សង្គ្រាម៥ថ្ងៃប្រទេសថៃទិញកាំភ្លើងវាយប្រហារ QBZ-195T ថ្មីនិងនាវាមុជទឹកផស់ចិន!
21-September-2026 / សន្តិសុខសង្គម
ប្រទេសថៃ៖របាយការណ៍ប្រព័ន្ធផ្សព្វផ្សាយក្នុងស្រុកថៃបានឲ្យដឹងថា ទីក្រុងប៉េកាំងកំពុងផ្តល់ជូននូវអាវុធវាយប្រហារជាមួយនឹងការកែប្រែសំខាន់ៗ ដើម្បីបំពេញតម្រូវការប្រតិបត្តិការរបស់កងទ័ពភូមិន្ទថៃ។អាវុធចិននឹងត្រូវបានគេដាក់នៅក្នុងកាំជ្រួច NATO ទំហំ 5.56×45 មិល្លីម៉ែត្រ ដែលប្រើយ៉ាងទូលំទូលាយ ដោយសម្រួលគ្នាជាមួយគ្រាប់រំសេវដែលមានក្នុងប្រទេសថៃ។
នៅពេលចែកចាយរួច QBZ-195T នឹងត្រូវបានចែកចាយទៅកាន់អង្គភាពប្រតិបត្តិការពិសេសរបស់ប្រទេស ដើម្បីគាំទ្របេសកកម្មផ្សេងៗ។ក្រៅពីអាវុធខាងលើកាសែតខាវសតៃកាលពីថ្ងៃទី៥សីហាបានឲ្យដឹងថា គណៈរដ្ឋមន្ត្រីថៃក៏ បានអនុម័តលើការបញ្ជាទិញយន្តហោះចម្បាំង Gripen ចំនួន៤គ្រឿង និងនាវាមុជទឹក១ គ្រឿង តបតាមការស្នើឡើងដោយកងទ័ពអាកាស និងកងទ័ពជើងទឹក ។ ការអនុម័តនេះ កើតឡើងចំពេលមានភាពតានតឹងជាមួយកម្ពុជា។ គម្រោងទិញយន្តហោះចម្បាំង Saab JAS 39 Gripen ម៉ូដែល E និង F ពីប្រទេសស៊ុយអែត គឺស្ថិតក្នុងដំណាក់កាលទី១ ដែលមានចំនួន៤គ្រឿង ក្នុងតម្លៃ ១៩,៥ពាន់លានបាត។ សំណើនេះ ត្រូវបានបង្ហាញដោយអនុរដ្ឋមន្ត្រីក្រសួងការពារជាតិ លោក ណាត់ថៈផុន ណាក់ផានិច្ច ផ្អែកលើតម្រូវការរបស់កងទ័ពអាកាសថៃ ចំពេលមានសង្គ្រាមឈ្លានពានមកលើកម្ពុជា។
កាលពីថ្ងៃទី៤ ខែមិថុនា អគ្គមេបញ្ជាការរងកងទ័ពអាកាសថៃ លោក ផាន់ភក្តី ផាត់នៈកុល (พันธ์ภักดี พัฒนกุล) ធ្លាប់បានលើកឡើងថា យន្តហោះចម្បាំង F-16 របស់ប្រទេសថៃ នឹងត្រូវចូលនិវត្តន៍ នៅចន្លោះឆ្នាំ២០២៨ ដល់ឆ្នាំ២០៣៥ បន្ទាប់ពីបានបម្រើការសម្រាប់ទ័ពអាកាសថៃអស់រយៈពេល៣៧ឆ្នាំ។ ប្រសិនបើយន្តហោះថ្មីមិនត្រូវបានទិញដើម្បីជំនួសវាទេ វានឹងប៉ះពាល់ដល់ការត្រៀមខ្លួនការពារជាតិ។ ដូច្នេះ កងទ័ពអាកាសត្រូវស្វែងរកយន្តហោះចម្បាំងជំនួស ក្រោមគម្រោងទិញយន្តហោះចម្បាំង ទម្លាក់គ្រាប់បែកជំនួស។
សូមរំឭកថា កងទ័ពអាកាសបានបញ្ចប់ការទិញយន្តហោះចម្បាំង Saab JAS 39 Gripen ចំនួន១២គ្រឿង ម៉ូដែល E និង F ដែលជាជំនាន់ចុងក្រោយបង្អស់ពីប្រទេសស៊ុយអែត ក្នុងតម្លៃ៦០ពាន់លានបាត។ គួរបញ្ជាក់ថា ការបញ្ជាទិញបក្សីចម្បាំងស្លាបដែក Gripen ពីប្រេទេសស៊ុយអែត និងនាវាចម្បាំងមុជទឹកពីប្រទេសចិននេះ កើតឡើងចំពេលថៃបើកការឈ្លានពានមកលើអធិបតេយ្យភាពកម្ពុជាទាំងកម្រោល ជាមួយនឹងការប្រើប្រាស់អាវុធធុនធ្ងន់ និងទំនើប។
