យោធាថៃចាប់ផ្តើមបិទច្រកទ្វារព្រុំដែនអ្នកនាំពាក្យក្រសួងការបរទេសកម្ពុជាថាអត់ដឹងអីហង?
11-February-2026 / សន្តិសុខសង្គម
បន្ទាយមានជ័យ៖ អភិបាលខេត្តបន្ទាយមានជ័យ លោក អ៊ុំ រាត្រី បានឱ្យដឹងថា ច្រកទ្វារអន្តរជាតិប៉ោយប៉ែត និងច្រកទ្វារអន្តរជាតិស្ទឹងបត់ ត្រូវបានថៃបិទនៅវេលាម៉ោងជាង ៤រសៀល ថ្ងៃទី៧ ខែមិថុនា ឆ្នាំ២០២៥ បន្ទាប់ពីច្រកទ្វារតំបន់ទ្វេភាគី និងច្រករបៀងទាំងអស់ ក៏ត្រូវថៃបិទផងដែរ។
នៅរសៀលថ្ងៃទី ០៧ ខែមិថុនា ឆ្នាំ ២០២៥ ច្រកតំបន់បឹងត្រកួនស្ថិតនៅក្នុងស្រុកថ្មពួក ខេត្តបន្ទាយមានជ័យ ត្រូវបានកងម្លាំងថៃទាញបារ៉ាស់បិទមិនឲ្យមានការចរាចរណ៍ឆ្លងកាត់។នៅច្រកតំបន់ ម៉ាឡៃវិញគណៈកម្មការច្រកតំបន់ម៉ាឡៃបានឲ្យដឹងថា នៅថ្ងៃនេះគឺ ច្រកតំបន់ម៉ាឡៃដំណើរការជាធម្មតាតែយោងតាមការជួបដំណឹងរបស់ភាគីថៃនៅរសៀលថ្ងៃនេះនៅថ្ងៃស្អែកទី ០៨ ចាប់ពីម៉ោង ១២ ថ្ងៃត្រង់ថៃនឹងបិទលេងឲ្យដំណើរការច្រកទៀតហើយ»។
លោក អ៊ុំ រាត្រី បានបញ្ជាក់ថា សម្រាប់ច្រកទ្វារអន្តរជាតិប៉ោយប៉ែត ត្រូវបានថៃបិទនៅវេលាម៉ោងប្រមាណ ៤:១៦នាទីរសៀលថ្ងៃនេះ ហើយពួកគេថា ចាប់ពីថ្ងៃស្អែកនឹងបើកនៅវេលាម៉ោង ៨ព្រឹក រហូតដល់ម៉ោង៤រសៀល។
សួមបញ្ជាក់បន្ថែមថា បន្ទាប់ពីភាគីថៃបានបិទច្រកទ្វារព្រំដែនអន្តរជាតិប៉ោយប៉ែតគេឃើញថាមានអាជីវករខ្មែរដែលលក់ដូរនៅក្នុងផ្សាររោងក្លឿស្រុកអារញ្ញ ខេត្តស្រះកែវឈមនឹងច្រកទ្វារអន្តជារិប៉ោយប៉ែតជាច្រើននាក់មានការកកស្ទះពេលពួកគាត់បម្រុងវិលមកលំនៅឋានវិញនៅក្រុងប៉ោយប៉ែតដូចសព្វមួយដង។
សេចក្ដីរាយការបន្ថែម៖ នៅម៉ោង៥និង៣០នាទីថ្ងៃដដែលភាគីថៃបានចាក់សោបើកច្រកទ្វារអន្តជាតិដើម្បីឲ្យអាជីវករខ្មែរចូលមកហើយ ដោយឡែកខាងកម្ពុជាក៏ឲ្យជនជាតិថៃចូលទៅប្រទេសគេវិញដែរ។សម្រាប់ការចេញចូលរបស់ប្រជាពលរដ្ឋនៅច្រកទ្វារអន្តរជាតិប៉ោយប៉ែត ថៃនឹងសម្រួលជូនរហូតដល់ម៉ោង៨យប់ថ្ងៃនេះ។ដោយឡែកនៅភូមិសាស្ត្រខេត្តបាត់ដំបងជាមួយថៃវិញចាប់តាំងពីយប់ថ្ងៃទី ៦ រហូតដល់ព្រឹកថ្ងៃទី ៧ ខែមិថុនាឆ្នាំ ២០២៥ វេលាម៉ោង ៦ ០០ នាទីព្រឹក កម្លាំងទ័ពឈុតខ្មៅថៃបានដាក់ពង្រាយបន្លាលួស ទៅលើភូមិសាស្ត្រដែលជាច្រករបៀង ក្នុងស្រុកសំពៅលូន និងស្រុកភ្នំព្រឹកនៅក្នុងខេត្តបាត់ដំបង។
