សម្លេងចរចាប្រហាររដ្ឋាភិបាលថៃរបស់សម្តេចតេជោបានឬអត់?
21-September-2026 / ព័ត៌មានអន្តរជាតិ
ប្រទេសថៃ:ទ្រឹស្តីរបស់អ្នកប្រាជ្ញម៉ាគីយ៉ាវ៉ែលនិយាយថាធើអីធើទៅឲ្យតែបានលទ្ធផលដែលយើងចង់បាន។សម្រាប់អ្នកចង់ធ្វើនយោបាយគឺទាល់តែគិតនិងយល់ថាក្នុងឆាកនយោបាយគ្មានទេមិត្តឬសត្រូវមួយជីវិត។ចឹងការសម្រេចចិត្តបញ្ចេញសម្លេងសន្ទនាក្រៅឆាកកាលពីថ្ងៃទី១៥មិថុនារវាងសម្តេចតេជោនិងលោកស្រីផែតងតានស៊ីណាវ៉ាតនាយករដ្ឋមន្ត្រីថៃដែលជាក្មួយធម៍មានគោលបំណងច្បាស់លាស់បង្ហាញថាកម្ពុជាសម្រេចចិត្តស្វែងរកសេះថ្មីសម្រាប់ដោះស្រាយបញ្ហាព្រុំដែនហើយ។ព្រោះសម្តេចតេជោបាននិយាយក្នុងព្រឹទ្ធសភាកាលពីថ្ងៃទី១៦មិថុនារួចហើយពីភាពអសមត្តភាពរបស់រដ្ឋាភិបាលថៃក្នុងការគ្រប់គ្រងពួកយោធាខុសពីស្រុកខ្មែរដែលកាន់តាំងពីលើដល់ក្រោម។
ឡូវយើងឃើញហើយការបញ្ចេញសម្លេងសន្ទនានេះជាលទ្ធផលបានកើតឡើងហើយ។ក្រៅពីធ្វើឲ្យរដ្ឋាភិបាលប្រឈមមុខជាមួយពួកយោធានៅក្នុងរដ្ឋាភិបាលចំរុះរបស់គណបក្សភឿថៃគណបក្ស ភូមចៃថៃ (Bhumjaithai) ដែលមានរដ្ឋមន្ត្រី៨រូបគឺជាកម្លាំងទី២បានប្រកាសដកខ្លួនចេញពីរដ្ឋាភិបាលចម្រុះ ដោយអំពាវនាវឱ្យនាយករដ្ឋមន្ត្រីលោកស្រី Paetongtarn Shinawatra ទទួលខុសត្រូវចំពោះវីដេអូឃ្លីប ដែលពាក់ព័ន្ធនឹងការសន្ទនាជាមួយប្រធានព្រឹទ្ធសភាកម្ពុជា សម្ដេចតេជោ ហ៊ុន សែន ។
យោងតាមសេចក្តីថ្លែងការណ៍កាលពីថ្ងៃពុធសប្ដាហ៍នេះ គណបក្សនេះ បានចង្អុលបង្ហាញថា ការសន្ទនាតាមទូរស័ព្ទរវាងលោកស្រី Paetongtarn និងសម្ដេចអគ្គមហាសេនាបតីតេជោ ហ៊ុន សែន បានប៉ះពាល់ដល់អធិបតេយ្យភាពប្រទេស។សេចក្តីថ្លែងការណ៍បាននិយាយថា "ក្រុមរដ្ឋមន្ត្រីមកពីគណបក្ស Bhumjaithai (ចំនួន៨រូប)បានដាក់លិខិតលាលែងពីតំណែងរបស់ពួកគេទៅកាន់នាយករដ្ឋមន្ត្រី ដែលមានសុពលភាពចាប់ពីថ្ងៃទី១៩ ខែមិថុនាឆ្នាំ ២០២៥ "។គណបក្ស Bhumjaithai បានបញ្ជាក់ពីការត្រៀមខ្លួនធ្វើការជាមួយប្រជាជនថៃ គាំទ្រយោធា និងជួយមន្ត្រីក្នុងការរក្សាអធិបតេយ្យភាព បូរណភាពទឹកដី និងផលប្រយោជន៍ជាតិរបស់ប្រទេសថៃ តាមគ្រប់មធ្យោបាយដែលអាចធ្វើទៅបាន។
