លួចទី១មិនបានអីមកលួចកាបូបលុយអ្នកគ្រូពេទ្យលើកទី២ ជាប់ខ្នោះ
03-April-2024 / សន្តិសុខសង្គម
កណ្តាល ៖ ជនសង្ស័យម្នាក់ត្រូវបាននគរបាលឃាត់ខ្លួន បន្ទាប់ពីបានធ្វើសកម្មភាពលួចកាបូបពីរលើកពី អ្នកគ្រូពេទ្យ២នាក់ នៅគ្លីនិចឯកជនផ្សេងគ្នា កាលពីថ្ងៃទី១៣ ខែធ្នូ ឆ្នាំ២០២២ វេលាម៉ោង៥និង១៥នាទីល្ងាច នៅចំណុចនៅភូមិពន់ចាន ឃុំព្រែកស្លែង ស្រុកកណ្ដាលស្ទឹង ខេត្តកណ្ដាល។សមត្តកិច្ចឲ្យដឹងថា ជនរងគ្រោះ ០២នាក់រួមមាន ១-ឈ្មោះ ហេង វាសនា ភេទស្រី អាយុ ៣០ឆ្នាំ មានទីលំនៅភូមិពន់ចាន ឃុំព្រែកស្លែង ស្រុកកណ្ដាលស្ទឹង ខេត្តកណ្ដាល មុខរបរគ្រូពេទ្យនិង២-ឈ្មោះ ហង់ កែវកណ្ណិកា ភេទស្រី អាយុ៣៤ឆ្នាំ មានទីលំនៅភូមិស្វាយមីង ឃុំបារគូ ស្រុកកណ្ដាលស្ទឹង ខេត្តកណ្ដាល មុខរបរគ្រូពេទ្យ។
ជនសង្ស័យឈ្មោះ ពៅ សុភ័ក្រ ភេទប្រុស អាយុ២៥ឆ្នាំ មានទីលំនៅភូមិថ្នល់ទស្សិណ ឃុំក្រាំងធ្នង់ ស្រុកបាទី ខេត្តតាកែវ មុខរបរមិនពិតប្រាក (ឃាត់ខ្លួន)។វត្ថុតាងដកហូតបានរួមមាន ម៉ូតូ ០១គ្រឿងម៉ាកHonda Dream C125 ស៊េរីឆ្នាំ ២០១៧ ពណ៌ ខ្មៅ ពាក់ស្លាកលេខ តាកែវ 1M-8239,បណ្ណព័ត៌មានគណនីធនាគារអេស៊ីលីដា ០៣ សន្លឹក,កាត Wing ០៣ សន្លឹក, អត្តសញ្ញាណបណ្ណសញ្ជាតិខ្មែរ ២សន្លឹក, បណ្ណចាក់វ៉ាក់សាំង ០១ សន្លឹក,កាត ATM ធនាគារអេស៊ីលីដា ០១ សន្លឹក,កាត ATM ធនាគារ ABA ០១ សន្លឹក,បណ្ណសម្គាល់ទោចក្រយានយន្ត ០២ សន្លឹក,វិក្កយបត្រ ០២ សន្លឹក,បង្កាន់ដៃចុះបញ្ជាក់ការចុះឈ្មោះបោះឆ្នោត ០១ សន្លឹកនិងកាបូបដៃ ពណ៌ក្រឡាការូ ប្រផេះលាយខៀវ ជារបស់ជនរងគ្រោះឈ្មោះ ហង់ កែវកណ្ណិកា។
ជនសង្ស័យខាងបានធ្វើសកម្មភាពលួចកាបូបអ្នកគ្រូពេទ្យលើកទី១ នៅចំណុចភូមិស្វាយមីង ឃុំបារគូ នាថ្ងៃទី ១៣ ខែធ្នូ ឆ្នាំ ២០២២វេលាម៉ោង ០៦និង៥១នាទីព្រឹក ជនសង្ស័យបានជិះម៉ូតូមួយគ្រឿងខាងលើចេញពីផ្ទះរបស់ខ្លួនមកម្តុំផ្សារកំពង់កន្ទួត រួចបានចូលពេទ្យឯកជនមួយកន្លែងយីហោ បន្ទប់ពិព្រោះជម្ងឺ និង ព្យាបាល សាន សុវណ្ណ ។ពេលចូលទៅដល់ជនសង្ស័យបានឱ្យជនរងគ្រោះពិនិត្យជំងឺរបស់ខ្លួន ពេលពិនិត្យរួចជនរងគ្រោះបានប្រាប់ថា« អូនឯងលើសឈាមហើយ»ពេលនោះជនសង្ស័យបានប្រាប់ថាអត់អីទេក៏ចេញទៅបាត់ទៅ,។ មួយសន្ទុះក្រោយមកជនសង្ស័យបានជិះម៉ូតូត្រឡប់មកផ្ទះជនរងគ្រោះម្តងទៀតបាន ហើយបានធ្វើសកម្មភាពលួចយកកាបូបរបស់ជនរងគ្រោះរួចជិះម៉ូតូរបស់ត្រឡប់មកផ្ទះវិញ ។