បញ្ជីសារពើភណ្ឌអាវុធធុនតូចរបស់កងទព័ថៃរួមមានសព្វាវុធពីសហរដ្ឋអាមេរិក និងអ៊ីស្រាអែលរួចហើយ ហើយការបន្ថែមអាវុធដែលផលិតដោយចិនអាចជួយឱ្យកងទ័ពភូមិន្ទថៃរក្សាបាននូវភាពវៃឆ្លាតរបស់ខ្លួន។កងកម្លាំងពិសេសរបស់ប្រទេសនេះត្រូវបានគេរាយការណ៍ថាបានយល់ព្រមលើ QBZ-195T ជាកាំភ្លើងវាយប្រហារថ្មីរបស់ពួកគេ ដោយសារម៉ូឌុល ការកែលម្អ ergonomic និងជម្រើសប្ដូរតាមបំណងរបស់វា។អាវុធនេះក៏អាចប្រើបានជាមួយគ្រឿងបន្សំផ្សេងៗដែលមាននៅក្នុងសារពើភ័ណ្ឌរបស់យោធាថៃស្រាប់ ដូចជាអុបទិក ឡាស៊ែរ និងឧបករណ៍បាញ់គ្រាប់បែកដៃ។
នៅពេលដាក់ពង្រាយ QBZ-195T ត្រូវបានគេរំពឹងថានឹងពង្រឹងប្រសិទ្ធភាពប្រតិបត្តិការរបស់កងកម្លាំងពិសេសថៃនៅក្នុងសេណារីយ៉ូប្រយុទ្ធចម្រុះ។
សូមបញ្ជាក់ថាថាប្រទេសថៃជាទីផ្សារអាវុធធំមួយរបស់ប្រទេសចិនសម្រាប់ទីផ្សារក្នុងតំបន់អាស៊ីអាគ្មេយ៍។ចិនជាប្រទេសផ្គត់ផ្គង់អាវុធទី៥បន្ទាប់ពីអាមេរិករុស្ស៊ីនិងបណ្តាប្រទេសនៅអឺរ៉ុប។ភាគច្រើននៃការនាំចេញអាវុធរបស់ក្រុងប៉េកាំង បានលក់ទៅឲ្យបណ្តាប្រទេសក្បែរខាងខ្លួន។ ទោះបីការនាំចេញអាវុធមានកម្រិតទាបនៅឡើយ កាលពីពាក់កណ្តាលទសវត្សរ៍ឆ្នាំ ១៩៩០ ដល់ ពាក់កណ្តាលទសវត្សន៍ឆ្នាំ២០០០ ចិនបាននាំចេញអាវុធ ៨២ភាគរយទៅកាន់បណ្តាប្រទេសក្នុងតំបន់អាស៊ី។ ទំនោរបែបនេះ នៅតែបន្តធ្វើដដែល ខណៈចិន បច្ចុប្បន្ននេះ ក្លាយខ្លួនជាប្រទេសឈានមុខគេមួយក្នុងការធ្វើពាណិជ្ជកម្មអាវុធសកល។
តួយ៉ាង ចាប់តាំងពីឆ្នាំ២០០៨មក ការលក់អាវុធសរុបរបស់ចិនប្រមាណ ៦២ភាគរយ ត្រូវបានរកឃើញថា នាំចេញទៅកាន់ប្រទេស ប៉ាគីស្ថាន បង់ក្លាដេស និងមីយ៉ាន់ម៉ា។ ចំណែកបណ្តាប្រទេសក្នុងតំបន់អាស៊ី ផ្សេងទៀត បានបញ្ជាទិញអាវុធ ១១,៨ភាគរយផ្សេងទៀតពីចិន។ ទន្ទឹមនឹងគ្នានេះដែរ ក្នុងរយៈពេល ១០ឆ្នាំចុងក្រោយនេះ ការលក់អាវុធរបស់ចិនទៅកាន់បណ្តាប្រទេសក្នុងតំបន់អាស៊ីអាគ្នេយ៍ និងអាស៊ីខាងត្បូង បានស្ទុះឡើងពី ៣៦៨ លានដុល្លារក្នុងឆ្នាំ ២០០៨ ទៅ ១,៥ ពាន់លានដុល្លារ ក្នុងឆ្នាំ២០១៦ មុននឹងធ្លាក់មកកាន់ ៩៤៨លានដុល្លារក្នុងឆ្នាំ២០១៧។
ទោះបីមានកំណើនក្តី តួលេខនេះ នៅមានកម្រិតទាបខ្លាំងណាស់ បើធៀបនឹងការនាំចេញអាវុធរបស់ក្រុងវ៉ាស៊ីនតោន។ ចាប់តាំងពីឆ្នាំ២០០៨មក សហរដ្ឋអាមេរិក បានលក់អាវុធទៅឲ្យបណ្តាប្រទេសក្នុងតំបន់អាស៊ី (លើកលែងតំបន់មជ្ឈិមបូព៌ា) ក្នុងទំហំទឹកប្រាក់ដល់ទៅ ២៧,២ពាន់លានដុល្លារឯណោះ។
