ក្រុមលេខាធិការដ្ឋានGBCភាគីកម្ពុជាចូលរួមប្រជុំក្រោមគំនៀបយោធាថៃនៅព្រុំដែនច្រកព្រុំកម្ពុជានិងផាកកាតថៃ!(វិដេអូថៃទម្លាកគ្រាប់)

ភ្នំពេញ៖ក្រសួងការពារជាតិបានឱ្យដឹងថា: កិច្ចប្រជុំក្រុមលេខាធិការដ្ឋាននៃ គណៈកម្មាធិការព្រំដែនទូទៅកម្ពុជា-ថៃ (GBC) បានចាប់ផ្តើមកិច្ចប្រជុំហើយនាវេលាម៉ោង ១៦:៣០នាទី ថ្ងៃទី ២៤ ខែធ្នូ ឆ្នាំ២០២៥ នៅច្រកអន្តរជាតិព្រំ-ផាកកាត ខេត្តប៉ៃលិន ប្រទេសកម្ពុជា ទល់នឹងខេត្តច័ន្ទបុរី ប្រទេសថៃ។ 

នៅក្នុងកិច្ចប្រជុំនេះ ភាគីទាំងពីរនឹងធ្វើការពិភាក្សាលើខ្លឹមសារ និងធ្វើការផ្លាស់ប្តូរឯកសារគ្នាទៅវិញទៅមក ដើម្បីត្រៀមរៀបចំកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ដែលនឹងប្រព្រឹត្តនៅថ្ងៃទី២៧ ខែធ្នូ ឆ្នាំ២០២៥ ខាងមុខនេះ ដើម្បីជំរុញឱ្យមានការបញ្ឈប់អរិភាព និងស្វែងរកនូវដំណោះស្រាយ ដើម្បីឱ្យមានស្ថិរភាពឡើងវិញរវាងប្រទេសទាំងពីរ ក៏ដូចជាការវិលត្រឡប់ទៅរកប្រក្រតីភាពឡើងវិញ។

គណៈប្រតិភូក្រុមលេខាធិការរបស់កម្ពុជា ដឹកនាំដោយ ឧត្តមសេនីយ៍ទោ ញ៉ែម បូរ៉ាដែន ប្រធានក្រុមលេខាធិការ (GBC) កម្ពុជា និងគណៈប្រតិភូក្រុមលេខាធិការរបស់ថៃ ដឹកនាំដោយ នាយឧត្តមសេនីយ៍ ណាត់ថាផុង ប្រាវកែវ ប្រធានក្រុមលេខាធិការ (GBC ) ថៃ។

សូមគូសបញ្ជាក់ផងដែរថា កិច្ចប្រជុំក្រុមលេខាធិការដ្ឋាននៃ គណៈកម្មាធិការព្រំដែនទូទៅកម្ពុជា-ថៃ (GBC) នឹងប្រព្រឹត្តទៅចាប់ពីថ្ងៃទី២៤ ដល់ថ្ងៃទី២៦ ខែធ្នូ ឆ្នាំ២០២៥ ក្រោមការសង្កេតការណ៍ពីក្រុមអ្នកសង្កេតការណ៍អាស៊ាន (AOT) របស់កម្ពុជា និងថៃ។សូមបញ្ជាក់ថាកិច្ចប្រជុំក្រុមលេខាធិកាដ្ឋានកម្ពុជាថៃទី២៤ធ្នូនេះបានធ្វើឡើងក្រោមបរិយាកាសកៀបសង្កត់ពីយោធាថៃតាមរយ:ទម្លាក់គ្រាប់បែកនិងបាញផ្លោងដាក់កម្ពុជាyយ៉ាងខ្លាំងនៅថ្ងៃទី២៤ធ្នូ។ថៃបានបដិសេធមិនទៅប្រជុំនៅប្រទេសម៉ាឡេស៊ីតាមការស្នើសុំរបស់កម្ពុជាទេ។តើកិច្ចចរចាដោយមិនស្មើភាពចឹងទទយលបានលទ្ធផលល្អទេ?។ចាំអ៊ុតមើលទាំងអស់គ្នាទៀត!។

ជាក់ស្តែងបើយោងតាមខ្លឹមសារលិខិតក្រសួងការពារជាតិកម្ពុជាផ្ញើទៅកាន់រដ្ឋមន្រ្តីក្រសួងការពារជាតិថៃបានបញ្ជាក់ថា៖ ឯកឧត្តមជាទីគោរព, ខ្ញុំសូមយោងទៅលើសេចក្តីថ្លែងការណ៍របស់ប្រធានអាស៊ាននៃកិច្ចប្រជុំរដ្ឋមន្ត្រីការបរទេសពិសេសអាស៊ានស្តីពីស្ថានភាពបច្ចុប្បន្នរវាងកម្ពុជា និងថៃ នៅថ្ងៃទី២២ ខែធ្នូ ឆ្នាំ២០២៥ នៅទីក្រុងកូឡាឡាំពួរ ដែលស្វាគមន៍ការពិភាក្សាអំពីការបន្តបទឈប់បាញ់ និងការបញ្ឈប់អរិភាព។ ក្

