វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3228 នាក់
ម្សិលមិញ 6501 នាក់
សរុប 13951783 នាក់
ភ្នំពេញ៖ ខ្មាន់កាំភ្លើងជិះរថយន្តស៊េរីទំនើបមួយគ្រឿងបានដកកាំភ្លើងខ្លីបាញ់រះចំនួន៥គ្រាប់ មកលើផាសអេបមួយគ្រឿង តែសំណាងល្អម្ចាស់ផាសអេបអត់អី ឯខ្មាន់កាំភ្លើងបានបើករថយន្តគេចខ្លួនបាត់ដោយសម្រួលកាលពីវេលាម៉ោង១០យប់ ថ្ងៃទី ២៦ ខែតុលា ឆ្នាំ២០២០ នៅចំណុចមុខសាកលវិទ្យាល័យភូមិន្ទភ្នំពេញតាមបណ្ដោយផ្លូវសហព័ន្ធរុស្ស៊ី កែងផ្លូវ២៦១ ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
ប្រភពព័ត៌មានពីកន្លែងកើតហេតុបានប្រាប់ដឹងថា មុនកើតហេតុគេឃើញបុរសម្នាក់បើកផាសអេបពណ៌លឿងមួយគ្រឿង និងឃើញរថយន្តស៊េរីទំនើប rolls royce ពណ៌សមួយគ្រឿងមិនចាំស្លាកលេខធ្វើដំណើរចុះពីស្ពានអាកាស៧មករា ក្នុងទិសដៅពីលិចទៅកើត ដោយមិនដឹងថាមានទំនាស់គ្នារឿងអ្វីនោះទេ ពេលមកដល់ចំណុចកើតហេតុខាងលើផាសអេបនៅខាងមុខ ឯរថយន្តនៅខាងក្រោយបញ្ឆិតគ្នា ខណៈនោះស្រាប់តែខ្មាន់កាំភ្លើងដែលជិះរថយន្តស៊េរីទំនើប rolls royce បានបើកកញ្ចក់ដកកាំភ្លើងខ្លីបាញ់រះទៅលើអ្នកបើកបរផាសអេបចំនួន៥គ្រាប់ បណ្ដាលឲ្យ១គ្រាប់ ត្រូវផាសអេបធ្លុះធ្លាយមកខាងមុខ ភ្លាមៗនោះខ្មាន់កាំភ្លើងក៏បានឈប់រថយន្តមួយភ្លែតហើយក៏បិទកញ្ចក់រថយន្តវិញបើកចេញទៅបាត់ទៅ។
បើតាមការរៀបរាប់ពីជនរងគ្រោះជាម្ចាស់ផាសអេបមិនបានប្រាប់ពីមូលហេតុអ្វីឲ្យពិតប្រាកដនោះទេ គ្រាន់តែបានប្រាប់ថា ខ្មាន់កាំភ្លើងជិះរថយន្តម៉ាក rolls royce មួយគ្រឿងពណ៌ស ពាក់ស្លាកលេខកម្ពុជា។ ចំណែកភាគីខាងផាសអេបក៏មិនបានធ្វើការរៀបរាប់វែងឆ្ងាយនោះដែរគឺបានបើកបន្តដំណើរទៅមុខបាត់ទៅ ដោយមិនបានទៅដាក់ពាក្យបណ្ដឹងនៅប៉ុស្តិ៍នគរបាលនោះទេ។ស្រួលដែរមិនខ្វល់ដល់សមត្តកិច្ចផង!