បើតាមគេហទំព័រ ឬ website ឈ្មោះ Global Firepower ផ្សាយឲ្យដឹងពីសក្តានុពលសព្វារវុធនិងកម្លាំងទព័របស់ថៃនិងកម្ពុជាដូចតទៅនេះ៖ប្រទេសថៃឡង់ដ៍៖ កម្លាំងទ័ពសរុបចំនួន ៦សែន ៧ពាន់នាក់; ទាហានសកម្មជិត ៣សែន ៦ម៉ឺន ១ពាន់នាក់; ទាហានបម្រុង ២សែន ២ម៉ឺន ១ពាន់នាក់; កម្លាំងប្រដាប់អាវុធនៃអង្គភាពដទៃចំនួន ២ម៉ឺន ៥ពាន់នាក់។ ចំណាត់ថ្នាក់ទី២៥ ក្នុងចំណោមប្រទេស ១៤៥ លើពិភពលោក; ទី៣ ក្នុងសហគមន៍អាស៊ាន បន្ទាប់ពីប្រទេសឥណ្ឌូនេស៊ី និងយៀកណាម។
ប្រទេសកម្ពុជា៖ កម្លាំងទ័ពសរុបចំនួន ២សែន ៣ម៉ឺន ១ពាន់នាក់; កងកម្លាំងប្រដាប់អាវុធពីអង្គភាពផ្សេងៗចំនួន ១ម៉ឺននាក់។ ចំណាត់ថ្នាក់ទី៩៥ ក្នុងចំណោមប្រទេស ១៤៥ លើពិភពលោក និងទី៨ ក្នុងសហគមន៍អាស៊ាន។
ថវិកាយោធាថៃ ជិត ៦ពាន់លានដុល្លារ; ថវិកាយោធាខ្មែរ ៨៦០លានដុល្លារ។ ថៃ មានរថក្រោះកង់ច្រវាក់ ៦៣៥គ្រឿង; ខ្មែរមាន ៦៤៤គ្រឿង។ រថពាសដែកកង់កៅស៊ូ ថៃ មានជិត ១ម៉ឺន ៧ពាន់គ្រឿង; ខ្មែរមានជាង ៣៦០០គ្រឿង។
កាំភ្លើងធំបាញ់រំកិលខ្លួនឯង ថៃ មាន ៥០គ្រឿង; ខ្មែរ មាន ៣០គ្រឿង; កាំភ្លើងធំសណ្ដោង ថៃ មានជិត ៦០០គ្រឿង; ខ្មែរ មាន ៤៣០គ្រឿង; រ៉ុក្កែតគ្រាប់ធំ ថៃ មាន ២៦គ្រឿង; ខ្មែរមាន ៤៦៣គ្រឿង។
ទ័ពជើងអាកាស ថៃ មានយន្តហោះគ្រប់ប្រភេទជិត ៥០០គ្រឿង; ខ្មែរ មាន ២៥គ្រឿង; ថៃ មានយន្តហោះប្រដេញ ៧២គ្រឿង; ខ្មែរ គ្មាន; ថៃ មានយន្តហោះប្រហារ ២០គ្រឿង; ខ្មែរ គ្មាន; ថៃ មានឧទ្ធម្ភាគចក្រ ២៥៨គ្រឿង; ខ្មែរមាន ២១គ្រឿង; ថៃ មានឧទ្ធម្ភាគចក្រប្រយុទ្ធប្រហារ ៧គ្រឿង; ខ្មែរ គ្មាន; ថៃ មានយន្តហោះដឹកជញ្ជូន ៥៤គ្រឿង; ខ្មែរ មាន ៤គ្រឿង;
ទ័ពជើងទឹក៖ ថៃ មាននាវាផ្ទុកឧទ្ធម្ភាគចក្រ ១គ្រឿង; ខ្មែរ គ្មាន; ថៃ មានកប៉ាល់ចម្បាំង frigate ៧គ្រឿង; ខ្មែរ គ្មាន; ថៃ មានកប៉ាល់ចម្បាំង corvette ៦គ្រឿង; ខ្មែរគ្មាន; ថៃ មាននាវាល្បាត ៤៩គ្រឿង; ខ្មែរ មាន ២០គ្រឿង; ថៃមាននាវារាយមីន ៥គ្រឿង; ខ្មែរ គ្មាន។
សព្វថ្ងៃ ប្រទេសកម្ពុជា បានទទួលជំនួយយោធាចិនទំនើបមានប្រភេទកាំជ្រួចផ្លោងផ្គួប PHL-03 បាញ់គ្រាប់ ៣០០ម.ម. បានចម្ងាយពី ៧០ ទៅ ១៣០គីឡូម៉ែត្រ ប្រភេទ 90-B, RM-70, BM-21 បាញ់បានចម្ងាយពី ២០ ទៅ ៤០គីឡូម៉ែត្រ។ ក្រៅពីនេះ មានកាំជ្រួចដី-អាកាស KS-1C បាញ់បានចម្ងាយ ៧០គីឡូម៉ែត្រ ដោយប្រើប្រព័ន្ធ HQ-12 និងបញ្ជាដោយរ៉ាដា H-200 ដែលអាចបាញ់បានកម្ពស់ ២៥គីឡូម៉ែត្រទៅលើអាកាស។
