វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7057 នាក់
ម្សិលមិញ 6001 នាក់
សរុប 13879887 នាក់
ភ្នំពេញ៖ ថ្មីៗនេះឈ្មោះអ៊ាណារ៉េតដែលគេស្គាលើថាជាឃាតកបាញ់សម្លាប់មន្ត្រីនគរបាលរំលងបានតែ១០ថ្ងៃត្រូវបានសមត្តកិច្ចតាមប្រមាញ់តាំងពីភ្នំពេញរហូតដល់ក្រចេះបាញ់សម្លាប់ចោលដូចខ្មោចឆ្កែ។តែផ្ទុយទៅវិញឃាតក ពីរនាក់ផ្សេងទៀត ដែលបាញ់សម្លាប់មនុស្សឆៅៗ មកទល់នឹងថ្ងៃទី១៧ ខែមករា ឆ្នាំ២០២១នេះ សមត្ថកិច្ចមិនទាន់ឃាត់ខ្លួនបានឡើយដែលធ្វើឲ្យមហាជនគិតថាសមតកិច្ចគ្មានសមត្តភាពឬមិនធ្វើការបានជាទុកឲ្យពួកគេនៅមានសេរីភាព ?។
ឃាតកពីរនាក់នោះជាសមត្តកិច្ចមានអាវុធដូចឃាតកអ៊ាណារ៉េតដែរនោះរួមមាន៖
ករណីទី១- គឺ សមត្ថកិច្ចបាន កំណត់មុខសញ្ញាឃើញហើយថា ឃាតក ដែលបាញ់សម្លាប់ DJ នៅហាង ផឹកស៊ីទល់ៗ ភ្លឺ ហេបភី ណេស គឺជាមន្ត្រីកងរាជអាវុធហត្ថ វ័យក្មេងដែលពាក់ស័ក្តិ៤ ឈ្មោះ ដួង មុនីរដ្ឋ ខណៈពេលនេះ សមត្ថកិច្ចកំពុងតាមចាប់ខ្លួនហើយ ដើម្បីយកមកផ្តន្ទាទោសតាមផ្លូវច្បាប់។
ជនរងគ្រោះដែលត្រូវខ្មាន់កាំភ្លើងបាញ់ប្រហារ កាលពីថ្ងៃទី៩ ខែមករា ឆ្នាំ២០២០ ក្នុងភោជនីយដ្ឋានហេបភីណេស ផ្ទះលេខ៨៥ ផ្លូវ លេខ៦៣ ភូមិ៩ សង្កាត់បឹងរាំង ខណ្ឌដូនពេញ ឈ្មោះ ហូ មិនា ស្នាក់នៅផ្ទះលេខ៤៣H ផ្លូវទន្លេសាប ភូមិដើមគរ សង្កាត់ជ្រោយចង្វា ខណ្ឌជ្រោយចង្វា មុខរបរអ្នកចាក់ភ្លេង (DJ)។
ករណីទី២- ឃាតក ជាមន្ត្រីយោធាពាក់ស័ក្តិ៤ ទាំងវ័យក្មេង ឈ្មោះ យឺន វ៉ាន់ដេត បានបាញ់សម្លាប់គូ ដណ្តឹង តែមិនទាន់ត្រូវបានសមត្ថកិច្ចឃាត់ខ្លួននៅឡើយដែរ។ ករណីនេះ កើតឡើងតាំងពីយប់ ថ្ងៃទី១៦ ខែមករា ឆ្នាំ២០២០មានទីតាំងស្ថិតនៅផ្ទះល្វែង ក្នុងបុរីរំចេកអូឌឹម តាមបណ្ដោយផ្លូវលំ BT សង្កាត់កន្ទោក ខណ្ឌកំបូល រាជធានីភ្នំពេញ។ ស្ដ្រីជនរងគ្រោះឈ្មោះ ជុន ឌីណា អាយុ២៦ឆ្នាំ ជានិស្សិតពេទ្យផ្នែកឡាបូ និងជាអ្នកលក់ផលិតផលថែរក្សាសម្រស់តាមអនឡាញ។
សាច់ញាតិរបស់ជនរងគ្រោះ ក៏បានអំពាវនាវដល់កម្លាំងសមត្ថកិច្ច ជាពិសេសនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ តាមស្រាវជ្រាវ និងតាមចាប់ខ្លួនជនបង្កយកមកផ្ដន្ទាទោសឲ្យបានឆាប់ៗ ខណៈក្រុមគ្រួសាររបស់ពួកគាត់មិនទាន់ទទួលបានពន្លឺនៃយុត្តិធម៌ ក្នុងសំណុំរឿងឃាតកម្មនេះនៅឡើយទេ។