ថៃឲ្យកម្ពុជាប្រកាសឈប់បាញ់មុនកម្ពុជាថាគាំទ្របទឈប់បាញ់រួចហើយ!

ប្រទេសថៃ៖អ្នកនាំពាក្យក្រសួងការបរទេសថៃ លោក Nikorndej Balankura បានបញ្ជាក់ក្នុងសន្និសីទសារព័ត៌មាននៅថ្ងៃទី ១៥ ខែធ្នូថា រាជរដ្ឋាភិបាលថៃបានកំណត់លក្ខខណ្ឌបទឈប់បាញ់ ៣ចំណុចជាមួយកម្ពុជា រួមមាន៖ 

១. កម្ពុជាត្រូវប្រកាសបទឈប់បាញ់មុន២. បទឈប់បាញ់ត្រូវធ្វើឡើងដោយអនុវត្តជាក់ស្ដែង៣. កម្ពុជាត្រូវសហប្រតិបត្តិការយ៉ាងពិតប្រាកដ និងស្មោះត្រង់លើការបោសសម្អាតគ្រាប់មីន។ការប្រកាសរបស់ថៃគឺជាការឆ្លើយតបទៅនិងសំណើរររបស់ប្រធានាធិបតីអាមរិកលោកដូណាល់ត្រាំដែលអំពាវនាវឲ្យកម្ពុជានិងថៃឈប់បាញ់។

ទាក់ទងសំណើរបស់ថៃបើយោងតាមសេចក្តីថ្លែងការណ៍របស់ក្រសួងការបរទេសកម្ពុជា នៅថ្ងៃទី ១៥ ធ្នូ ក៏ បានបញ្ជាក់ជាថ្មី ពីការប្តេជ្ញាចិត្តយ៉ាងខ្ជាប់ខ្ជួនក្នុងការគោរព និង អនុវត្តតាមលក្ខខណ្ឌនៃបទឈប់បាញ់ ស្តីពីកិច្ចព្រមព្រៀងសន្តិភាព ដែលផ្តួចផ្តើមគំនិតដោយឯកឧត្តមប្រធានាធិបតីសហរដ្ឋអាម៉េរិក ដូណាល់ ត្រាំ និង ឯកឧត្តមនាយករដ្ឋមន្ត្រីម៉ាឡេស៊ី អាន់វ៉ា អ៊ីប្រាហ៊ីម ដែលភាគីកម្ពុជា និងភាគីថៃបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ដូចកម្ពុជាដែរ។

ជាការពិតបន្ទាប់ពីមានសេចក្តីថ្លែងការណ៍សន្តិភាពកម្ពុជាថៃនៅគូឡាឡាំពួថ្ងៃទី២៦តុលាភាគីទាំងពីរបានឈានទៅរកកិច្ចសហការបោះតម្រុយបង្គោលព្រុំដែនតាមអនុស្សរណ:(MOU)ឆ្នាំ២០០០រួចទៅហើយ។ចឹងកម្ពុជាគ្មានហេតុផលទៅបង្កសង្គ្រាមជាមួយថៃដើម្បីអ្វីនោះឡើយ។ផ្ទុយទៅវិញថៃបែជារកលេសបញ្ហាយោធាខ្លួនដើរជាន់មីនហើយមកចោទកម្ពុជាជាឯកតោភាគីដើម្បីធ្វើសង្គ្រាមដោយមិនឲ្យមានក្រុមAOTធ្វើសវនកម្មអ្វីឡើយ។

សម្តីមេយោធាថៃដែលប្រកាសថាធ្វើឲ្យកងទព័កម្ពុជាបាក់ស្រុតលែងមានលទ្ធភាពបង្កការភយ័ខ្លាចដល់ប្រជាជនថៃយូអង្វែងបានបញ្ជាក់ច្បាស់ពីមហិច្ឆតាថៃក្នុងឈ្លានពានកម្ពុជាបង្កសង្គ្រាមឲ្យមានមនុស្សស្លាប់ទាំងសងខាងទៅវិញ?។ទឡ្ហីករណ៍ខាងលើបង្ហាញច្បាស់ថាអ្នកណាជាអ្នកបង្កសង្គ្រាមជាថ្មីកាលពីថ្ងៃ៧ធ្នូកន្លងមកនេះ?។គួរបញ្ជាក់ថា ត្រឹមម៉ោង ២រសៀល ថ្ងៃ១៥ធ្នូនេះ ចំនួនជនស៊ីវិលកម្ពុជាស្លាប់កើនដល់ ១៥នាក់ និងរបួស ៧៣ នាក់ ដោយសារទង្វើឈ្លានពានយោធាថៃ៕