មន្ត្រីជំនាញខាងអធិការកិច្ចគួស៊ើបអង្កេតឱ្យស៊ីជម្រៅលើលោក ប៉ែន ស៊ីថា មេគយច្រកទ្វារព្រំដែនអន្តរជាតិត្រពាំងផ្លុងករណីយ៍ ឃុបឃិតឲ្យឈ្មួញធំៗបង់ពន្ធតាមរបៀបម៉ៅការ បាត់ចំណូលរដ្ឋ?
15-March-2026 / ព័ត៌មានជាតិ
ត្បូងឃ្មុំ៖រដ្ឋាភិបាលថ្មីអាណត្តិទី ៧ដែលមានរដ្ឋមន្ត្រីវ័យក្មេងៗ គួរដាក់មន្ត្រីជំនាញខាងអធិការកិច្ចស៊ើបអង្កេតឱ្យស៊ីជម្រៅលើលោក ប៉ែន ស៊ីថា មេគយច្រកទ្វារព្រំដែនអន្តរជាតិត្រពាំងផ្លុង បក្សពួកឃុបឃិតឲ្យឈ្មួញធំៗបង់ពន្ធតាមរបៀបម៉ៅការ ដែលធ្វើឲ្យរដ្ឋបាត់ចំណូល។
ដើម្បីប្រមូលប្រយោជន៍ផ្ទាល់ខ្លួនស្រង់ដើមឲ្យឆាប់ និងឈានទៅបង្កើនចំណូលឯកជនឲ្យបានច្រើន លោក ប៉ែន ស៊ីថាត្រូវបានអាជីវករតូចតាចនិយាយាថា៖ បានប្រើឈ្មោះមន្ត្រីគយធំៗនៅអគ្គនាយកគយកម្ពុជា មកធ្វើការបិទបាំង នូវទង្វើរំលោភច្បាប់ប្រឆាំងអំពើរពុករលួយរបស់ខ្លួន។ច្រកទ្វារព្រំដែនអន្តរជាតិត្រពាំងថ្លុងមានឈ្មួញតូចទាំងធំ ដែលនាំទំនិញពីប្រទេសចិន និងប្រទេសយួន ឆ្លងកាត់ យ៉ាងគគ្រឹកគគ្រេងពិសេស មានបង្កប់ទំនិញមានតម្លៃ និងទំនិញខុសច្បាប់ ជាច្រើនប្រភេទ ចូលតាមច្រកនេះ ដោយគ្មានការត្រួតពិនិត្យអ្វីឡើយ គឺគេឃើញតែឈ្មួញទាំងនោះបង់លុយឲ្យមន្ត្រីគយ និងភ្នាក់ងារគយក្រោមការបង្គាប់បញ្ជាកំណត់ពីមេការិយាល័យគយច្រកទ្វារត្រពាំងផ្លុង ជាការស្រេចតែម្តង?!។
មេការិយាល័យគយច្រកទ្វារព្រំដែនអន្តរជាតិត្រពាំងផ្លុង បុគ្គល ប៉ែន ស៊ីថា កំពុងខំប្រឹងប្រមូលលុយស្រង់ដើមហ៊ានធ្វើអ្វីៗតាមតែអំពើចិត្ត ដោយមានការឃុបឃិតជាមួយឈ្មួញធំៗ ដែលនាំទំនិញចូលពីប្រទេសយួនតាមច្រកនេះ ទាំងយប់ទាំងថ្ងៃ បើកដៃឲ្យឈ្មួញទាំងនោះបង់ពន្ធគយតាមរបៀបម៉ៅការដែលចំណូល ស្ទើរមិនបានពី៤៥ភាគរយ ទៅ៥០ភាគរយទេ។ ដែលជាឱកាសធ្វើឲ្យឈ្មួញទាំងនោះនាំចូលទំនិញគេចពន្ធ ទំនិញបង់ពន្ធស្ទើរមិនគ្រប់ និងទំនិញខុសច្បាប់ហូរចូលពីប្រទេសយួនតាមច្រកទ្វារអន្តរជាតិមួយនេះកាន់តែច្រើនឡើងៗ។
តាមប្រភពដដែលបានបន្តឲ្យដឹងទៀតថា បុគ្គលមេការិយាល័យគយច្រកអន្តរជាតិត្រពាំងផ្លុង មួយនេះបានឲ្យមន្ត្រីគយ និងភ្នាក់ងារគយក្រោមឱវាទរបស់ខ្លួន គាបសង្កត់ជម្រិតកោសរូសទារលុយថ្លៃបាយ ថ្លៃទឹក បង្កើនការយកលុយលើតុក្រោមតុពីក្រុមឈ្មួញ និងអាជីវករកាន់តែច្រើនឡើងៗពីអាជីវករដែលរកស៊ីអូសរទេះទំនិញ និងប្រជាពលរដ្ឋនាំទំនិញចេញចូលឆ្លងកាត់តាមច្រកនេះទៅតាមការបង្គាបបញ្ជាឲ្យបង់ប្រាក់តាមការកំណត់ដែលការបង់ប្រាក់ទាំងនោះ គឺបង់ដោយគ្មានវិក្ក័យបត្រពន្ធគយទេ។
ក្រុមឈ្មួញ និងអាជីវករតូចតាចដែលរកស៊ីដឹកជញ្ជូនទំនិញចេញចូលតាមច្រកទ្វារនេះបានឲ្យដឹងថា មិនត្រឹមតែមានទំនិញគេចពន្ធ និងទំនិញខុសច្បាប់ចេញចូលតាមច្រកទ្វារមួយនេះទេ គឺមានទាំងការបើកដៃឲ្យក្រុមឈ្មួញដឹកដំឡូងឆ្លងដែនយកទៅយួនថែមទៀតផង ។ដោយសារតែស្រុកខ្មែរច្បាប់ស្តីពីសិទ្ធទទួលពត៍មានតឹងស្អឹតនៅក្នុងក្រសួងពត៍មានចេញមិនរួចតាំងពីអាណត្តិទី៦មកអ្នកកាសែតមានការលំបាកក្នុងចូលសុំយកពត៍មានទាក់ទិនទង្វើររំលោភច្បាប់់ប្រឆាំងអំពើពុករលួយនៅច្រកទ្វារព្រុំដែនត្រពាំងផ្លុងនេះ។សង្ឃឹមថាខាងគយឬក្រសួងហិរញ្ញាវត្ថុបញ្ចេញនូវពត៍មានតម្លាភាពពីចំណូលគយនៅច្រកត្រពាំងផ្លុងនិងច្រកព្រុំដែនផ្សេងៗទៀតឲ្យមហាជនដឹងជាមិនខាន។
