វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2534 នាក់
ម្សិលមិញ 2691 នាក់
សរុប 13066835 នាក់
ភ្នំពេញ៖តាមបញ្ជាលោកនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឲ្យចាត់វិធានការតាមផ្លូវច្បាប់យ៉ាងម៉ឺងម៉ាត់បំផុត លើអធិការរងខណ្ឌចំការមនម្នាក់ ដែលបានវាយទៅលើប្រជាពលរដ្ឋបណ្ដាលឲ្យសន្លប់ នៅយប់ឈានចូលថ្ងៃទី១៤ ខែសីហា ឆ្នាំ២០២៣ ចំណុចផ្លូវ៤៨៤ កែង៩៩ ស្ថិតក្នុងខណ្ឌចំការមន។
នៅព្រឹកថ្ងៃទី១៤ ខែសីហា ឆ្នាំ២០២៣នេះ លោកឧត្តមសេនីយ៍ត្រី សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ បានឲ្យដឹងថា «ករណីអធិការរងខណ្ឌចំការមន ដែលបានវាយលើប្រជាពលរដ្ឋដែលបើករថយន្ដបុកខឿននោះ គឺជាការល្មើសវិន័យ និងល្មើសច្បាប់។ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានដាក់បទបញ្ជាដាច់ណាត់ទៅអធិការខណ្ឌចំការមន ត្រូវតែអនុវត្តតាមច្បាប់ចំពោះមន្ដ្រីដែលបង្កហិង្សាលើប្រជាពលរដ្ឋនេះ»។
សម្រាប់អ្នកបើកបររថយន្ដដែលបានបង្កគ្រោះថ្នាក់ចរាចរណ៍បុកខឿនផ្លូវសាធារណៈនោះ ក៏ត្រូវហៅមកធ្វើកិច្ចសន្យាអប់រំ និងផាកពិន័យតាមផ្លូវច្បាប់ដូចគ្នា។ អធិការរងនគរបាលខណ្ឌចំការមន ដែលប្រើប្រាស់ហិង្សាលើប្រជាពលរដ្ឋក្នុងពេលដែលខ្លួនកំពុងស្ថិតក្នុងស្ថានភាពស្រវឹងជោគមាន ឈ្មោះ ហ៊ួត គង់ ជាអធិការរងទទួលផែនបច្ចេកទេសកោសល្យវិច្ច័យ នៃអធិការដ្ឋាននគរបាលខណ្ឌចំការមន។មុនកើតហេតុគឺនៅយប់ថ្ងៃទី១៤ ខែសីហា ឆ្នាំ២០២៣ មានបុរសម្នាក់បើករថយន្ត PRIUS លឿនជ្រុលបុកខឿនផ្ទះប្រជាពលរដ្ឋខូចខាតបន្តិចបន្តួច។ បន្ទាប់មកក៏មានបុរសម្នាក់ទៀតជិះម៉ូតូម៉ាក PCX ដែលជាគេស្គាល់ថា ជាអធិការរងនគរបាលខណ្ឌចំការមន (រហ័សនាម បាសាក់១៤) មិនដឹងចេញពីផឹកស៊ីស្រវឹងពីកន្លែងណាទេ បានមកឃាត់រថយន្តហើយប្រើពាក្យសម្ដីមិនសមរម្យ រហូតកើតជាហិង្សាវាយបុរសម្នាក់រថយន្តមុន។
ម្ចាស់រថយន្តក៏បានវាយវិញបង្កការភ្ញាក់ផ្អើលដល់ប្រជាពលរដ្ឋនិងអ្នកកាសែតចំណុចផ្លូវ៤៨៤ កែងផ្លូវលេខ៩៩ ស្ថិតក្នុងសង្កាត់ផ្សារដេីមថ្កូវ ព្រំប្រទល់សង្កាត់បឹងត្របែក ក្នុងខណ្ឌចំការមន រាជធានីភ្នំពេញ។បន្ទាប់មកក្នុងពេលដែលម្ចាស់ឡានផ្តល់សម្ភាសន៍អ្នកាសែតលោកអធិការរូបនេះក៏បានមកលួចវាយមួយដៃពីចំហៀងមុខដូចអ្នកប្រដាល់បណ្តាលឲ្យជនរងគ្រោះដួលសន្លប់ឈឹងតែម្តង។សូមបញ្ជាកដែរថាក្រៅពីរងគ្រោះ ដោយសារអធិការរងខណ្ឌចំការមន វាយមួយដៃសន្លប់ហើយនោះ ជនរងគ្រោះ បានបាត់ទូរស័ព្ទ និងនាឡិកាដៃ។ ក្នុងរូបនេះ បង្ហាញថា បុរសម្នាក់ពាក់មួកក្រហម អាវក្រឡា និងពាក់ម៉ាស់ ជាអ្នករើសទូរស័ព្ទ។ជនរងគ្រោះអំពាវនាវអ្នកដែលបានរើសទូរស័ព្ទ និងនាឡិកានោះ សូមប្រគល់ជូនគាត់វិញ គាត់នឹងជូនសាគុណថែមទៀត។ សូមមេត្តាកុំឆ្លៀតឱកាសនៅពេលគេកំពុងមានបញ្ហា ៕