មន្ត្រីក្រសួងសេដ្ឋកិច្ចហិរញ្ញវត្ថុម្នាក់ស្រវឹងបើករថយន្ត បុករះស្លាប់មនុស្សប្រុស-ស្រី៤នាក់ភ្លាមៗនៅក្រោមស្ពានអាកាសឬស្សីកែវ ជាប់គុកតែ៥ឆ្នាំ

ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់

មនុស្សជាង១សែននាក់គាំទ្រញត្តិទាមទារដោះលែងសកម្មជនការពារបរិស្ថាន០៥រូបនៃចលនាមាតាធម្មជាតិ

អ្នកកាសែតម្នាក់ត្រូវបានសមត្តកិច្ចចាប់ខ្លួនដាក់គុកតាមបណ្តឹងប្រធានមន្ទីរបរិស្ថានខេត្តកំពង់ធំដោយសារគ្រាន់តែផ្សាយរឿងកាប់បំផ្លាញឈើនៅព្រៃឡង់?

ការដំឡើងប្រាក់ឈ្នួល និងផ្តល់អត្ថប្រយោជន៍ផ្សេងៗ ជូនកម្មករនិយោជិកតើអាចដល់គោលដៅកំណត់របស់រាជរដ្ឋភិបាលសម្រាប់ឆ្នាំ២០៣០អត់?

សភាពាណិជ្ជកម្មកម្ពុជា និងអ្នកជំនាញ IMF ជួបពិភាក្សាគ្នាពីការ រឿងលើកកម្ពស់ការប្រើប្រាស់ប្រាក់រៀលក្នុងពេលដែលធនាគាជាតិប្រកាស់ចាត់វិធានការថ្មី

ស៊ុយអែតដែលសកម្មជួយខាងសិទ្ធមនុស្សនិងប្រជាធិបតេត្យប្រកាសបិទស្ថានទូតពីស្រុកខ្មែរក្រសួងការបរទេសប្រតិកម្ម!?

ជាច្រើនទៀត

ចំនួនអ្នកទស្សនា

ថ្ងៃនេះ 8950 នាក់

ម្សិលមិញ 10625 នាក់

សរុប 15324729 នាក់

ការបោះឆ្នោតបង្ហាញថាប្រជាជនអង់គ្លេស ចង់ដើរចេញពីសហគមន៍អឺរ៉ុបហើយអាមេរិកគាំទ្រ!

16-September-2024 / ព័ត៌មានអន្តរជាតិ

អង់គ្លេស៖លទ្ធផលនៃការបោះឆ្នោតមុនកាលកំណត់នៅអង់គ្លេសដែល បានចាប់ផ្តើមកាលពីថ្ងៃទី១២ ខែធ្នូ បង្ហាញថាប្រជាជនអង់គ្លេសភាគច្រើនចង់ដើចេញពីសហគមន៍អឺរ៉ុបដោយសារគណបក្សអភិរក្សនិយមរបស់លោកនាយករដ្ឋមន្ត្រីបូរីសចនសុន( Boris Johnson)ដែលដាក់ចេញគោលដៅចាកចេញពីអឺរ៉ុប Brexitនៅខែមករា ឆ្នាំ២០២០ទទួលបានជោគជ័យ។ a englisha1

ជាមួយនឹងការទទួលបានអាសនៈដ៏ច្រើន គឺកើនរហូតដល់ចំនួន ៣៦៤ ក្នុងចំណោមអាសនៈសរុបទាំងអស់ ៦៥០ គណបក្សអភិក្សនិយមរបស់លោកបូរីស ចនសុន មានភាគរយច្រើន និងគ្មានឧបសគ្គច្រើនដូចមុនទៀតនោះទេ ក្នុងការផ្តាច់អង់គ្លេសចេញ ពីសហភាពអឺរ៉ុបតាមគោលបំណង។មានន័យថារដ្ឋាភិបាលរបស់លោក ក៏មិនពិបាកអី ក្នុងការស្វែងរកសំឡេងគាំទ្រពីសភាឲ្យបានគ្រប់គ្រាន់ ដើម្បីអនុម័តលើកិច្ចព្រមព្រៀង Brexit ដែលលោកសម្រេចបានជាមួយនឹងសហភាពអឺរ៉ុបទៀតនោះដែរ។