ដោយឡែកច្រកអន្តរជាតិភ្នំដីក្នុងស្រុកសំពៅលូន និងច្រកអន្តរជាតិដូង ក្នុងស្រុកកំរៀង រួមជាមួយច្រកតំបន់អូរអន្លក់ និងច្រកតំបន់ ៤០០ ស្ថិតក្នុងស្រុកសំឡូត គឺនៅធ្វើចរាចរណ៍ជាធម្មតាដោយពុំមានការបិទច្រកទាំងនោះឡើយ។
ទោះបីយ៉ាងណាការបិទច្រកព្រុំដែនដោយភាគីថៃគគ្រឹកគគ្រេងនេះលោក ជុំ សុន្ទរី អ្នកនាំពាក្យក្រសួងការបរទេសកម្ពុជា បានថ្លែងថា រហូតមកដល់ពេលនេះ( ទី៧ មិថុនា ២០២៥ )ក្រសួងការបរទេសមិនទាន់ទទួលបានព័ត៌មានណាមួយពីភាគីថៃ ក៏ដូចជាពីអាជ្ញាធរមានសមត្ថកិច្ចរបស់កម្ពុជា អំពីការបិទច្រកព្រំដែនណាមួយដោយភាគីថៃ នៅឡើយទេ។
ទន្ទឹមនឹងនេះ លោកអ្នកនាំពាក្យកំពុងរង់ចាំការបញ្ជាក់របស់ស្ថានអគ្គកុងស៊ុលកម្ពុជានៅខេត្តស្រះកែវ ចំពោះព័ត៌មានអំពី ការបិទច្រកព្រំដែនតំបន់ដោយភាគីថៃ ខាងលើនេះ។ការពិតក្នុងនាមការទូតលោកជុំ សុន្ទរីនិយាយត្រូវព្រោះក្រសួងការបារទេសត្រូវការការជូនដំណឹង។តែបើយើងមើលសេចក្តីថ្លែងការណ៍របស់ក្រសួងការពារជាតិថៃគឺបានប្រគល់ភារកិច្ចការងារព្រុំដែនឲ្យទៅខាងយោធាហើយ។ដូចនេះខាងយោធាថៃតើជាអ្នកបិទមិនមែនក្រសួងការបេរទេសថៃឯណា។
យោងតាមលិខិតជូនដំណឹង របស់ស្ថានអគ្គកុងស៊ុលកម្ពុជា នាព្រឹកថ្ងៃទី០៧ ខែមិថុនា ការដែលថៃសម្រេចជាឯកតោភាគី បិទច្រកតំបន់ និងច្រករបៀង រវាងប្រទេសទាំងពីរ ជាបណ្ដោះអាសន្ន ដោយសារតែភាគីកម្ពុជាបានបដិសេធ មិនព្រមចរចា ៤ចំណុច គឺតំបន់ប្រាសាទតាមាន់តូច តាមាន់ធំ តាក្របី និងតំបន់មុំបី នៅ ក្នុងកិច្ចប្រជុំពេញអង្គគណៈកម្មាធិការចម្រុះព្រំដែន(JBC) ដែលនឹងធ្វើនៅថ្ងៃទី១៤ ខែមិថុនា ឆ្នាំ ២០២៥។ករណីយ៍នេះសារព័ត៌មាន Thai Enquirer បានរាយការណ៍នៅថ្ងៃទី៧ មិថុនានេះដែរថា អគ្គមេបញ្ជាការកងទ័ពជើងគោកថៃ លោកផាណាក្លែវផ្លូតធុក(Phana Klaewplodthuk )បានចុះហត្ថលេខាលើបទបញ្ជាមួយដោយអនុញ្ញាតឱ្យមេបញ្ជាការកងទ័ពជើងគោកប្រចាំនៅ Burapha និង Suranaree គ្រប់គ្រងការបើក និងបិទចំណុចត្រួតពិនិត្យព្រំដែនទាំងអស់នៅជាប់កម្ពុជា។
សារព័ត៌មានថៃដដែល បានស្រង់សំដីអ្នកនាំពាក្យកងទ័ពជើងគោកថៃគឺឧត្តមសេនីយ៍ Winthai មកថា ទោះបីជាថៃខិតខំប្រឹងប្រែងបន្ធូរភាពតានតឹងតាមមធ្យោបាយសន្តិភាពក៏ដោយ ក៏កម្ពុជាបានបន្តពង្រឹងទ័ព និងបង្កើតមូលដ្ឋានកងទ័ពនៅជាប់ព្រំដែន។ មេទ័ពថៃអះអាងថា វិធានការថ្មីរបស់ខ្លួនតាមរយៈការបិទច្រករបៀងតាមព្រំដែន គឺមានគោលបំណងការពារអធិបតេយ្យភាពថៃ និងរក្សាសណ្តាប់ធ្នាប់។
