្វាយ បានបកស្រាយ"ថា ការយកលុយពីសិស្សទាំងនោះ គឺខាងសាលាបានប្រជុំកៀងគរជាមួយអាណាព្យាបាលសិស្សរួចហើយ.!។

-ចំពោះសំណួរថា តើការយកលុយបែបនេះ មានគោលការពីក្រសួងដែរឬទេ..?។លោក ប៉ិច អាយ បានឆ្លើយថា ក្រសួង.សហគមនិងសាលារៀន គឺផ្សារភ្ជាប់គ្នាតែមួយ.!?។លោកស្រី ក្រុះ ចាន់លន់ នាយិកា"វិទ្យាល័យជ័យវរ្ម័នទី៧"បានថ្លែងថា ខាងសាលា.ពិតជាបានយកលុយពីសិស្សដូចចំនួនខាងលើប្រាកដមែន!។

លោកស្រីបន្តថា ការបង់លុយទាំងនេះ គឺបានប្រជុំប្រាប់អាណាព្យាបាលសិស្ស ឱ្យបង់ដោយស្ម័គ្រចិត្ត ពុំមែនជាការបង្ខិតបង្ខំ!។-ចំពោះសំណួរថា តើលុយ១ខែចំនួន១០.០០០រៀល ថ្លៃបង្រៀនបំប៉ននោះ យ៉ាងម៉េចវិញ.?។លោកស្រីនាយិកា បានឆ្លើយថា គឺយកតែសិស្សថ្នាក់ទី១២ប៉ុណ្ណោះ!។-សួរ.តើការយកលុយពីសិស្ស ក្នុងម្នាក់១០.០០០រៀល ថ្លៃដាក់កាមេរ៉ាសុវត្ថិភាពពិតទេ.?។លោកស្រី ទទួលស្គាល់ថា យកមែន!។

-សួរ.តើលុយភាស៊ីម៉ូតូក្នុង១ឆ្នាំជាង៥០លានរៀល យកទៅណា..?។លោកស្រី ក្រុះ ចាន់លន់ អះអាងថា គឺយកមកប្រើប្រាស់ ក្នុងការអភិវឌ្ឍន៍ផ្សេងៗ។សួរ.តើការទិញសឺមី ក្នុងម្នាក់ៗ ២.០០០រៀលនោះម៉េចវិញ..?លោកស្រី នាយិកា បញ្ជាក់ថា ខាងគណៈគ្រប់គ្រងសាលា តម្រូវឱ្យមានសឺមី សម្រាប់ដាក់ឯកសារ ដូច្នេះហើយសិស្សត្រូវចំណាយលុយទិញ.!។គេមុនដឹងថាតើវិធីរកលុយរបស់វិទ្យសល័យជយ័វរ្មន័ទី៧នៅស្រុកកៀនស្វាយទទួលបានការអនុញាតិពីក្រសួងអប់រំដែរឬអត់នោះទេ។បញ្ហានេះលោករដ្ឋមន្ត្រីក្រសួងអប់រំត្រូវបំភ្លឺថាតើជាគោលកការក្រសួងឬក៏សាលាធ្វើដោយចិត្តឯង?។