គួររម្លឹកថាការដកខ្លួនរបស់គណបក្ស ភូមចៃថៃ ពាក់ព័ន្ធនឹងផែនការរុះរើគណៈរដ្ឋមន្ត្រីដោយគណបក្សភឿថៃ ទាមទារយកក្រសួងមហាផ្ទៃដែលបច្ចុប្បន្នស្ថិតក្នុងដៃរបស់មេដឹកនាំគណបក្សភូមចៃថៃ លោក អានុទិន ឆានវ៉រ៉ាគុណ។ដូចច្នោះសម្រាប់រដ្ឋាភិបាលថៃបច្ចប្បន្នចប់ហើយ។គណបក្សភឿងថៃបើចង់ធ្វើនាយករដ្ឋមន្ត្រីទៀតត្រូវស្វែងរកគណបក្សផ្សេងមកជំនួសគណបក្សភូមិចៃថៃដើម្បីគ្រប់សម្លេងឆ្នោតក្នុងសភា។
ឡូវនេះគេបានឃើញមានបេក្ខភាពចំនួន ៦រូបតហើយដែលត្រៀមនឹងឈរឈ្មោះបោះឆ្នោតជានាយករដ្ឋមន្ត្រីបើគណបក្សភឿថៃបរាជ័យក្នុងការរកសម្លេងតំណាងរាស្ត្រមកបង្គ្រប់គាំទ្រ។បេក្ខជនទាំងនោះមានជាអាទិ៍1. លោក អនុធិន ឆានវិរះគុណ (Anuthin Chanvirakul) គណបក្សភូមិថៃថៃ។2. លោក ឆៃក្សេម និតិសិរិ (Chaikasem Nitisiri) គណបក្សភឿថៃ។3. លោក ប្រាវិត វង្សសុវណ្ណ (Prawit Wongsuwon) គណបក្សផ្លាំងប្រាឆារ៉ាត
4. លោក ប្រាយុទ្ធ ចាន់អូឆា (Prayut Chan-o-cha) ឧត្តមទីប្រឹក្សាព្រះមហាក្សត្រ។5. លោក ភិរៈផាន់ សារីរ៉ាត់វិភាក (Pirapan Salirathavibhaga) គណបក្សរួមថៃសាងឆាត។6. លោក ចុរិន្ទ ឡាក់ខណះវិសិទ្ធិ (Jurin Laksanawisit) គណបក្សប្រាឆាធិប៉ាត់។តែមិនដឹងថាតើអាចរកសម្លេងគាំទ្របានដែរឬអត់។បើមិនបានតើអាចប្រឈមនឹងការរំលាយសភាតាមសំណើរបក្សប្រឆាំងអត់?ចាំមើលមើ។
យ៉ាងណានៅព្រឹកថ្ងៃទី១៩មិថុនានេះនាយករដ្ឋមន្ត្រីថៃអ្នកស្រីផែងតងតាននៅបានបង្ហាញមុខមកប្រជុំនៅវិមានរដ្ឋាភិបាលនៅឡើយក្នុងនាមជានាយករដ្ឋមន្ត្រីដែលបង្ហាញថាអ្នកស្រីនៅមានសន្លឹកបៀរលេងនៅឡើយ។ក្រៅពីការប្រជុំជាមួយអគ្គមេបញ្ជាការកងទព័និងរដ្ឋមន្ត្រីក្រសួងការពាជាតិលោកស្រីរដ្ឋនាយករដ្ឋមន្ត្រី ផែតុងតាន ស៊ីណាវ៉ាត្រា បានចេញមកសុំទោសជាសាធារណៈប្រជាជនថៃចំពោះការលេចធ្លាយឃ្លីបសំឡេង ដោយអ្នកស្រីហៅវាថាជាការគំរាមកំហែងដល់សន្តិសុខជាតិ។“ខ្ញុំសុំទោសបងប្អូនជនជាតិថៃទាំងអស់ ទាក់ទងនឹងឃ្លីបសំឡេងនៃការសន្ទនារបស់ខ្ញុំជាមួយថ្នាក់ដឹកនាំកម្ពុជា។ ខ្ញុំមិនដឹងថាវានឹងត្រូវបានថត និងផ្សព្វផ្សាយបែបនេះទេ។ ឥឡូវនេះ យើងបានបញ្ជាក់រឿងនេះជាមួយកងកម្លាំងប្រដាប់អាវុធហើយ។“នេះជាពេលដែលយើងត្រូវសហការ និងបង្រួបបង្រួមកម្លាំងរបស់យើង។ គ្រប់ភាគីបានសន្និដ្ឋានថា នេះជាការគំរាមកំហែងដល់សន្តិសុខជាតិ។ នេះមិនមែនជាការគំរាមកំហែងតូចតាចទេ។ ថ្ងៃនេះ យើងគ្មានពេលប្រយុទ្ធគ្នាឯងបែបនេះទេ។ យើងត្រូវការពារអធិបតេយ្យភាពរបស់យើង។”។បើចឹងតើស្ថានភាពកម្ពុជាថៃអាចតឹងតែងជាងមុន?។(មាតុភូមិ)
