ឧបនាយករដ្ឋមន្ត្រីសសុខារដ្ឋមន្ត្រីក្រសួងមហាផ្ទៃប្រកែកថាមិនជាប់ពាក់ពន្ធ័ជាមួយកាស៊ីណូជីនប៉ីទេ!

ភ្នំពេញ៖ក្រសួងមហាផ្ទៃនៅថ្ងៃទី២៩តុលាបានចេញប្រកាសបដិសេធចំពោះការចោទប្រកាន់ថាលោកសសុខាឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃមានភាគហ៊ុនជាមួយកាស៊ីណូមួយឈ្មោះជិនប៉ីដែលមានទីតាំងនៅខេត្តព្រះសីហនុ។ 

សូមបញ្ជាក់ថាកាស៊ីណូជិនប៉ីនេះគឺជាបុត្រសម្ពន្ធក្រុមហ៊ុនជីនប៉ីគ្រុប។ប្រតិកម្មរបស់ក្រសួងមហាផ្ទៃបានកើតឡើងបន្ទាប់ពីមានការចោទប្រកាន់ពីសហរដ្ឋអាមេរិកលើឧកញ៉ាចេនហ្ស៊ីដើមកំណើតចិនដែលមានសញ្ជាតខ្មែរអង់គ្លេសដែល ជាមហាសេដ្ឋីលំដាប់ពិភពលោកថាជាមេខ្លោងបោកប្រាសតាមអនឡាញនិងលាងលុយកខ្វក់។អាមេរិកនិងអង់គ្លេសបានប្តឹងរឹបអូសលុយកាក់Bitcoinចំនួន១៥ពាន់លានដុល្លារពីឧកញ៉ាចេនហ្ស៊ី។ការសម្រេចរបស់អាមេរិកនេះបង្កការចល្លាចលនៅស្រុកខ្មែរពិសេសអ្នកដែលមានលុយនៅក្នុងធនាគារព្រីនស៍។ក្រៅពីនេះមានធនាគាកូរ៉េមួយបានបង្កប្រាក់ឧកញ៉ាចេនហ្ស៊ីចំនួន៦០លានដុល្លារផងដែរបន្ទាប់ពីផ្ទុះរឿង។

សម្រាប់កម្ពុជារតនាគាអាមេរិកក៏បានចេញរបាយការណ៍មួយដោយមានដាក់ឈ្មោះមន្ត្រីកម្ពុជាជាធោមៗមួយចំនួនថាមានពាក់ពន្ធ័បទល្មើសបង្កឡើងដោយឧកញ៉ាចេនហ្សីផងដែរតែមិនមានអ្នកណាចេញមកបកស្រាយការចោទប្រកាន់របស់អាមេរិកក្រៅតែពីលោកឧបនាយករដ្ឋមន្ត្រីសសុខាម្នាក់តែប៉ុណ្ណោះ។