លោកបូរីស ចនសុន បានចេញមុខនិយាយដោយក្តីសង្ឃឹមថា នេះគឺជាជោគជ័យមួយ ដែលអាចជួយបញ្ចប់នូវទំព័រប្រវត្តិសាស្ត្រចាស់របស់អង់គ្លេសពាក់ព័ន្ធនឹងសំណុំរឿង Brexit។ លោកនាយករដ្ឋមន្ត្រីអង់គ្លេសរូបនេះ ក៏បាននិយាយដោយមុតមាំដែរថា ចាប់ពីថ្ងៃនេះទៅ លោកនឹងប្រឹងប្រែងធ្វើការទាំងថ្ងៃទាំងយប់។ គឺខំប្រឹង ដើម្បីដឹកនាំប្រទេសអង់គ្លេស ឲ្យចាកចេញពីសហភាពអឺរ៉ុបឲ្យខានតែបាន ទៅតាមកាលកំណត់ ពោលគឺនៅថ្ងៃទី៣១ ខែមករា ឆ្នាំ ២០២០ ខាងមុខនេះ។ឯប្រធានក្រុមប្រឹក្សាអឺរ៉ុបលោក ឆាឡេស មីឆែល (Charles Michel) បាននិយាយថា សហភាពអឺរ៉ុបបានត្រៀមខ្លួនរួចជាស្រេចដើម្បីចរចាលើកិច្ចព្រមព្រៀងពាណិជ្ជកម្មសេរីជាមួយអង់គ្លេសប៉ុន្តែបានអំពាវនាវឲ្យអង់គ្លេសធ្វើការដោយស្មោះត្រង់។

គួរបញ្ជាក់ថា មេដឹកនាំប្រទេសចំនួន២៧នៅក្នុងសហភាពអឺរ៉ុបកំពុងស្ថិតក្នុងកិច្ចប្រជុំកំពូលថ្ងៃទី២នៅក្នុងទីក្រុងប្រ៊ុចសែលដែលគេរំពឹងថានឹងធ្វើការពិភាក្សាជ្រើសរើសបេក្ខភាពម្នាក់សម្រាប់គណៈកម្មការអឺរ៉ុបដើម្បីចរចាអំពីទំនាក់ទំនងនាពេលអនាគតជាមួយអង់គ្លេសបន្ទាប់ពីមានការរំពឹងថាការចាកចេញរបស់អង់គ្លេសពីសហភាពអឺរ៉ុបនឹងកើតឡើងនៅចុងខែមករារួមជាមួយរយៈពេលអន្តរកាលដល់ចុងឆ្នាំ២០២០។

សម្រាប់ជោគជ័យនេះលោក ដូណាល់ ត្រាំប្រធានាធិបតីងាមរិក ក៏បានបង្ហោះសារលើបណ្តាញសង្គម Twitter អបអរសាទរចំពោះជ័យជម្នះរបស់លោក ចនសុន(Johnson) «អបអរសាទរលោក Boris Johnson សម្រាប់ជ័យជម្នះដ៏ធំរបស់លោក។ នាពេលខាងក្រោយ អាមេរិក និងចក្រភពអង់គ្លេស នឹងអាចសម្រេចបានកិច្ចព្រមព្រៀងពាណិជ្ជកម្មធំថ្មីមួយជាមួយគ្នា ក្រោយដំណើរការដកខ្លួនចេញពីសហភាពអឺរ៉ុប (Brexit) ទីបំផុតបញ្ចប់ទៅជាស្ថាពរ»។ លោក ត្រាំ បានគូសបញ្ជាក់ថា កិច្ចព្រមព្រៀងពាណិជ្ជកម្មនោះ នឹងមានសក្តានុពលធំធេងឆ្ងាយជាង កិច្ចព្រមព្រៀងនានា ដែលចក្រភពអង់គ្លេសអាចសម្រេចបានជាមួយ EU។

មានការពិចារណាថា៖ក្នុងករណីដែលអង់គ្លេសរបស់លោកបូរីស ចនសុន លែងលះដាច់ស្រេច និងលែងមានសម្ព័ន្ធភាពអ្វីពិសេសជាមួយសហភាពអឺរ៉ុបទៀតនោះ រឿងបន្ទាប់ដែលអង់គ្លេសត្រូវធ្វើនោះគឺ ចាប់ផ្តើមភ្លាមៗនូវ ដំណើរការចរចាជាមួយសហភាពអឺរ៉ុបអំពីកិច្ចព្រមព្រៀងពាណិជ្ជកម្មជាមួយគ្នា។

កាលពីថ្ងៃទី១២ ខែធ្នូ ពលរដ្ឋអង់គ្លេសបានទៅបោះឆ្នោត មុនកំណត់ ដើម្បីជ្រើសរើសតំណាងរាស្ត្រជាថ្មី ហើយនេះក៏ជាលើកទីមួយ ក្នុងរយៈពេល១០០ឆ្នាំកន្លងមក។ មណ្ឌលបោះឆ្នោត នៅ៤ពាន់កន្លែង ក្នុងចក្រអង់គ្លេស និងអៀកឡង់ខាងជើង ស្កូតឡែន វ៉ែល បានបើកទ្វារទទួលពលរដ្ឋ ចូលទៅបោះឆ្នោត ដែលជាការបោះឆ្នោតដ៏សំខាន់បំផុត ដើម្បីសម្រេច Brexit ជាលើកចុងក្រោយ។

