បែករឿងករណីយ៍ចាប់ឡានឈើហើយចៅហ្វាយខេត្តរាគមន៍គឺជាឈើរបស់លោកសង្ឃ!
28-December-2025 / ព័ត៌មានជាតិ
ព្រះវិហ៊ារ៖លោកតាន់គឹមសួរដែលគេស្គាល់ថាសកម្មជនការពារព្រៃឈើបានឲ្យដឹងថាឈើដែលមេព្រៃខេត្ពព្រះវិហ៊ារចាប់ឃាត់១ឡាវេអងមានចំនួនជាង៣០ម៉ែត្រគីបហើយត្រូវបានគេដោះលែងទាំងតក់ក្រហល់ទាំងយប់ដោយគ្មានកំណត់ហេតុតាមសចំណាអភិបាលខេត្រកំពង់ចាមគឺជាឡានដឹកឈើរបស់លោកសង្ឃ?។
តាមរយ៖ហ្វេសប៊ុកលោកតាន់គឺមសួរបានសសេរថា៖ ខ្ញុំបាទតាន់ គឹមសួរមិនដែលមានសេចក្ដីទោមនស្សអ្វីបន្តិចទេជាមួយព្រះសង្ឃ ហើយខ្ញុំយល់កាន់តែច្បាស់អំពីពុទ្ធោវាទ និងធម៌វិន័យក្នុងព្រះពុទ្ធសាសនាខ្លះៗ ហើយខ្ញុំក៏ធ្លាប់បានបួសរៀនដែរ។ខ្ញុំសូមគោពស្នើសុំយោបល់ទៅកាន់ជនរួមជាតិថា តើលិខិតស្នើសុំនេះមានលក្ខិណៈគ្រប់គ្រាន់ក្នុងការប្រើប្រាស់ដែរឬទេ? បើមិនទាន់មានលក្ខិណៈគ្រប់គ្រាន់ក្នុងការប្រើប្រាស់ ហេតុអ្វីបានត្រូវអាចយកមកប្រើប្រាស់បានដូចនេះ?
គំនូសបន្ទាត់ទី១/ ស្នើសុំឈើផ្ចឹក និងឈើសុក្រំ តែព្រះសង្ឃបានបំពានដោយលាយជាមួយឈើប្រណិត (ធ្នុង កាត់ថ្មីដែលជាឈើដែលត្រូវបានហាមឃាត់ជាដាច់ខាត) តើនេះឆ្លុះបង្ហាញអំពីភាពទៀងត្រង់របស់ព្រះសង្ឃបានទេ?
គំនូសបន្ទាត់ទី២/ ស្នើសុំឈើសរុបត្រឹមតែ ១២,៧៥០គីប តែព្រះសង្ឃបានដាក់បន្ថែមលើសទៅដល់ប្រហែលជាជិត៣០គីប (សល់២ចង្អាមពេញទ្រុងឡានវេអង) ហេតុអ្វីមិនព្រមដាក់ឈើចំនួន១២,៧៥០គីបតាមការស្នើសុំ? តើនេះគឺជាការកុហក ហើយជាការបំពានចំពោះធម៌វិន័យក្នុងព្រះពុទ្ធសាសនាដែរឬទេ?មិនមានឯកសារពីរដ្ឋបាលព្រៃឈើ និងបរិស្ថាន មិនមានអ្នកត្រួតពិនិត្យអំពីការដឹកជញ្ជូញឈើទាំងនោះ។
តើទង្វើព្រះសង្ឃទៅបំផុសបំផុលប្រជាជនឲ្យទៅបំផ្លាញធនធានធម្មជាតិក្រោមហេតុផលទិញឈើស្របច្បាប់មានតម្លៃថ្លៃ គឺជាទង្វើដែលត្រឹមត្រូវដែរឬទេ?ក្នុងនាមខ្ញុំជាប្រជាជនសាមញ្ញម្នាក់ដែលស្នេហាធនធានធម្មជាតិ ខ្ញុំគិតថាឯកឧត្ដមអ៊ុន ចាន់ដា អភិបាល នៃគណៈអភិបាលខេត្តកំពង់ចាមចារចំណារលើលិខិតនេះពិតជារឿងដែលមិនត្រឹមត្រូវទេ។ បើវត្តខាងលើចៀសពីការប្រើប្រាស់ឈើមិនបានទេ ឯកឧត្ដមអាចស្នើសុំឈើពីមន្ទីរកសិកម្ម មន្ទីរបរិស្ថាន សង្កាត់រដ្ឋបាលព្រៃឈើ ឬស្នាក់ការបរិស្ថានដើម្បីយកឈើដែលដកហូតបានពីបទល្មើសប្រគេនជូនព្រះសង្ឃទើបជារឿងដែលត្រឹមត្រូវ។ ឈើដកហូតមករក្សាទុកច្រើនណាស់ ឈើខ្លះទុកយូររហូតដល់ពុកខូចក៏មានដែរ វាប្រសើរជាងឲ្យព្រះសង្ឃនិមន្តទៅដើររកទិញឈើតាមភូមិ វាហាក់ដូចជាឲ្យព្រះសង្ឃទៅបំផុឲ្យប្រជាជនចូលព្រៃកាប់ឈើអ៉ីចឹង ខ្ញុំធ្លាប់តែឃើញព្រះសង្ឃដើរបិណ្ឌបាតឲ្យប្រជាជនបញ្ឈប់ការបំផ្លាញធនធានធម្មជាតិ ចម្លែកអីព្រះសង្ឃប៉ុន្មានអង្គនេះនិមន្តបិណ្ឌបាតឲ្យប្រជាជនចូលព្រៃកាប់ឈើទៅវិញ។
កាលពីដើមឆ្នាំ២០២៤ រូបភាពនៃការស្នើសុំឈើបែបនេះធ្លាប់កើតមានម្ដងរួចទៅហើយ គឺមានឡានវេអងចំនួន៣គ្រឿង ២៨គីប*៣= ៨៤គីប និងមានឡានកូរ៉េ២គ្រឿងទៀត សរុបប្រហែលជា១០០គីបដឹកទៅវត្តខាងលើដូចគ្នា តែក្រោយពីពួកយើងបានទៅពិនិត្យជាក់ស្ដែង ពួកយើងសង្កេតឃើញថាវិហារ អាស្រមអីផ្សេងៗគឺធ្វើពីថ្មទាំងអស់។ សំនួរសួរថា តើឈើទាំងនោះបាត់ទៅណា? (ប្រភពពីអ្នកសារព័ត៍មាន និងមន្ត្រីប្រចាំខេត្តព្រះវិហារ)ក្រោយពីពិនិត្យបានយ៉ាងល្អិតល្អន់ហើយ លោករីឡាយ នាយសង្កាត់ជ័យសែន ខេត្តព្រះវិហារ ក៏ទទួលស្គាល់ដែរថានេះគឺជាបទល្មើសជាក់ស្ដែង ត្រូវសរសេរកំណត់ហេតុ និងរាប់ឈើជាក់ស្ដែងដើម្បីដាក់កំហិតទោសតាមផ្លូវច្បាប់(មានសំឡេង)។
អ្នកបើកឡានមិនត្រូវបានអនុញ្ញាតឲ្យគេងក្នុងហ្នឹងទេ រីឯព្រះសង្ឃត្រូវបាននិមន្តទៅវត្តនៅជិតហ្នឹងដើម្បីសឹង រង់ចាំដោះស្រាយនៅថ្ងៃស្អែក។ មានឯណា គ្រាន់តែពួកខ្ញុំចេញបាត់មិនទាន់បានប៉ុន្មាននាទីផង ឡានវេអងដែលពួកយើងខ្ញុំចំណាយពេល កំលាំងកាយចិត្តក្នុងការចូលរួមជួយបង្ក្រាបបែរជាត្រូវបានដោះលែងភ្លាមៗដោយមិនមានធ្វើកំណត់ហេតុ ឬរបាយការណ៍អ្វីទាល់តែសោះ។ វាហាក់ដូចជាឆ្លុះបង្ហាញអំពីភាពមិនប្រក្រតីទាល់តែសោះ ការខំចំណាយពេលរបស់ខ្ញុំជាច្រើនម៉ោងជិះពីភ្នំពេញមកស្រុកជ័យសែនតែឯងប្រែជាឥតន័យអ្វីបន្តិចទាល់តែសោះ។
ពួកយើងមិនដែលទៅហាមឃាត់ទេ ហើយរឹតតែគ្មានសិទ្ធទៅហាមឃាត់ទៀតចំពោះការប្រើប្រាស់សម្បត្តិធនធានធម្មជាតិឲ្យបានត្រឹមត្រូវ និងជាប្រយោជន៍ជាតិដ៏ពិតប្រាកដ។អ្វីគួរជាទីព្រួយបារម្ភ គឺខ្លាចក្រែងជនល្មើសព្រៃឈើប្រើរូបភាពព្រះសង្ឃដើម្បីបិណ្ឌបាតឈើយកទៅជួញដូរជាផលប្រយោជន៍ផ្ទាល់ខ្លួន។
