សម្ពោធផ្លូវនៅខេត្តព្រះសីហនុសម្តេចតេជោប្រកាសថាប្តឹងៗអ្នកហ៊ានថាគណបក្សប្រជាជនចោរ!
ភ្នំពេញ៖ ផ្លូវតភ្ជាប់រវាងស្រុកព្រៃនប់ ទៅក្រុងព្រះសីហនុ មានប្រវែងសរុបជាង ៤៣គីឡូម៉ែត្រ ត្រូវបានស្ថាបនា និងកែលំអរឡើងវិញរួចរាល់ជាស្ថាពរហើយ ក្រោមកញ្ចប់ថវិកាជាតិប្រមាណ ៧៦លានដុល្លារអាមេរិក។ ផ្លូវដែលដើរតួនាទីយ៉ាងសំខាន់ដល់ការដឹកជញ្ជូន ការធ្វើដំណើរ និងបម្រើវិស័យទេសចរណ៍ផងនោះ នឹងសម្ពោធដាក់ឱ្យប្រើប្រាស់ជាផ្លូវការ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃព្រហស្បតិ៍ ទី២២ ខែធ្នូ ឆ្នាំ២០២២ស្អែកនេះ។
សម្តេចតេជោ ហ៊ុន សែន បានថ្លែងសារសំខាន់ក្នុងពិធីសម្ពោធដែលរួមមាន ៖ សម្តេច បានបង្ហាញនូវក្តីរីករាយ និងមានមោទនភាព ចំពោះការកើតឡើងជាបន្តបន្ទាប់នូវសមិទ្ធផលក្នុងខេត្តព្រះសីហនុ។
សម្តេចតេជោ ហ៊ុន សែន បានរំលឹកថា ផ្លូវ១៤៦បេ គឺជាផ្លូវដែលបិណ្ឌបាត្រផ្ទាល់ដោយសម្តេចព្រះសង្ឃរាជ ទេព វង្ស។សម្តេចតេជោ ហ៊ុន សែន បានថ្លែងថា ផ្លូវ១៤៦បេ និង១៤៨ ដែលសម្ពោធព្រឹកថ្ងៃនេះ គឺជាសមិទ្ធផលកើតឡើងដោយដៃប្រជាពលរដ្ឋផ្ទាល់ តាមរយៈការប្រើប្រាស់ថវិកាជាតិ។សម្តេចតេជោ ហ៊ុន សែន បានថ្លែងថា ថវិកាជាតិដែលទម្លាក់មកកសាងហេដ្ឋារចនាសម្ព័ន្ធនៅខេត្តព្រះសីហនុសរុប ៤០០លានដុល្លារ។
សម្តេចតេជោ ហ៊ុន សែន បានថ្លែងថា បើទោះបីមានផ្លូវល្បឿនលឿន ឬផ្លូវ៣៧ខ្សែក្នុងក្រុងព្រះសីហនុក៏ដោយ បើគ្មានផ្លូវតភ្ជាប់១៤៦បេ និង១៤៨ទេ ពលរដ្ឋក្នុងខេត្តព្រះសីហនុនៅតែលំបាក។សម្តេចបញ្ជាក់ថាសម្តេចនៅតែផ្តល់អាទិភាពដល់ការតភ្ជាប់ហេដ្ឋារចនាសម្ព័ន្ធ ដើម្បីដោះស្រាយការលំបាកធ្វើដំណើរ និងកាត់បន្ថយការចំណាយរបស់ប្រជាពលរដ្ឋ។សម្តេចតេជោ ហ៊ុន សែន បានថ្លែងថា ការដឹកជញ្ជូនលើសទម្ងន់កំណត់ត្រូវតែទប់ស្កាត់ ហើយផ្លូវត្រូវតែសាងសង់ឱ្យមានគុណភាព។សម្តេចតេជោ ហ៊ុន សែន បានថ្លែងមានហេដ្ឋារចនាសម្ព័ន្ធជាច្រើនដែលកម្ពុជានឹងសាងសង់ មានដូចជាស្ពានតភ្ជាប់ផ្សារចាស់ ទៅអរិយក្សត្រ, ផ្លូវល្បឿនលឿនភ្នំពេញ-បាវិត, ផ្លូវបាត់ដំបង-សៀមរាប, កំពង់ធំ-កំពង់ឆ្នាំង និងផ្លូវដែកល្បឿនលឿនជាដើម។សម្តេចតេជោ ហ៊ុន សែន អំពាវនាវអ្នករកស៊ីដឹកជញ្ជូនទំនិញ ប្រើប្រាស់ផ្លូវល្បឿនលឿន។
