វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3654 នាក់
ម្សិលមិញ 10264 នាក់
សរុប 14142836 នាក់
ឧត្ដរមានជ័យ: មានសេចក្ដីរាយការណ៍ថាអ្នកមានអំណាចម្នាក់នៅខេត្តឧត្ដរមានជ័យ បានលក់ដីព្រៃនិងភ្នំជប់ត្រឡោក.ដែលជាកម្មសិទ្ធរដ្ឋរាប់សិបហិចតាស្ថិតនៅភូមិជប់គគីខាងលិចឃុំជប់គគីស្រុកបន្ទាយអំពិល ខេត្តឧត្តរមានជ័យ អោយទៅលោកឧកញាលឹមហេងក្នុងតំលៃ៧០ម៉ឺនដុល្លារអាមេរិក ។
សព្វថ្ងៃនេះឈ្មួញកំពុងប្រើរូបភាពកៀងគរប្រជាពលរដ្ឋអោយទៅស៊ី ឈ្នួល កាប់បំផ្លាញព្រៃឈើរានយកដី នៅតំបន់ខាងលើនេះ ។ជាក់ស្ដែងនៅតាមកំផែងថ្មនៅក្នុងព្រៃលើភ្នំ ជប់ត្រឡោក គេឃើញមានការបាញ់ថ្នាំក្រហមដាក់ថា ហាម ហើយសញ្ញាខ្លះទៀតដាក់ឈ្មោះលោកឧកញា លឹមហេង។
នេះបញ្ជាក់បានថាហាមពលរដ្ឋមិនអោយទៅរានព្រៃឈើ យកដីនៅតំនោះជាកម្មសិទ្ធរបស់ខ្លួន ព្រោះជាដីរបស់លោកឧកញ៉ាលឹមហេងទាំងអស់ទៅហើយ។
អ្នកមានអំណាចបានឃុបឃិតគ្នាលក់ទិញលក់ដីព្រៃភ្នំ ដែលគ្រប់គ្រងដោយរដ្ឋ នៅភូមិជប់គគីខាងលិចឃុំជប់គគីស្រុកបន្ទាយអំពិល នោះក៍ព្រោះតែតំបន់នោះកំពុងតែមានការអភិវឌ្ឍន៍និង មានហាងឆេងដីឡើងថ្លៃកប់ពពក។ទោះជាយ៉ាងណាលោក រតនា តំណាងអោយលោកឧកញាលឹមហេង បានបដិសេធជាមួយកាសែតថា ខាងក្រុមហ៊ុនមិនបានទិញដីពីអ្នកមានអំណាចនៅខេត្តឧត្ដរមានជ័យក្នុងតំលៃ៧០ម៉ឺនដុល្លារនោះទេ។
តែលោកទទួលស្គាល់ថា បើទិញពីប្រជាពលរដ្ឋនោះពិតជាមានមែន លោកក៍មិនអាចបញ្ជាក់រឺក៍បង្ហាញឯកសារលក់ទិញពីបុគ្គលណាម្នាក់នៅតំបន់ចោទប្រាកាន់ ខាងលើនោះបានទេ។ពត៍មានខាងលើនេះសង្ឃឹមថានឹងមានចំណាត់ការទប់ស្គាត់ចេញពីឯកឧត្តមជាសុផារ៉ាឧបនាយរដ្ឋមន្ត្រីនិងជារដ្ឋមន្ត្រីក្រសួងរៀបចំដែនដីនគរូបនីយ៍កម្មជាមិនខាន៕