ស្នងការថា អភិបាលខេត្តកំពតជាអ្នកបញ្ជាឱ្យសមត្ថកិច្ចអញ្ជើញ ម្ចាស់អង្គភាពប៉ុស្តិ៍ខ្សឹបដំណឹងទៅសួរ?

ខេត្តកំពត:មុននេះប៉ុន្មានម៉ោងនារសៀលថ្ងៃទី៣០វិច្ឆិការថយន្តអ្នកកាសែតខ្សឹបដំណឹងត្រូវបានសមត្តកិច្ចនគរបាលខេត្តកំពតស្ទាក់ឃាត់ហៅឲ្យទៅស្នងការបង្កការភ្ញាក់ផ្អើលតាមបណ្តាញសង្គមថាមានរឿងអីបានមស្ទាក់ឃាត់អ្នកកាសែតដូចចាប់ខ្លួនចឹង?។ 

ក្រោយមកស្នងការនគរបាលខេត្តកំពត ឧត្តមសេនីយ៍ទោ ម៉ៅ ច័ន្ទមធុរិទ្ធ ឱ្យដឹងថា៖ ការស្ទាក់ហៅគឺដោយអភិបាលខេត្តកំពត លោក ម៉ៅ ធនិន្ទ ជាអ្នកបញ្ជាឱ្យសមត្ថកិច្ចអញ្ជើញ ម្ចាស់អង្គភាពប៉ុស្តិ៍ខ្សឹបដំណឹងទៅសួរពាក់ព័ន្ធការផ្សាយកន្លងមក?។

លោកឱ្យដឹងដូច្នេះបន្ទាប់ពី ទំព័រហ្វេសប៊ុកប៉ុស្តិ៍ខ្សឹបដំណឹង QuestionCam Media នៅរសៀលថ្ងៃទី៣០ ខែវិច្ឆិកា ផ្សព្វផ្សាយវីដេអូសមត្ថកិច្ចច្រើននាក់មកអញ្ជើញលោក ដោយដាក់ចំណងជើងថា÷"សូមជួយស៊ែរបន្ទាន់! ប៉ូលីសមួយក្រុម បាននាំគ្នាមកហៅខ្ញុំទាំងបង្ខំទៅក្រុងកំពត បន្ទាប់ពីផ្សាយពីភាពមិនប្រក្រតីនៅផ្សារសាមគ្គីក្រុងកំពត។ម៉ោង៣រសៀលថ្ងៃទី៣០ វិច្ឆិកា ២០២៥។"។

បន្ទាប់ពីការផ្សាយនេះ ក៏កើតជាចម្ងល់ចំពោះសាធារណជន ហើយក្រោយមក ស្នងការនគរបាលខេត្តកំពត ក៏បានចែករំលែកបន្ត ដោយសរសេរបញ្ជាក់ថា ÷"សូមជំរាបជូន ករណីនេះសមត្ថកិច្ចបានអញ្ជើញគាត់មកសាកសួរពាក់ពន្ធ័ការផ្សាយរបស់គាត់កន្លងមក តាមបញ្ជារបស់ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត។ករណីយ៍នេះមិនដឹងថាតើកាសែតខ្សឹបដំណឹងមានកំហុសអ្វីទេ?ទោះជាយ៉ាងណាបើតាមច្បាប់ស្តីពីរបបសារពត៍សកម្មភាពនគរបាលធ្វើចឹងគឺខុស។

ព្រោះហេតុអីបានសមត្តកិច្ចធ្វើចឹងបើផ្សាយខុសកែតម្រូវបានតើ។ហើយបើខុសខ្លាំងប្តឹងទៅក្រសួងពត៍មានឬទៅតុលាការទៅ។តាមរូបភាពនេះបង្ហាញថាអ្នកកាសែតរងការគម្រាមកំហែងព្រោះតែការផ្សាយរបស់ខ្លួន?៕