ឧកញ៉ាឆេងស្រីរត្ន័ហៅឡូវរីយ៉ាបន្ទាប់ពីចុះស្គមពេលជាប់គុកជម្ងឺចាប់ផ្តើមរួមរឹត!

 ភ្នំពេញៈ ផលិតផលចំនួន៤មុខ ក្នុងចំណោមផលិតផ្សេងទៀតរបស់អតីតឧកញ៉ាឆេង ស្រីរ័ត្ន ហៅ Love Riyaមានផ្ទុកសារធាតុហាមឃាត់ ខុសពីច្បាប់អនុញ្ញាត ដែលធ្វើឱ្យប៉ះពាល់ដល់សុខភាពអ្នកប្រើប្រាស់យ៉ាងខ្លាំង។នេះជាការអះអាងរបស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាលនៅថ្ងៃពុធ ទី២០ ខែសីហានេះ ដោយយោងទៅតាមលទ្ធផលនៃការយកផលិតផលទាំងនោះទៅពិសោធន៍។បើតាមការការរកឃើញបន្ថែមវាអាចជាការរកបន្ទុកដាក់បន្ថែមលើអតីតឧកញ៉ាឆេងស្រីរត្ន័ដែលសមត្ហកិច្ចចាប់ខ្លួនដោយសារតែការនិយាយស្តី។ 

ការអះអាងនេះធ្វើឡើង ដើម្បីពន្យល់សាធារណជន ក្រោយពីអតីតឧកញ៉ាឆេង ស្រីរ័ត្នត្រូវបានឃុំខ្លួននៅពន្ធនាគារខេត្តកណ្តាល កាលពីថ្ងៃទី១៥ ខែសីហាសប្តាហ៍មុនហើយមានការរិះគន់និងសម្តែងការអាណិតអាសូសុំឲ្យយោគយល់។អតីតឧកញ៉ាឆេង ស្រីរ័ត្ន អាយុ៤០ឆ្នាំ ដែលគេឃើញថាធ្លាប់មានចំណែកជួយសង្គមច្រើនដែរត្រូវបានតុលាការខេត្តកណ្តាលចោទប្រកាន់និងយកទីៅឃុំខ្លួនពីបទ ញុះញង់ឱ្យមានការរើសអើង និង ធ្វើឱ្យខូចទឹកចិត្តកងទ័ព ប្រព្រឹត្តនៅចំណុចបុរីML ស្ថិតនៅ ភូមិកំពង់សំណាញ់១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល កាលពីថ្ងៃទី៦ និងថ្ងៃទី១៣ ខែសីហា ឆ្នាំ ២០២៥។ បទល្មើសព្រហ្មទណ្ឌនេះ មានចែងឱ្យផ្តន្ទាទោសតាមមាត្រា ៤៧២ និងមាត្រា ៤៩៦ នៃក្រមព្រហ្មទណ្ឌ។

តាមរយៈហ្វេសប៊ុកលោកឧត្តមសេនីយ៍ទោ ឈឿន សុចិត្តបានជម្រាបជូនសាធារណជន និងបងប្អូនក្នុងបណ្តាញសង្គមថាសូមបញ្ជាក់ថាក្រោយពីមន្រ្តីនគរបាលយុត្តិធម៌ នៃស្នងការដ្ឋាននគរបាលខេត្តកណ្តាល ធ្វើការឃាត់ខ្លួនម្ចាស់ផលិតផលឡេ និងផលិតមួយចំនួនទៀតរួចមក ក៏មានការវែកញែកបកស្រាយលើកហេតុផលផ្សេងៗ។ (ក្នុងនោះមានទាំងអ្នកអបអរសាទរនិងក៏មានមួយក្រុមតូច មិនទទួលយកនូវការអនុវត្តច្បាប់របស់មន្រ្តីនគរ​បាល​ជំនាញផងដែរព្រោះគ្នាគ្រាន់តែនិយាយាមិនទាន់មានព្យុះសនកម្មដល់អ្នកណាឡើយ។សម្តីស្តីពីការបន្តនាំចូលនិងលក់ផលិតផលថៃក៏មិនគួត្រូវបានចាប់កំហុសដែរព្រោះរដ្ឋមិនបានហាមមិនឲ្យមានការនាំចូលផលិតផលថៃឯណាលើកលែងតែប្រេងបន្លែផ្លែឈើទេតើ?)។

ដើម្បីជាការដាក់បន្ទុកថែមលោកឧត្តមសេនីយ៍ទោបានបញ្ជាក់ដូច្នេះថា៖«ផលិតផលចំនួន៤មុខ ក្នុងចំណោមផលិតផ្សេងទៀត ដែលយកទៅពិសោធន៍ និងធ្វើតេស្ត ដែលម្ចាស់ក្រុមហ៊ុនខាងលើ Live ផ្សាយលក់ គឺជាការបោកប្រាស់ ក្លែងក្លាយ ហើយមានសារធាតុហាមឃាត់លើស ខុសពីច្បាប់អនុញ្ញាត ធ្វើឱ្យប៉ះពាល់សុខភាពយ៉ាងខ្លាំងដល់អ្នកប្រើប្រាស់»។លោកបន្តថា ជារួមគួរតែនាំគ្នាអាណិតដល់អ្នកជឿ និងចាញ់បោក ដែលខំប្រឹងរកលុយទៅទិញផលិតផលរបស់ក្រុមហ៊ុននេះយកទៅប្រើប្រាស់ ដែលប៉ះពាល់ដល់សុខភាពដោយមិនដឹងខ្លួន ពីមួយថ្ងៃទៅមួយថ្ងៃ។លោកឈឿន សុចិត្តបានអំពាវនាវសុំឱ្យបញ្ឈប់ការលើកឡើងដោយគ្មានមូលដ្ឋានច្បាស់លាស់តទៅទៀត ដែលបាននឹងកំពុងបំពុលសង្គម។