វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2292 នាក់
ម្សិលមិញ 5378 នាក់
សរុប 14081585 នាក់
ខេត្តកណ្តាល លោក គង់ សោភ័ណ្ឌ ដែលទើបចូលកាន់តំណែងជាអភិបាលខេត្តកណ្តាលមិនទាន់បាន១ឆ្នាំផង បានប្តេជ្ញាដោះស្រាយ រាល់ពាក្យបណ្តឹង និងសំណូមពរ របស់ប្រជាពលរដ្ឋនៅទូទាំងខេត្ត។
ការប្តេជ្ញាចិត្តររបស់លោកអភិបាលខេត្តកណ្តាល បាថ្វើឡើងក្នុងហ្វេសប៊ុក នៅថ្ងៃទី១៨ ខែមិថុនា ឆ្នាំ២០២០ថា៖ “ពាក្យបណ្តឹង និងសំណូមពរ របស់បងប្អូនប្រជាពលរដ្ឋ នឹងត្រូវដោះស្រាយ ជាបន្តបន្ទាប់ តាមទិដ្ឋភាពច្បាប់ និងទឡ្ហីករណ៍ជាក់ស្តែង”។ លោកថា បើមានការយឺតយ៉ាវយ៉ាងណាក្តី ស្នើសុំពល រដ្ឋយោគយល់អធ្យាស្រ័យផងដែរ។
លោក គង់ សោភ័ណ្ឌអះអាងថាលោកនឹងប្រឹងប្រែងដោះស្រាយ អស់ពីលទ្ធភាព និងសមត្ថភាព។ លោកគង់សោភណ្ឌ័ក៏មិនភ្លេចអរគុណ ដល់សន្តិភាពដែលកសាងឡើងដោយសម្តេចតេជោហ៊ុនសែនដែរ។ ការប្តេជ្ញាចិត្តរបស់អភិបាលខេត្តនេះ ក្រោយពីមានការចេញសេចក្ដីសម្រេច ស្ដីពី ការបង្កើតក្រុមការងារ តាមដានអំពីការដោះស្រាយ ចំពោះមតិ យោបល់ ឬសំណូមពរ (Comment) របស់មហាជន ក្នុងគេហទំព័រហ្វេសប៊ុក (Facebook Page) របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃកាលពីពេលថ្មីៗនេះ។