ក្រោយពេលជិះម៉ូតូមកតាមផ្លូវដល់ចំណុចតាមខ្នងប្រឡាយស្ថិតនៅភូមិ ឃ្លាំងសម្បត្តិ ឃុំពត់ស ស្រុកបាទី ខេត្តតាកែវ ជនសង្ស័យបានឈប់ម៉ូតូឆែកមើលកាបូបលុយរបស់ជនរងគ្រោះពុំឃើញមានលុយ មានតែឯកសារខាងលើក៏បោះកាបូបនោះចោលក្នុងព្រៃបាត់ទៅ រួចជិះម៉ូតូទៅដេកនៅផ្ទះរបស់ខ្លួនស្ថិតនៅក្នុងភូមិឃ្លាំងសម្បត្តិ ឃុំពត់ស ស្រុកបាទី ខេត្តតាកែវ ។លើកទី០២ នៅចំណុចភូមិឃុំកេីតហេតុខាងលើ វេលាម៉ោង៤ល្ងាច ថ្ងៃដដែល ជនសង្ស័យបានជិះម៉ូតូចេញពីផ្ទះអ៊ុំរបស់ខ្លួនខាងលើដោយជិះមកតាមផ្លូវជាតិលេខ២ លុះមកចំណុចកើតហេតុខាងលើជនសង្ស័យបានជិះម៉ូតូចូលពេទ្យឯកជនមួយកន្លែងយីហោ បន្ទប់ពិគ្រោះ និង ថែទាំជំងីទូទៅ ហេង វាសនា ស្ថិតនៅភូមិឃុំកើតហេតុខាងលើ ។ពេលចូលទៅដល់ក្នុងពេទ្យជនសង្ស័យបានប្រាប់ជនរងគ្រោះថាខ្លួនចង់វាស់ឈាម ពេលនោះជនរងគ្រោះបានឱ្យជនសង្ស័យអង្គុយលេីកៅអី រួចជនរងគ្រោះពិនិត្យឈាមឱ្យជនសង្ស័យចំនួនពីរដង ។
ពេលពិនិត្យឈាមរួចជនសង្ស័យបានសួរជនរងគ្រោះរកទិញទឹកដោះគោកូនក្មេង និង ទិញ ចានដែកងូតទឹកកូនក្មេង ,ពេលជនរងគ្រោះឈោងយកចានដែកងូតទឹកកូនក្មេងនៅលេីធ្នេីរ ពេលនោះជនសង្ស័យបានស្ទុះទៅក្រៀកក និង យកដៃខ្ទប់មាត់ ច្របាច់កជនរងគ្រោះ បោកផ្តួលទៅនឹងដី បំណងចង់លួចយកលុយ ទូរសព្ទ និង សម្ភារផ្សេងៗ តែជនរងគ្រោះប្រឹងរើបម្រាស់ ខាំដៃរបស់ជនសង្ស័យជាប់។ជនសង្ស័យបានព្យាយាមរត់សំដៅទៅម៉ូតូដើម្បីជិះរត់គេចខ្លួនតែត្រូវបានជនរងគ្រោះ និង អ្នកជិតខាងបានជួយចាប់ជនសង្ស័យហើយរាយការណ៍ទៅសមត្ថកិច្ចប៉ុស្តិ៍នគរបាលរដ្ឋបាលព្រែកស្លែង ។កម្លាំងប៉ុស្តិ៍នគរបាលរដ្ឋបាលព្រែកស្លែងបានទៅដល់កន្លែងកើតហេតុឃាត់ខ្លួនជនសង្ស័យបញ្ជូនមកកាន់អធិការដ្ឋាននគរបាលស្រុកកណ្ដាលស្ទឹងដើម្បីកសាងសំណុំរឿងតាមនីតិវិធីច្បាប់.។គេមិនដឹងថាតើជនសង្សយ័មានសាធាតុញៀនក្នុងខ្លួនឬអត់នោះទេបានជាថ្លើមធំធ្វើសកម្មភាពពីរដងចឹងនោះ។ ភាវុន