សម្ដេចតេជោបានឲ្យដឹងថា៖ យើងបាន កំពុងសិក្សាធ្វើផ្លូវដែកល្បឿនលឿន ភ្ជាប់ពីទីក្រុងភ្នំពេញមកខេត្ដព្រះសីហនុ និងពីខេត្ដ ព្រះសីហនុ ទៅព្រំដែនថៃ។ ដោយគម្រោងនេះ នឹងត្រូវសាងសង់លើផ្លូវដែក ដែលមានស្រាប់ ដូច្នេះការសាងសង់ នឹងចំណាយពេលមិនច្រើននោះឡើយ ព្រោះបច្ចុប្បន្នយើងមានផ្លូវ ហើយស្រេច គឺផ្លូវ ដែកចាស់ តែយ៉ាងណាផ្លូវដែកចាស់នេះ មិនអាចបម្រើឱ្យការអភិវឌ្ឍ វិស័យសេដ្ឋកិច្ចបានទេ។សម្ដេចតេជោនាយករដ្ឋមន្ដ្រី ក៏បានបញ្ជាក់ច្បាស់ៗដែរថា ក្រៅពីផ្លូវដែកល្បឿនលឿន មួយខ្សែនេះ កម្ពុជាក៏នឹងមានផ្លូវដែកល្បឿនលឿននៅកន្លែងដទៃទៀតផងដែរ ដើម្បីបំពេញ តម្រូវការនិងសម្រួលដល់ការងារដឹកជញ្ជូនទំនិញ។
សម្តេចតេជោ ហ៊ុន សែន ចោទសួរអ្នកលើកឡើងថា កម្ពុជាចេះតែក្រទៅៗ តើហ៊ានស្បថទេ? សម្តេចតេជោ ហ៊ុន សែន ថ្លែងថា អ្នកដែលនិយាយថាកម្ពុជាចេះតែក្រទៅៗ គឺជាការប្រមាថ និងមើលងាយចំពោះជាតិសាសន៍ខ្លួនឯង។ទាក់ទងនិងបញ្ហានគរបាលចរាចរធើស៊ីអ្នកល្មើសសម្តេចតេជោ ហ៊ុន សែន អំពាវនាវឱ្យប្រជាពលរដ្ឋប្រឹងរៀនច្បាប់ចរាចរណ៍ ហើយត្រូវគោរពច្បាប់មិនមែនខ្លាចនគរបាលចរាចរណ៍នោះទេ។ត្រូវលុបបំបាត់វប្បធម៌ខ្លាចនគរបាលចរាចរណ៍ជាងការគោរពច្បាប់។ សម្តេចតេជោ ហ៊ុន សែន បានថ្លែងថា នគរបាលចរាចរណ៍មិនផាកពិន័យឡើយ បើមិនខុសច្បាប់។សម្តេចតេជោ ហ៊ុន សែន ប្រតិកម្មនឹងសម្តី សួង នាគព័ន្ធ ដែលប្រើសម្តីឈ្លើយលើផេកហ្វេសប៊ុករបស់សម្តេច។ សម្តេចតេជោ ហ៊ុន សែន បានហៅក្មេងនេះ ជាក្មេងពាល។ សម្តេចតេជោ ហ៊ុន សែន បានណែនាំឱ្យអាណាព្យាបាលរបស់ សួង នាគព័ន្ធ ប្រដៅកូន។
សម្តេចតេជោ ហ៊ុន សែន បានថ្លែងថា ជនក្បត់ជាតិ៣ជំនាន់ ពូកែខាងរុញឱ្យគេស្លាប់ តែមិនដែលហ៊ានប្រឈមមុខជាមួយសម្តេចនោះទេ។
សម្តេចតេជោ ហ៊ុន សែន ស្នើឱ្យសង្ឃ ប៊ុត ប៊ុនតិញ បកស្រាយរឿងផឹកស្រាក្រហម និងដឹកអ្នកមេម៉ាយចេញពីវត្តភ្នំសិរីទាំងយប់ បន្ទាប់ពីទទួលបានវិដេអូ និងដំណឹងពីលោក សាគៀល នៅអាមេរិក។សម្តេចតេជោ ហ៊ុន សែន ណែនាំឱ្យសន្តិសុខរកអាណាព្យាបាល របស់ក្រុមអ្នកធ្វើបាតុកម្មប្រឆាំងសម្តេច សួរនាំថា តើកម្ពុជាពិតជាក្រទៅៗ ដូចសម្តីកូនៗរបស់គេមែនឬយ៉ាងណា?សម្តេចតេជោ ហ៊ុន សែន បានថ្លែងថា រយៈពេល៥ឆ្នាំហើយ មិនមានបរទេសណានិយាយដល់ជនក្បត់ជាតិ៣ជំនាន់នោះឡើយ។
