វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1397 នាក់
ម្សិលមិញ 6677 នាក់
សរុប 14148973 នាក់
ខេត្តបាត់ដំបង ៖ លោក ឡេង សុខ ដែលមានតួនាទីត្រឹមតែ ជាអនុប្រធាន ការិយាល័យ គយនិងរដ្ឋាករ ប្រចាំច្រកអន្តរជាតិដូង ក្នុងស្រុកកំរៀងត្រូវបានគេរាយការណ៍ថាគាត់ជាមេគយ មានអំណាច ក្នុងការគៃបន្លំ លួចបំបាត់ ចំណូលពន្ធតាមរយៈ ឃុបឃិតឲ្យ ឈ្មួញធំៗ នាំចូលទំនិញ បង់ពន្ធមិនគ្រប់ឬលួចបង្កប់ ទំនិញខុសច្បាប់ ធ្វើរដ្ឋឲ្យខាតបង់ ចំណូលពន្ធ រាប់ម៉ឺនដុល្លារ ជារៀងរាល់ខែ។
ករណីភាពមិនប្រក្រតី ពាក់ព័ន្ធនិងអំពើពុករលួយ របស់លោក លោក ឡេង សុខ ដែលមានតួនាទី ជាអនុប្រធាន ការិយាល័យ គយនិងរដ្ឋាករ ប្រចាំច្រកអន្តរជាតិដូង ក្នុងស្រុកកំរៀង គឺមានក្រុមឈ្មួញ បាននិយាយដើមគាត់ថា៖ លោក ឡេង សុខ បានបម្រើការងារ នៅច្រកដូង មិនតិចជាង ២០ឆ្នាំនោះទេ អត់ដែលឃើញ ប្តូរទៅណាសោះ ។មេគយ ប្រចាំច្រកនេះ សឹងគ្រប់ជំនាន់ ត្រូវបានលោក ឡេង សុខ មានជំនាញបង្ក្រាប ឈានដល់ ខ្លាចរអា ភ័យ បង្ខំចិត្តចំណាយ តាមការតម្រូវ ចែចូវសុំបង់លុយ ប្រចាំខែ មិនឲ្យទើសចិត្តជូនលោក ឡេង សុខ?!។
ប្រភពសមត្តកិច្ចមូលដ្ឋាន បានឲ្យដឹងថា៖ បច្ចុប្បន្ននេះ លោក ឡេង សុខ មានតួនាទី ជាអនុប្រធាន ការិយាល័យ ក៏ពិតមែន តែគាត់មានឥទ្ធិពល កាន់សុទ្ធតែកន្លែង កើបប្រមូលលុយ ដូចជា តួនាទីជា ប្រធានស្តីទី ( ព្រោះប្រធាន ការិយាល័យ មិនសូវទៅធ្វើការងារ ) ប្រធានគយ ប្រចាំច្រកដូង ប្រធានគណនេយ្យ ប្រធានផែស្ងួត។ ចឹងគ្រប់ការ ដឹកជញ្ជូនទំនិញ ដែលត្រូវ ទូទាត់លុយ ស្រេចតែលោក ឡេង សុខ ជាអ្នកចាត់ចែង ទាំងលុយបង់ពន្ធ និងលុយខ្មៅ។ ឈ្មួញជាច្រើនរកស៊ីតាមច្រកដូង ដូចជាចែឆេង គាធី អេកធី និងមានដល់ទៅ ៥-៦ ក្រុមហ៊ុនទៀត ដែលស្គាល់ជិតដិត ជាមួយលោក ឡេង សុខ អាចនាំចូលទំនិញ ដោយបង់ពន្ធ ប្រហែល ៤០ភាគរយ សល់ប៉ុន្មាន ជូន ហោប៉ៅ លោក ឡេង សុខ ដែលធ្វើឲ្យពួកគេអាចនាំចូលទំនិញ ដោយមិនគិតពីខុសម៉ោងរដ្ឋបាលជាដើម។
ទំនិញដែលឈ្មួញធំៗ លួចនាំចូល តាមច្រកដូង មានដូចជាភេសជ្ជៈ គោជល់ បាកាស់ គ្រឿងបន្លាស់ រថយន្តកាត់ត សាច់មាន់ ខូចគុណភាព មួយរថយន្ត ២០ទៅ ៣០តោន រួមទាំងទំនិញបង្កប់ មានដូចជា គ្រឿងអេឡិចត្រូនិច និងម៉ាស៊ីនត្រជាក់ ជាដើម ដោយបង់ពន្ធ ចូលរដ្ឋ តិចតួចបំផុត រកគិតជា ចំនួនភាគរយ សឹងមិនបានផង។ លោក ឡេង សុខ ក្តោបមុខសញ្ញា ក្រុមឈ្មួញ នៅច្រកដូង ច្បាស់ដូចថ្ងៃរះ ដោយគាត់រឹតបន្តឹង លើការប្រមូលពន្ធ ពីឈ្មួញតូចតាច ដើម្បីបង្គ្រប់ ផែនការប្រមូលពន្ធរបស់ក្រសួងរួច នៅសល់ពីនោះ គាត់ព្រលែងឲ្យឈ្មួញ នាំចូលទំនិញ ខុសច្បាប់ និងបង់ពន្ធមិនគ្រប់ ដោយអនាធិបតេយ្យ មិនខ្វល់ពីការ ប្រមូល ចំណូលបន្ថែម អ្វីឡើយ។
ឈ្មួញអាច នាំចូលទំនិញ ខុសច្បាប់ ដូចជាគ្រឿងបន្លាស់ រថយន្តសម្រាប់ កាត់ត និងគ្រឿងអេឡិចត្រូនិច តាមច្រកដូង យ៉ាងងាយស្រួល ព្រោះច្រកនេះ គ្មានម៉ាស៊ីន សម្រាប់ស្កែន។ ដូចជាករណី ផែស្ងួត លីគា ដែលទើប បើកដំណើរការ បានជាង ២ខែ គឺរថយន្ត ដឹកទំនិញ បានត្រឹមតែ ចូលទៅចុះបញ្ជី ឈ្មោះក្បាលឡាន ដើម្បីបង់លុយ ព្រោះលោក ឡេង សុខ ចូលចិត្តឲ្យឈ្មួញ បង់ពន្ធ តាមរបៀបម៉ៅការ មិនដែលបាន ត្រួតពិនិត្យ និងវាយតម្លៃពន្ធ ឲ្យបានស៊ីជម្រៅ ដើម្បីប្រមូលពន្ធ ឲ្យបានត្រឹមត្រូវ តាមគោលការណ៍ ណែនាំ របស់អគ្គនាយកដ្ឋាន គយនិងរដ្ឋាករ ម្តងណាឡើយ។
ទោះបីលេចឮដំណឹងដ៏រសើបនៃអំពើពុករលួយច្រកដូងនេះក៏ដោយ ក៏អង្គភាពមាតុភុមិ មិនអាចទាក់ទងសុំការបំភ្លឺបានទេ ពីលោក ឡេង សុខ អនុប្រធានការិយាល័យគយ និងរដ្ឋាករ ច្រកអន្តរជាតិដូង បានទេនៅឡើយទេ ដោយគ្មានលេខទូរស័ព្ទ។