នាវាចម្បាំងកងទ័ពជើងទឹកអូស្ត្រាលីនិងចិន ចូលសំចតនៅកំពង់ផែស្វយ័តក្រុងព្រះសីហនុ រយៈពេល៤ថ្ងៃ

ព្រះសីហនុ៖ នាវាចម្បាំង HMAS Ballarat -FFH155 (Anzac Class FFH) របស់កងទ័ពជើងទឹកអូស្ត្រាលី ផ្ទុកនាវិក ១៩២នាក់ បានចូលសំចតនៅកំពង់ផែស្វយ័តក្រុងព្រះសីហនុ នាព្រឹកថ្ងៃទី១០ ខែតុលា ឆ្នាំ២០២៥នេះ ដើម្បីពង្រឹងកិច្ចសហប្រតិបត្តិការរវាងកងទ័ពជើងទឹកកម្ពុជា និងអូស្រ្តាលីឱ្យកាន់តែល្អប្រសើរបន្ថែមទៀត។ 

លោកឧត្តមនាវីត្រី អ៊ិន សុខេមរ៉ា នាយសេនាធិការរង មូលដ្ឋានសមុទ្ររាម និងនាយនាវីជាច្រើនរូប អញ្ជើញទៅ​ទទួលស្វាគមន៍នាវាកងទ័ពជើងទឹកអូស្ត្រាលី ចំនួន១គ្រឿង ឈ្មោះ នាវាHMAS Ballarat -FFH155 (Anzac Class FFH) ដឹកនាំដោយវរនាវីទោ Dean Uren មេបញ្ជាការនាវា នៅកំពង់ផែស្វយ័តក្រុងព្រះសីហនុ។  នាវាឈ្មោះHMAS Ballarat -FFH155 (Anzac Class FFH) មានទម្ងន់ផ្ទុក ៣,៩០០តោន មានបណ្ដោយ ១១៨ម៉ែត្រ, ទទឹង ១៤.៨ ម៉ែត្រ និងជម្រៅទឹក ៦.៤ម៉ែត្រ។នាវានេះមកបំពេញទស្សនកិច្ចនៅព្រះរាជាណាចក្រកម្ពុជារយៈពេល៤ថ្ងៃ គិតចាប់ពីថ្ងៃទី១០ ដល់ថ្ងៃទី១៣ ខែតុលា ឆ្នាំ២០២៥ របស់នាវាចម្បាំង HMAS Ballarat របស់កងទ័ពជើងទឹកអូស្ត្រាលី គឺដើម្បីពង្រឹងកិច្ចសហប្រតិបត្តិការល្អ បង្កើនទំនាក់ទំនង និងរឹតចំណងមិត្តភាព សាមគ្គីភាពឱ្យកាន់តែល្អទ្វេឡើងថែមទៀត រវាងប្រទេសទាំងពីរ (កម្ពុជា-អូស្ត្រាលី)។

បន្ទាប់ពីនាវាកងទ័ពជើងទឹករបស់ប្រទេសអូស្ត្រាលី នៅព្រឹកថ្ងៃសុក្រ ទី១០ ខែតុលា ឆ្នាំ២០២៥នេះដែរ នាវាកងទ័ពជើងទឹករំដោះប្រជាជនចិនចំនួន២គ្រឿង ក៏បានចូលសំចត នៅកំពង់ផែស្វយ័តក្រុងព្រះសីហនុរយៈពេល៥ថ្ងៃ ដើម្បីពង្រឹងកិច្ចសហប្រតិបត្តិការល្អ បង្កើនទំនាក់ទំនង និងរឹតចំណងមិត្តភាព សាមគ្គីភាពឱ្យកាន់តែល្អទ្វេឡើងថែមទៀត រវាងប្រទេសទាំងពីរ(កម្ពុជា-ចិន)ទទួលស្វាគមន៍ដោយលោកឧត្តមនាវីត្រី អ៊ិន សុខេមរ៉ា នាយសេនាធិការរង មូលដ្ឋានសមុទ្ររាម ។​នាវាកងទ័ពជើងទឹករំដោះប្រជាជនចិនចំនួន០២គ្រឿងនោះគឺនាវាទី១-ឈ្មោះ Qi Jiguang (PLAN 83) និងនាវាទី២ឈ្មោះ Yi Mengshan (PLAN 988)នៅកំពង់ផែស្វយ័តក្រុងព្រះសីហនុ។