សម្តេចតេជោ ហ៊ុន សែន បានថ្លែងថា អ្នកជាប់ពាក់ព័ន្ធនឹងជនក្បត់ជាតិ៣ជំនាន់ នឹងត្រូវប្រឈមនឹងច្បាប់។ សម្តេចតេជោ ហ៊ុន សែន បានថ្លែងថា ការជួបជុំរបស់ជនក្បត់ជាតិ៣ជំនាន់ នៅវត្តភ្នំសិរី ក្នុងទឹកដីអាមេរិក ដើម្បីប្រមូលលុយជួយបក្សមួយ។សម្តេចតេជោ ហ៊ុន សែន បានហៅជនក្បត់ជាតិ៣ជំនាន់ ជាមនុស្សល្ងង់តជំនាន់ ដែលមិនដឹងពីធម្មនុញ្ញអាស៊ាន និងអាណត្តិរបស់ប្រធានអាស៊ាន។
សម្តេចតេជោ ហ៊ុន សែន ចាត់ទុកសំណេរជនក្បត់ជាតិរឿងអាណត្តិប្រធានអាស៊ាន គឺជាការប្រមាថប្រធានាធិបតីបារាំង ថ្នាក់ដឹកនាំប្រទេសអឺរ៉ុប និងថ្នាក់ដឹកនាំប្រទេសសមាជិកអាស៊ាន។
សម្តេចតេជោ ហ៊ុន សែន បានថ្លែងថា ភាពជាប្រធានអាស៊ាននៅឆ្នាំ២០២២ បានធ្វើឱ្យរវល់ តែក៏បាននាំមកនូវកិត្តិនាមខ្ទរខ្ទារ។សម្តេចតេជោ ហ៊ុន សែន បានថ្លែងថា កិច្ចព្រមព្រៀងសេដ្ឋកិច្ចគ្រប់ជ្រុងជ្រោយតំបន់ RCEP ត្រូវបានផ្តើមចរចាដោយសម្តេចពេលធ្វើប្រធានអាស៊ានឆ្នាំ២០១២ ហើយត្រូវបានចូលជាធរមាននៅឆ្នាំ២០២២ នៅរាជធានីភ្នំពេញវិញ។សម្តេចតេជោ ហ៊ុន សែន ចាត់ទុកការចូលជាធរមាន RCEP និងការក្លាយជាសមាជិកទី១១ របស់ទីម័រ គឺជោគជ័យនៃភាពជាប្រធានអាស៊ានរបស់កម្ពុជា។
សូមបញ្ជាក់ថាផ្លូវជាចំណងដៃថ្មីរបស់រាជរដ្ឋាភិបាលជូនពលរដ្ឋខេត្តព្រះសីហនុ មានពីរខ្សែតភ្ជាប់គ្នា។ មួយខ្សែមានឈ្មោះថាផ្លូវលេខ១៤៦B ឬហៅថា វិថីសុវត្ថិភាពសម្តេចព្រះសង្ឃរាជ ទេព វង្ស ចាប់ពីចំណុចបំបែកផ្លូវជាតិលេខ៤ ត្រង់គីឡូម៉ែត្រលេខ ១៧៨+១៦៥ ស្ថិតនៅភូមិវាលធំ ឃុំវាលរេញ ស្រុកព្រៃនប់ ទៅដល់រង្វង់មូលស្ទឹងហាវ ស្ថិតនៅភូមិ១ ឃុំអូរត្រេះ ស្រុកស្ទឹងហាវ។ មួយខ្សែទៀតមានឈ្មោះផ្លូវលេខ១៤៨ ឬហៅថា តីរវិថីសម្តេចតេជោ ហ៊ុន សែន (តីរវិថី គឺវិថីស្ថិតនៅបណ្តោយតាមឆ្នេរ) បន្តពីរង្វង់មូលស្ទឹងហាវ ដល់ចំណុចប្រសព្វផ្លូវជាតិលេខ៤ ត្រង់គីឡូម៉ែត្រលេខ ២២៥+៥៥០ កំពង់ផែស្វយ័តក្រុងព្រះសីហនុ។
ការស្ថាបនាផ្លូវទាំងពីរខ្សែនេះ បានចំណាយថវិកាសាងសង់ជាង ៧៦លានដុល្លារអាមេរិក ជាប្រភពថវិកាសន្សំរបស់រាជរដ្ឋាភិបាល។លោកស៊ុនចាន់ថុលទេសរដ្ឋមន្ត្រី បានឲ្យដឹងថា ផ្លូវទាំងពីរខ្សែនេះ គឺជាខ្សែផ្លូវវាងក្រុងតភ្ជាប់គ្នា ដ៏មានសក្តានុពល ដោយតភ្ជាប់ពីទីប្រជុំជនទៅជាយក្រុង ទៅកាន់តំបន់ទេសចរណ៍ និងឆ្នេរធម្មជាតិ ព្រមទាំងតភ្ជាប់ជាមួយផ្លូវជាតិលេខ៤ ផ្លូវល្បឿនលឿនភ្នំពេញ-ក្រុងព្រះសីហនុ និងផ្លូវទាំង ៣៧ខ្សែ នៅក្រុងព្រះសីហនុ ខេត្តព្រះសីហនុផងដែរ។
.jpg&h=97&w=146)
