ស្ថាបន័IMF ទម្លាក់ការព្យាករណ៍កំណើនសេដ្ឋកិច្ចកម្ពុជា មកនៅត្រឹម ៤% ក្នុងឆ្នាំ ២០២៥បន្ទាប់ពីគណបក្សប្រជាជនថាឡើងខ្ពស់
08-July-2026 / សេដ្ឋកិច្ច
ភ្នំពេញ៖ មូលនិធិរូបិយវត្ថុអន្តរជាតិ (IMF) នៅថ្ងៃទី ២២ខែមេសានេះ បានកែសម្រួលការព្យាករណ៍កំណើនសេដ្ឋកិច្ច របស់ប្រទេសកម្ពុជា សម្រាប់ ឆ្នាំ២០២៥នេះ មកត្រឹម ៤% ដែលជាការថយចុះគួរឱ្យកត់សម្គាល់ពីការព្យាករណ៍ដំបូងរបស់ខ្លួនចំនួន ៥,៨% ដែលបានធ្វើឡើងនៅក្នុងខែមករា។
មូលហេតុគឺ ដោយសារបញ្ហាប្រឈមសកល ពិសេសពាក់ព័ន្ធភាពតានតឹងពាណិជ្ជកម្មសកល ដែលបណ្តាលមកពីការដាក់ពន្ធលើតម្លៃខ្ពស់របស់សហរដ្ឋអាម៉េរិក និងវិធានការសងសឹកជាបន្តបន្ទាប់ដោយដៃគូពាណិជ្ជកម្មសំខាន់ៗបានរំខានដល់លំហូរពាណិជ្ជកម្មសកល។កត្តា នេះអាចជះឥទ្ធិពលជាពិសេសដល់សេដ្ឋកិច្ចដែលពឹងផ្អែកលើការនាំចេញដូចជាកម្ពុជា ដែលនាំឱ្យកាត់បន្ថយតម្រូវការខាងក្រៅសម្រាប់ការនាំចេញសំខាន់ៗរបស់ខ្លួន ដូចជា ផលិតផលវាយនភណ្ឌកាត់ដេរ សម្លៀកបំពាក់ និងផលិតផលកសិកម្ម។
ទោះបីយ៉ាងណា IMF វាយតម្លៃអតិផរណានៅកម្ពុជា ត្រូវបានព្យាករណ៍ថា នឹងធ្លាក់មកនៅក្នុងរង្វង់ ១% ក្នុងឆ្នាំ ២០២៥នេះ ដែលកាលមុន ព្យាករណ៍ថាមានចំនួន ២%។នៅក្នុងទស្សនវិស័យជាសកល IMF បានព្យាករណ៍ពីកំណើនសេដ្ឋកិច្ចពិភពលោកនឹងកើនឡើងត្រឹមតែ ២,៨% ប៉ុណ្ណោះ ក្នុងឆ្នាំ ២០២៥ ដែលជាការថយចុះពីព្យាករណ៍កាលពីខែមករា ថានឹងកើន ៣,៣% សម្រាប់ឆ្នាំនេះ។
សូមបញ្ជាក់ដែរថាបើតាមរបាយការណ៍ទស្សនវិស័យអភិវឌ្ឍន៍អាស៊ី (ADO) ខែមេសា ឆ្នាំ ២០២៥ក៏ ប៉ាន់ប្រមាណថា ផលិត ផលក្នុងស្រុកសរុបនឹងកើនឡើង ៦,១% ក្នុងឆ្នាំ ២០២៥ និង ៦,២% ក្នុងឆ្នាំ ២០២៦ បន្ទាប់ពីបានកើនឡើង ៦,០% ក្នុងឆ្នាំ ២០២៤។ ប៉ុន្តែទស្សនវិស័យនេះអាចប្រឈមហានិភ័យអវិជ្ជមាននៃភាពមិនប្រាកដប្រជាជាសកលមានដូចជា គោលនយោបាយពាណិជ្ជកម្មនៅសហរដ្ឋអាមេរិក អស្ថិរភាពនៃវិស័យអចលនទ្រព្យរបស់ប្រទេសចិន និងភាពតានតឹងនៃភូមិសាស្ត្រនយោ បាយដែលប៉ះពាល់ដល់ខ្សែចង្វាក់ផ្គត់ផ្គង់។
សូមបញ្ជាក់ថាបើតាមការវាយតម្លៃរបស់អង្គសន្និបាតគណៈកម្មាធិការកណ្តាលលើកទី ៤៥ អាណត្តិទី ៥ របស់គណបក្សប្រជាជនកម្ពុជាវិញថាសេដ្ឋកិច្ចកម្ពុជា បានបង្ហាញភាពធន់ និងកំណើនប្រកបដោយស្ថិរភាព នៅឆ្នាំ ២០២៤ ដោយសម្រេចបាននូវអត្រាកំណើន ៦%។វឌ្ឍនភាពសេដ្ឋកិច្ចនេះ បាននាំឱ្យមានការកើនឡើងនៃផលិតផលក្នុងស្រុកសរុប (GDP) ជាមធ្យម ក្នុងមនុស្សម្នាក់ៗ កើនឡើងពី ២.៥២០ដុល្លារ ក្នុងឆ្នាំ ២០២៣ ដល់ប្រមាណ ២.៧១៣ដុល្លារ ក្នុងឆ្នាំ ២០២៤។