នុងន័យនេះ កម្ពុជាយល់ស្របនឹងកិច្ចប្រជុំដែលបានស្នើឡើងរបស់គណៈកម្មាធិការព្រំដែនទូទៅ (GBC) ដែលត្រូវកោះប្រជុំនៅថ្ងៃទី២៤ ខែធ្នូ ឆ្នាំ២០២៥។ ស្របតាមសេចក្តីថ្លែងការណ៍របស់ប្រធានអាស៊ានខាងលើ ខ្ញុំស្នើដូចខាងក្រោម៖ ១. កិច្ចប្រជុំ GBC នេះគួរតែត្រូវបានកោះប្រជុំក្នុងទម្រង់ដូចគ្នានឹង "កិច្ចប្រជុំ GBC វិសាមញ្ញ" ដែលបានធ្វើឡើងនៅថ្ងៃទី៧ ខែសីហា ឆ្នាំ២០២៥ នៅទីក្រុងកូឡាឡាំពួរ ដូចដែលបានចែងក្នុងកថាខណ្ឌទី១៣ នៃកំណត់ហេតុដែលបានព្រមព្រៀងគ្នា។ ២. ដោយសារហេតុផលសន្តិសុខ ដោយសារតែការប្រយុទ្ធគ្នានៅតែបន្តនៅតាមព្រំដែន កិច្ចប្រជុំនេះគួរតែត្រូវបានប្រារព្ធឡើងនៅកន្លែងសុវត្ថិភាព និងអព្យាក្រឹត។

ក្នុងន័យនេះ ប្រទេសម៉ាឡេស៊ីបានយល់ព្រមធ្វើជាម្ចាស់ផ្ទះនៅទីក្រុងកូឡាឡាំពួរ។ ៣. នៅក្នុងរបៀបវារៈ កិច្ចប្រជុំគួរតែពិភាក្សាអំពីចំណុចចំនួនបួនដូចខាងក្រោម៖ ក) ការបញ្ឈប់ជាបន្ទាន់នៃអរិភាពទាំងអស់ និងការគោរព និងការអនុវត្តពេញលេញនៃកិច្ចព្រមព្រៀងឈប់បាញ់ថ្ងៃទី ២៨ ខែកក្កដា ឆ្នាំ ២០២៥ និងសេចក្តីប្រកាសរួមទីក្រុងគូឡាឡាំពួរថ្ងៃទី ២៦ ខែតុលា ឆ្នាំ ២០២៥ រួមទាំងកិច្ចព្រមព្រៀងផ្សេងទៀតដែលសម្រេចបានក្រោមក្របខ័ណ្ឌនេះ។

ខ) ការវិលត្រឡប់ដោយសុវត្ថិភាព និងថ្លៃថ្នូររបស់ជនស៊ីវិលដែលរស់នៅក្នុងតំបន់ព្រំដែនដែលរងផលប៉ះពាល់ទៅកាន់ផ្ទះសម្បែង និងជីវភាពរស់នៅធម្មតារបស់ពួកគេដូចដែលវាមានមុនពេលការផ្ទុះឡើងនៃអរិភាព។ គ) ការដោះស្រាយជម្លោះដោយសន្តិវិធីតាមរយៈការបន្តឡើងវិញជាបន្ទាន់នៃការអនុវត្តពេញលេញនៃសេចក្តីប្រកាសរួមទីក្រុងគូឡាឡាំពួរថ្ងៃទី ២៦ ខែតុលា ឆ្នាំ ២០២៥ និងការធ្វើឱ្យសកម្មឡើងវិញជាបន្ទាន់នៃយន្តការដែលមានស្រាប់ក្រោមក្របខ័ណ្ឌនេះ រួមទាំងការកំណត់ព្រំដែន និងការដោះមីនមនុស្សធម៌។ ឃ) ការពង្រឹងតួនាទីរបស់ក្រុមអ្នកសង្កេតការណ៍អាស៊ាន (AOT) ក្នុងការធានាការអនុវត្ត និងការផ្ទៀងផ្ទាត់បទឈប់បាញ់ និងកិច្ចព្រមព្រៀងផ្សេងទៀតដែលសម្រេចបានក្រោមសេចក្តីប្រកាសរួមទីក្រុងគូឡាឡាំពួរ។ សូមឯកឧត្តមទទួលយកការកោតសរសើរ និងធ្វើការពិចារណា។ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ទា សីហា។