តាមលទ្ធផលស្ទង់មតិ ក្នុងពេលកំពុងបោះឆ្នោត បានបង្ហាញឲ្យឃើញថា គណបក្សកាន់អំណាចរបស់លោក Boris Johnson ទទួលបាន៣៦៨ កៅអី កើនឡើង៥០ កៅអី បើប្រៀបធៀបនឹងការបោះឆ្នោត នៅឆ្នាំ២០១៧ ។ ចំណែក គណបក្ស ប្រឆាំង ទទួលបានតែ ១៩១កៅអីប៉ុណ្ណោះ ហើយគណបក្សប្រជាធិបតេយ្យសេរី ទទួលបាន១៣ កៅអី និងគណបក្ស SNP ទទួលបាន៥៥ កៅអី។

គោលដៅ នៃការបោះឆ្នោតមុនកំណត់លើកនេះរបស់នាយករដ្ឋមន្ត្រីBoris Johnson គឺដើម្បីសម្រេច Brexit ដែលរដ្ឋាភិបាលរបស់លោក និងសហគមន៍អឺរ៉ុប បានព្រមព្រៀង គឺអង់គ្លេសចាកចេញពីអឺរ៉ុប នៅថ្ងៃទី៣១ ខែមករា ឆ្នាំ២០២០។គួររម្លឹកថា ថ្ងៃចាកចេញជាផ្លូវការរវាងអឺរ៉ុប និងអង់គ្លេសត្រូវបានលើកពេលចំនួន ៣ដង ហើយគេនៅមិនទាន់ដឹងថា តើថ្ងៃទី៣១ មករា ឆ្នាំ ២០២០ ជាថ្ងៃចេញពិតប្រាកដមែន ឬមួយក៏អាចលើកពេលបន្ថែមទៀត។

គូរប្រជែងរបស់លោកចនសុន គឺលោកយេរេមី ករប៊ីនដែលជាប្រធានគណបក្សពលករដែលប្រឆាំងការដើចេញពីសហគមន៍អឺរ៉ុប។ ខុសពីលោកចនសុន លោកករប៊ីនបានសន្យាធ្វើកំណែទម្រង់ និងការផ្លាស់ប្តូរជាទូទៅមួយនៅអង់គ្លេស បើគណបក្សពលករជាប់ឆ្នោត។ ទាក់ទងនឹងសំណុំរឿង Brexit ដែលលោក និងគណបក្សពលករតែងបោះឆ្នោតប្រឆាំងតាំងពីជំនាន់នាយករដ្ឋមន្ត្រីលោកស្រីតេរ៉េហ្សា មេមកដល់លោកបូរីស ចនសុន លោកករប៊ីនបានសន្យាបើកការចរចាជាមួយអឺរ៉ុបលើកិច្ចព្រមព្រៀងលែងលះថ្មីមួយដែលគិតគូរច្រើនដល់សិទ្ធិពលករ។តែលទ្ធផលគណបក្សលោកចនសុនឈ្នះការបោះឆ្នោតដែលបង្ហាញថាប្រជាជនអង់គ្លេសភាគច្រើនចង់នាំអង់គ្លេសដើចេញពីសហគមន៍អឺរ៉ុប។

សូមបញ្ជាក់ថាក្នុងករណី ការលែងលះជាផ្លូវការរវាងអង់គ្លេស និងអឺរ៉ុបដែលកំណត់យកថ្ងៃទី៣១ មករាមានដំណើរការដោយគ្មានការលើកពេលជាថ្មីវាក៏មិនមែនមានន័យថា នីតិវិធីលែងលះត្រូវចប់ត្រឹមនេះដែរ ព្រោះវាជាការបោះមួយជំហានចូលក្នុងរយៈពេលអន្តរកាលរហូតដល់ថ្ងៃទី៣១ ធ្នូ ឆ្នាំ ២០២០ដែលអឺរ៉ុប និងអង់គ្លេសត្រូវបន្តចរចាលើអនាគតទំនាក់ទំនងរវាងគ្នា។ បើតាមមើលទៅ កិច្ចចរចាប្រភេទនេះក៏មិនច្បាស់នឹងចប់សព្វគ្រប់នៅថ្ងៃទី៣១ ធ្នូ ឆ្នាំ ២០២០ ទេ។ a englang trum a englisha a englisha2