វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4698 នាក់
ម្សិលមិញ 5378 នាក់
សរុប 14083991 នាក់
ភ្នំពេញ ៖ ស្ត្រីវ័យក្មេងម្នាក់ ទើបរៀបការថ្មីថ្មោងព្រោះខឹងអត់បានលេងទូរសព្ទ័បានសម្រេចចិត្តចង.កសម្លាប់ខ្លួនចោលប្តី បង្កឲ្យភ្ញាក់ផ្អើលឡើង កាលពីវេលាម៉ោង១១និង១៥នាទីព្រឹក ថ្ងៃទី១៧ ខែកក្កដា ឆ្នាំ២០១៩ ស្ថិតនៅក្នុងបន្ទប់ជួលលេខ១៧ ផ្លូវបេតុង ក្រុម១ ភូមិព្រៃព្រីងជើង១ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។
ស្ត្រីក្មេងចិត្តខ្លាំងមានឈ្មោះ ងឿន សុខលីដា អាយុ១៩ឆ្នាំ មុខរបរ កម្មការនីរោងចក្រ ។ប្តីឈ្មោះ មុត សុខណា អាយុ២៧ឆ្នាំ មុខរបរ កម្មកររោងចក្រ ស្នាក់នៅបន្ទប់ជួល កន្លែងកើតហេតុ មានស្រុកកំណើត ភូមិរបស់ខ្ទុម ឃុំដំបូកខ្ពស់ ស្រុកអង្គរជ័យ ខេត្តកំពត។
អ្វីដែលមិននឹកស្មានដល់នោះមូលហេតុនៃការសម្លាប់ខ្លួនដោយសារនាងស្រឡាញ់ទូរសព្ទ័ជាប្តីព្រោះប្តីបានហាមមិនឲ្យចុចទូរស័ព្ទលេងហ្វេសប៊ុកហ្កេម។
ស្ត្រីរងគ្រោះ ទើបតែរៀបការ កាលពីថ្ងៃទី៨ ខែមិថុនា ឆ្នាំ២០១៩ កន្លងមកថ្មីៗនេះហើយមស្នាក់នៅក្នុងបន្ទប់ជួលខាងលើ ២គ្រួសារជុំគ្នា ។មុនកើតហេតុ កាលពីយប់ថ្ងៃទី១៦ ខែកក្កដា ឆ្នាំ២០១៩ យប់ជ្រៅទៅហើយ ស្ត្រីរងគ្រោះនៅដេកចុចលេងទូរស័ព្ទ លេងហ្គេម ហ្វេសប៊ុក ហើយត្រូវបានប្តីហាមហើយហាមទៀត ប្រពន្ធមិនស្តាប់គិតតែពីចុចៗ ក៏តឹងមាត់ដាក់គ្នាមួយប្រ៉ាវ ហើយក៏ចូលដេករៀងខ្លួនទៅ។
លុះមកដល់ព្រឹកថ្ងៃទី១៧នេះ ជនរងគ្រោះមិនទៅធ្វើការងារទេ ដោយប្រាប់បងប្អូនប្តីថា ចង់ទៅស្រុក ហើយប្តី និងបងប្អូនក៏នាំគ្នាចេញទៅធ្វើការអស់ទៅ លុះដល់វេលាម៉ោង១១និង១៥នាទី ក្រុមគ្រួសារ បងប្អូន ប្តី ដើរមកដល់បន្ទប់ជួល រុញទ្វារចូល វ៉ាក់អើ ពុទ្ធោ! នាងចង.កសម្លាប់ខ្លួនបាទទៅហើយ។
សមត្ថកិច្ចបច្ចេកទេសបានមកធ្វើការពិនិត្យទៅលើសពស្ត្រីរងគ្រោះ រួចក៏ប្រគល់សពឲ្យក្រុមគ្រួសារយកទៅធ្វើបុណ្យនៅស្រុកកំណើតទៅ៕