
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 386 នាក់
ម្សិលមិញ 5988 នាក់
សរុប 18745721 នាក់
ខេត្តកោះកុង៖នៅវេលាវេលាម៉ោង១១.៣០នាទី ព្រឹកថ្ងៃទី៦ខែមករាឆ្នាំ២០២៦ មានករណីនាវាកងទ័ពជើងទឹកថៃ បានរំលោភចូលមកក្នុងដែនសមុទ្រកម្ពុជា កៀកនឹងខេត្តកោះកុង។កម្លាំងយោធានាវានេះបានធ្វើការចាប់យកទូកនេសាទប្រជាពលរដ្ឋខ្មែរប្រភេទអូសទោល(លេខទូកស្រាវជ្រាវមិនឃើញ) កំលាំង១៩០សេះ ចំនួន១គ្រឿង នៅត្រង់ចំណុចN11.33.30 E102.51.39 ចម្ងាយប្រហែល ៦ម៉ៃល៍ពីចំណុចកោះយ៉ ស្ថិតក្នុងឃុំប៉ាក់ខ្លងស្រុកមណ្ឌលសីមា ខេត្តកោះកុងនៅពេលទូកខាងលើកំពុងធ្វើសកម្មភាពនេសាទក្នុងដែនសមុទ្រនៅជិតៗផ្ទះរបស់ខ្លួន ។
តាមប្រភពពីសមត្ថកិច្ចព្រំដែនទឹកបានឲ្យដឹងថាកម្មករនេសាទចំនួន ៤ នាក់ ដែលទាហ៊ានជើងទឹកថៃបានចាប់នោះគឺ ÷១-ឈ្មោះ តី ជឿន ភេទប្រុស អាយុ ៤៨ មានទីលំនៅភូមិ៣ ភូមិប៉ាក់ខ្លង ស្រុកមណ្ឌលសីមា ខេត្តកោះកុង ជាម្ចាស់និងជាតៃកុងទូក ។២-ឈ្មោះ ណុប គឹមហេង ភេទប្រុស ១៧ឆ្នាំ មានទីលំនៅខេត្តកំពត កូនដៃទូក ។៣-ឈ្មោះ គង់ បារាំង ភេទប្រុស អាយុ៤២ឆ្នាំ មានទីលំនៅខេត្តកំពត កូនដៃទូក ។៤-មិនស្គាល់ឈ្មោះ អាយុប្រហែល៥៥ឆ្នាំ ។បច្ចុប្បន្នទូកខាងលើ និងមនុស្សទាំង៤នាក់ ត្រូវបានកងទ័ពជើងទឹកថៃបាននាំយកទៅក្នុងប្រទេសថៃបាត់ហើយ ។