បើតាមមន្ត្រីកងទ័ពជើងទឹកកម្ពុជា ដែលបានទៅចូលរួមទទួលស្វាគមន៍នាវាកងទ័ពជើងទឹកចិនទាំងពីរគ្រឿងនោះដែរបានមានប្រសាសន៍ថា នាវាកងទ័ពជើងទឹករំដោះប្រជាជនចិនចំនួន០២គ្រឿងនេះ មកបំពេញទស្សនកិច្ចនៅព្រះរាជាណាចក្រកម្ពុជារយៈពេល៥ថ្ងៃគឺគិតចាប់ពីថ្ងៃទី១០ ដល់ថ្ងៃទី១៤ ខែតុលា ឆ្នាំ២០២៥ គឺដើម្បីពង្រឹងកិច្ចសហប្រតិបត្តិការល្អ បង្កើនទំនាក់ទំនង និងរឹតចំណងមិត្តភាព សាមគ្គីភាពឱ្យកាន់តែល្អទ្វេឡើងថែមទៀត រវាងប្រទេសទាំងពីរ(កម្ពុជា-ចិន)។ នាវាកងទ័ពជើងទឹករំដោះប្រជាជនចិនចំនួន០២គ្រឿង ដែលបានចូលមកសំចតនៅកំពង់ផែស្វយ័តក្រុងព្រះសីហនុ នាព្រឹកនេះគឺទី១.នាវា Qi Jiguang (PLAN 83) មេបញ្ជានាវាលោកវរនាវីឯក ស៊ូ ជែងកូរ (Xu Jianguo),នាវានេះអាចផ្ទុកទម្ងន់បានចំនួន១០៩០៧ តោន,មានបណ្ដោយប្រវែង ១៦៥ ម៉ែត្រ ,ទទឹងប្រវែង២២.២ ម៉ែត្រ និងជម្រៅទឹក ៦,៥ ម៉ែត្រ។

ទី២.នាវា Yi Mengshan (PLAN 988) មេបញ្ជាការនាវា លោកវរនាវីឯក ហ្វួរសៀនវី (Fu Xianwei)អាចផ្ទុកទម្ងន់បានចំនួន ២៦០៤០ តោន,មានបណ្ដោយប្រវែង ២១០ ម៉ែត្រ ,ទទឹងប្រវែង ២៨ ម៉ែត្រនិងជម្រៅទឹក ៧,៥ម៉ែត្រ។វត្តមាននាវាអូស្ត្រាលីនិងនាវាចិននៅស្រុកខ្មែរនេះគឺចំពេលដែលកម្ពុជាបានមានទុក្ខដោយសារការឈ្លានពានពីភាគីថៃ។កាលពីថ្ងៃទី៩តុលាឆ្នាំ២០១៥លោកវ៉ាងវិនពីនឯកអគ្គរដ្ឋទូតចិននៅកម្ពុជាបានប្រកាសតាមហ្វេសប៊ុកចាត់ទុកកម្ពុជាជាមិត្តរបស់ចិននិងសន្យាជួយរក្សាការពារអធិបតេយ្យជាំតិកម្ពុជា។សម្តីទូតចិន នៅស្រុកខ្មែរថ្វើឲ្យមានប្រតិកម្មពីប្រទេសថៃរហូតទាល់តែឯកអគ្គរដ្ឋទូតចិននៅបាងកកទៅជួបលោកសីហសាកភួងកេតកែវរដ្ឋមន្ត្រីការបរទេសថៃបកស្រាយថាចិនឈរអព្យាក្រិត្យទោះថៃស្ងៀម។