វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6194 នាក់
ម្សិលមិញ 5544 នាក់
សរុប 13947291 នាក់
ខេត្តកណ្តាល៖លួចដាក់ប្រព័ន្ធ GPS តាមរថយន្តបុរសជាប្តីតាមទាន់ប្រពន្ធ កំពុងឡើងឋានសួគ៌ជាមួយបុរសជាសហាយស្មន់នៅផ្ទះសំណាក់មួយកន្លែង យីហោ « សេងឆេង » ស្ថិតក្នុងភូមិកំពង់សំណាញ់១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល កាលពីវេលាល្ងាចថ្ងៃទី២៩ ខែឧសភា ឆ្នាំ២០២១ ។
រងគ្រោះជាប្តីមានឈ្មោះ សេង ឈិន ភេទប្រុស អាយុ៤១ឆ្នាំ ទីលំនៅភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល មុខរបរលក់គ្រឿងសំណង់។ ចំណែកស្ត្រីជាប្រពន្ធ មានឈ្មោះ ជសៀកមួយ ភេទស្រី អាយុ៣១ឆ្នាំ ស្នាក់នៅរួមរស់ជាមួយបុរសជាប្តី មានមុខរបរលក់គ្រឿងសំណង់ ។ ដោយឡែកបុរសជាសាហាយមានឈ្មោះ ជា ជំនិត ភេទប្រុស អាយុ៤២ឆ្នាំ ទីលំនៅភូមិព្រែក ព្នៅ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ មុខរបរលក់គ្រឿងសំណង់ដូចគ្នាដែរ ។
ជាប្តីប្រពន្ធមួយគូនេះបានរួមរស់នៅជាមួយគ្នាអស់រយៈពេល១២ឆ្នាំកន្លងទៅហើយ ដោយបានរៀបការតាមប្រពៃណីពេញច្បាប់ មានកូនប្រុសស្រី៣នាក់ ។ មួយរយះកាលក្រោយទៅនេះ ប្តីប្រពន្ធអ្នកទាំង២ ចេះតែឧស្សាហ៍រកាំរកុះ ឈ្លោះគ្នា ។បុរសជាប្តីកើតចិត្តសង្ស័យថា ប្រពន្ធមានប្រុស ព្រោះការរស់នៅជាមួយគ្នាប្រមាណ១២ឆ្នាំកន្លងទៅ ពុំសូវមានរឿងរ៉ាវឈ្លោះប្រកែក និងមានអ្វីខុសប្លែកនឹងគ្នាឡើយ ។បុរសជាប្តីបានយករថយន្តរបស់ស្ត្រីជាប្រពន្ធម៉ាក ford ពណ៌ស ស៊េរីឆ្នាំ២០២១ ពាក់ផ្លាកលេខ កម្ពុជា CHSM7798 យកទៅដាក់ប្រព័ន្ធ GPS ដោយពុំប្រាប់ស្ត្រីជាប្រពន្ធឲ្យបានដឹងខ្លួនមុនឡើយ ។
នៅថ្ងៃកើតហេតុខាងលើ គឺថ្ងៃទី២៩ឧសភា ស្ត្រីជាប្រពន្ធបានប្រាប់ប្តីថា ជូនម្តាយទៅលេងស្រុកកំណើត។ បុរសជាប្តីក៏បានលួចបើករថយន្តតាមប្រពន្ធ តាមរយៈប្រព័ន្ធ GPS ក៏តាមទាន់ស្ត្រីជាប្រពន្ធកំពុងដេកក្នុងបន្ទប់ផ្ទះសំណាក់ជាមួយសហាយស្មន់ នៅក្រុងតាខ្មៅតែម្តងទៅ ។បុរសជាប្តីបានទំនាក់ទំនងទៅកាន់សមត្ថកិច្ចមូលដ្ឋានឲ្យចុះមកធ្វើការឃាត់ខ្លួនអ្នកទាំង២ ពាក់ព័ន្ធនឹងអំពើផិតក្បត់ ។ ក្នុងការឃាត់ខ្លួនអ្នកទាំង២ សមត្ថកិច្ចដកហូតរថយន្តម៉ាតហ្វតមួយគ្រឿងរបស់ស្ត្រីជាប្រពន្ធ និងទូរស័ព្ទដៃ២គ្រឿង ដែលជាទូរស័ព្ទអ្នកទាំង២ប្រើសម្រាប់ទាក់ទងស្នេហាគ្នាកន្លងទៅ ។បច្ចុប្បន្នជនសង្ស័យទាំង២នាក់ ត្រូវបានសមត្ថកិច្ចធ្វើការឃុំខ្លួនបណ្តោះអាសន្ននៅអធិការដ្ឋាននគរបាលក្រុងតាខ្មៅ រងចាំកសាងសំណុំរឿងបញ្ចូននៅតុលាការចាត់ការទៅតាមផ្លូវច្បាប់នៅពេលក្រោយ។រឿងប៉ាប៉ិនណឹងហើយមានតែលែងគ្នាបន្ទាប់ពីជាប់ទោសហើយ?ឬប្តីយកវិញ?៕