តើជាការរំលោភសេពសន្ធវ:ឬជាការរៀបចំផែនការធ្វើស៊ីតួប្រុស?
11-March-2026 / សន្តិសុខសង្គម
ខេត្តឧត្តរមានជ័យ : កងកម្លាំងកងរាជអាវុធហត្ថស្នាក់ការសន្តិ សុខអ.ហ អូរស្មាច់ នៅវេលាម៉ោង០៩:០០នាទី ថ្ងៃទី១០ ខែឧសភាឆ្នាំ២០២៥បានទទួលពាក្យបណ្តឹង០១ច្បាប់ពីជន រងគ្រោះ ឈ្មោះ ច.គ.ហ ភេទស្រីអាយុ១៧ឆ្នាំ មុខរបរបុគ្គលិកលក់ផ្លែឈើឲ្យក្រុមហ៊ុនចិនរីសតអូរស្មាច់ភូមិ.សង្កាត់អូរស្មាច់ក្រុងសំរោង ខេត្តឧត្តរមាន ជ័យ។យុវតីរូបនេះបានប្តឹងពីជនសង្ស័យចំនួន០៣នាក់ ពីបទរំលោភសេពសន្ថវ: កាលពីវេលាម៉ោង២២:២០នាទីយប់ថ្ងៃទី៩ ខែឧសភា ឆ្នាំ២០២៥ នៅក្នុងបន្ទប់ជួលផ្លូវលេខ១៣ ភូមិអភិវឌ្ឍន៍ សង្កាត់អូរស្មាច់ក្រុងសំរោងខេត្តឧត្តរមានជ័យ។
ក្រោយពីទទួលបណ្តឹងពីជនរង គ្រោះ វេលាម៉ោង៩:៣០នាទីកម្លាំងស្នាក់ការសន្តិសុខអ.ហអូរស្មាច់០៥នាក់ រថយន្ត០១ ម៉ូតូ ០២គ្រឿង អាវុធ០២ដើម វិទ្យុ ទាក់ទង០៣គ្រឿង ដឹកនាំដោយលោកវរសេនីយ៍ត្រី យ៉ាន សុខុម អនុប្រធានមន្ទីរស្រាវជ្រាវ និងបង្ក្រាបបទល្មើសអ ហ ខេត្តឧត្តរមានជ័យបានចុះបង្ក្រាបនិងឃាត់ខ្លួនជនសង្ស័យចំនួន០៣ នាក់រួមមាន:១/ឈ្មោះយី វិសា ភេទប្រុសអាយុ១៩ឆ្នាំ មុខរបរសន្តិសុខ ក្រុមហ៊ុនចិនសួនសត្វ ស្រុក កំណើតភូមិសំឡូត ឃុំសំឡូតស្រុកសំឡូត ខេត្តបាត់ដំបង។
២/ឈ្មោះទូច មុន្នី ភេទប្រុសអាយុ១៧ឆ្នាំមុខរបរសន្តិសុខក្រុមហ៊ុនចិនស្រុកកំណើតភូមិចុងកាល់ ឃុំចុងកាល់ស្រុកចុងកាល់ខេត្តឧត្តរមានជ័យ។៣/ឈ្មោះ វុន សុឈឿន ភេទ ប្រុសអាយុ២១ឆ្នាំមុខរបរសន្តិ សុខក្រុមចិនសួនសត្វស្រុក កំណើតភូមជប់គរគីឃុំអំពិលស្រុកបន្ទាយអំពិលខេត្តឧត្តរ មានជ័យ។ជនសង្ស័យទាំង ០៣នាក់ស្នាក់នៅក្នុងក្រុមហ៊ុនចិនសួនសត្វ ភូមិអូរស្មាច់សង្កាត់អូរស្មាច់ ក្រុងសំរោង ខេត្តឧត្តរ មានជ័យ ។ បច្ចុប្បន្នស្នាក់ការ បានប្រគល់ឲ្យការិយាល័យជំនាញអ.ហខេត្តចាក់ការតាមនីតិវិធី ។
សូមបញ្ជាក់ថា : ករណីស្ត្រីជនរងគ្រោះឈ្មោះ ច.គ.ហ ដាក់ពាក្យបណ្តឹងប្តឹងជនសង្ស័យទាំង០៣នាក់ខាងលើ ដែលត្រូវបានកម្លាំងកងរាជអាវុធហត្ថស្នាក់ការសន្តិសុខអ.ហ អូរស្មាច់ចាប់ឃាត់និងបញ្ជូនខ្លួនទៅតាមនីតិវិធីច្បាប់នេះ បើយោងតាម ប្រភពព័ត៌មានពីបងប្អូនប្រជា ពលរដ្ឋរស់នៅជិតខាងបន្ទប់ផ្ទះជួលជាមួយស្ត្រីរងគ្រោះខាងលើបាននិយាយប្រាប់អ្នកយក ព័ត៌មានយើងថា:កាលពីវេលាល្ងាចថ្ងៃទី០៩ឧសភាឆ្នាំ២០២៥ គេបានឃើញស្ត្រី ច.គ.ហ បាននាំជនសង្ស័យទាំង០៣នាក់នេះ មកលេងក្នុងបន្ទប់ជួលរបស់ខ្លួន ដោយមានការផឹកស៊ីជជែកគ្នាសើចលេងធម្មតារហូតយប់ជ្រៅដល់ ម៉ោង១២យប់ ពុំមានការ ស្រែកឡូឡាអ្វីទេ ហើយក៏ពុំមាន ការស្រែកថា : គេចាប់រំលោភអីដែរ ? ។
លុះព្រឹកឡើងសង្សា របស់ស្ត្រីរងគ្រោះខាងលើមក ទាន់ឃើញជនសង្ស័យទាំង០៣ នាក់ចេញពីបន្ទប់ក៏មានការភ្ញាក់ ផ្អើល រហូតដល់មានកងកម្លាំង សមត្ថកិច្ចអ.ហ ចុះទៅចាប់ឃាត់ខ្លួនក្រុមជនសង្ស័យ យកមកអនុវត្តតាមនីតិវិធីច្បាប់ ។ អ្នករស់នៅជិតខាងបន្ទប់ជួលរបស់ស្ត្រីរងគ្រោះ បាននិយាយ ថា:ករណីនេះអាចជាការរៀបចំ ផែនការធ្វើស៊ីខាងបុរសសង្ស័យទាំង០៣នាក់នេះក៏អាចថាបាន ព្រោះបើសិនជាការចាប់រំលោភ មែន ហេតុអ្វីកាលពីយប់នោះ មិនស្រែកអោយគេជួយ ព្រោះបន្ទប់ជួលនៅជាប់ៗគ្នាសោះ បើស្រែកឮសម្លេងភ្ញាក់ផ្អើលទាំងយប់បាត់ទៅហើយ ? ៕ រាយការណ៍ព័ត៌មាន ដោយលោក ទឺ ពិទូ
