វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 595 នាក់
ម្សិលមិញ 10264 នាក់
សរុប 14139777 នាក់
ភ្នំពេញ៖មន្ត្រីប៉ូលីសម្នាក់ បាញ់បុរសម្នាក់ចំនួន២គ្រាប់ បណ្ដាលឲ្យត្រូវចំប្រអប់ជើងមួយគ្រាប់រងរបួស និងមួយគ្រាប់ទៀតចំទ្វាកញ្ចក់បែកខ្ទេច បង្កការភ្ញាក់ផ្អើលដល់អ្នកជិតខាង កាលពីវេលាម៉ោងប្រមាណ៩យប់ ថ្ងៃទី៩ ខែធ្នូ ឆ្នាំ២០២០ នៅតាមបណ្ដោយផ្លូវ៣៧១ ក្នុងសង្កាត់បឹងទំពុន២ ខណ្ឌមានជ័យ ជាប់ព្រុំប្រទល់និងសង្កាត់ដង្កោ ខណ្ឌដង្កោ រាជធានីភ្នំពេញ ។
ខ្មាន់កាំភ្លើងឈ្មោះ កេត ផារ៉េន ភេទប្រុស អាយុ៣៩ឆ្នាំ ជាមន្ត្រីប៉ូលីសស័ក្តិ៤នៅក្រសួងមហាផ្ទៃ ។ រីឯជនរងគ្រោះឈ្មោះ ប៊ុនស៊ីម ភេទប្រុស អាយុ៣៩ឆ្នាំ មុខរបបនៅផ្ទះ ក្នុងសង្កាត់បឹងត្របែក ខណ្ឌចំការមន ។ជនរងគ្រោះបានឲ្យដឹងថា មុនពេលកើតហេតុ រូបគាត់មានគ្នា៤នាក់ ជិះម៉ូតូចេញពីហូបចុកអីតិចតួចនៅម្ដុំបឹងត្របែក ហើយជូនមិត្តភ័ក្តមកផ្ទះនៅកន្លែងកើតហេតុ ខណៈមកដល់មុខផ្ទះមួយភ្លេត ស្រាប់តែលេចមុខជនដៃដល់ដែលធ្លាប់ស្គាល់គ្នាតែមិនជិតស្និត បានចុះពីលើរថយន្តរបស់ខ្លួនមិនចាំម៉ាកហើយដើឆ្លងផ្លូវមកសួរនាំមិត្តភ័ក្តគាត់មួយមាត់ពីរ រួចដើរទៅជិះរថយន្តរបស់ខ្លួនវិញហើយ ក៏បើកកញ្ចក់រថយន្តយកកាំភ្លើងខ្លីបាញ់សំដៅមកជនរងគ្រោះដែលនៅផ្លូវម្ខាងទៀតក្នុងសង្កាត់ដង្កោ ខណ្ឌដង្កោ ចំនួន២គ្រាប់បណ្តាលឲ្យមួយគ្រាប់ត្រូវចំប្រអប់ជើងខាងស្ដាំ និងមួយគ្រាប់ទៀតចំទ្វាកញ្ចក់ផ្ទះមួយផ្ទាំងបែកខ្ទេច ហើយក៏បើករថយន្តគេចខ្លួនបាត់ទៅ ។
ជនរងគ្រោះក៏ប្រញាប់ទៅមន្ទីពេទ្យដើម្បីពិនិត្យនិងលាងរបួសភ្លាមៗផងដែរ ។ប្រភពដដែរបានបន្តទៀតថារូបគាត់និងជនដៃដល់ធ្លាប់មានទំនាស់គ្នាតិចតួចរយៈពេលជិត២ឆ្នាំកន្លងមកហើយ។អ្នកសារព័ត៌មាននិងសមត្ថកិច្ចប៉ុស្ដិ៍នគរបាលបឹងទំពុន២ និងសមត្ថកិច្ចប៉ុស្ដិ៍នគរបាល ដដង្កោបាន ចុះមកដល់តែរុញដាក់គ្នាមិនចាត់ការ ទើបជនរងគ្រោះសម្រេចចិត្តទុកសម្បកគ្រាប់ដែលរកឃើញមួយគ្រាប់ រង់ចាំទៅដាក់ពាក្យបណ្ដឹងនៅមូលដ្ឋានកងរាជអាវុធហត្ថរាជធានីភ្នំពេញ ដើម្បីឲ្យជួយស្រាវជ្រាវចាប់ជនបង្កយកមកផ្ដន្ទាទោសតាមច្បាប់ ។ចាំមើលថាតើស្គាលមុខស្គាល់សវតាជាតិចឹងហើយសមត្តកិច្ចហ៊ានធើអីអត់?៕