អតិផរណានៅតែមានកម្រិតទាបត្រឹមតែ ០,៨%ប៉ុណ្ណោះ ខណៈដែលអត្រាប្តូរប្រាក់រៀលមានស្ថិរភាពក្នុងរង្វង់ ៤.០៧១រៀល ក្នុងមួយដុល្លារអាម៉េរិក។ លើសពីនេះទៀត ទុនបម្រុងអន្តរជាតិបានកើនឡើងដល់ ២២,៥ពាន់លានដុល្លារ ដែលផ្តល់នូវការគ្របដណ្តប់គ្រប់គ្រាន់សម្រាប់រយៈពេលប្រហែល ៧ ខែនៃការនាំចូល។ ស្ថានភាពការងារក៏មានស្ថិរភាព ដែលរួមចំណែកលើកកម្ពស់ជីវភាពរស់នៅរបស់ប្រជាជនទូទាំងប្រទេស។ដោយផ្អែកលើមូលដ្ឋានការរីកចម្រើនក្នុងឆ្នាំ ២០២៤ ជាមួយនឹងការងើបឡើងវិញជាបណ្តើរៗនៃសេដ្ឋកិច្ចសកល សេដ្ឋកិច្ចកម្ពុជា ក្នុងឆ្នាំ ២០២៥ ត្រូវបានរំពឹងថា នឹងបន្តងើបក្នុងអត្រាកំណើន ៦,៣%។ ឆ្លងតាមការវិវឌ្ឍនេះ ឆ្លុះបញ្ចាំងថា សេដ្ឋកិច្ចជាតិកំពុងត្រឡប់មករកស្ថានភាពកំណើនដូចពេលមុនមានវិបត្តិជំងឺកូវីដ-១៩វិញ។
សម្រាប់ ប្រព័ន្ធគាំពារសង្គម និងការកែលម្អកម្លាំងពលកម្មរាជរដ្ឋាភិបាលកម្ពុជា បានបន្តអនុវត្ត «ក្របខណ្ឌគោលនយោបាយជាតិគាំពារសង្គម ២០១៦-២០២៥» ដែលរួមមានកម្មវិធីគោលនយោបាយអាទិភាពចំនួន ៦ សំដៅលើកកម្ពស់ជីវភាពរស់នៅ និងការពង្រឹងសុខុមាលភាព។ ក្របខណ្ឌនេះ បានពង្រីកការគ្របដណ្តប់លើប្រព័ន្ធការពារសង្គម ដែលឥឡូវនេះផ្តល់អត្ថប្រយោជន៍ដល់ប្រជាពលរដ្ឋជាង ៧លាននាក់ ដែលកើនឡើងជាងពីរដង បើធៀបកាលពីឆ្នាំ ២០១៧។
ប្រាក់បៀវត្សរបស់មន្ត្រីរាជការ កងកម្លាំងប្រដាប់ អាវុធ និវត្តជន និងអតីតយុទ្ធជនត្រូវបានដំឡើងមួយកម្រិតទៀត។ព្រមជាមួយនេះ ជីវភាពរបស់កម្មករនិយោជិត នៅតាមរោងចក្រ សហគ្រាស គ្រឹះស្ថាន ក៏បានលើកកម្ពស់ជាលំដាប់តាមរយៈការពង្រឹងលក្ខខណ្ឌការងារ ការពង្រឹងរបបសន្តិសុខសង្គម និងការដំឡើងប្រាក់ឈ្នួលអប្បបរមាដល់ ២០៨ដុល្លារ ក្នុងមួយខែ សម្រាប់ឆ្នាំ ២០២៥។ នេះបើបូកសរុបទាំងអត្ថប្រយោជន៍ផ្សេងៗទៀត កម្មករនិយោ ជិតអាចទទួលបានប្រាក់ឈ្នួលចន្លោះពី ២២៥ ដល់ ២៣៦ដុល្លារ យ៉ាងតិចក្នុង១ខែ។
• ស្ថិរភាពសេដ្ឋកិច្ច និងទស្សនវិស័យកំណើន៖អត្រាអតិផរណាទាប រូបិយប័ណ្ណមានស្ថិរភាព និងទុនបម្រុងអន្តរជាតិដ៏រឹងមាំ បញ្ជាក់ពីភាពធន់នៃសេដ្ឋកិច្ចរបស់កម្ពុជា។កត្តាទាំងនេះ រួមជាមួយនឹងគោលនយោបាយរបស់រារដ្ឋាភិបាលល្អ ផ្តល់នូវមូលដ្ឋានគ្រឹះដ៏រឹងមាំសម្រាប់កំណើនជាបន្តបន្ទាប់នៅឆ្នាំ ២០២៥ និងឈានទៅសម្រេចចក្ខុវិស័យរបស់រាជរដ្ឋាភិបាល ក្នុងការប្រែក្លាយកម្ពុជា ទៅជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងប្រទេសចំណូលខ្ពស់ នៅឆ្នាំ ២០៥០។ឡូវស្ថានភាពបានផ្លាស់ប្តូវិញហើយបើតាមការព្យាករ៍របស់ស្ថាបន័រូបីយ៍វត្ថុពិភពលោក៕
