សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាមត្រុវបានប្រកាសឲ្យប្រើប្រាស!
28-December-2025 / ផ្សេងៗ
ខេត្តព្រះសីហនុ៖នាព្រឹកថ្ងៃទី៥ ខែមេសា ឆ្នាំ២០២៥នេះ សម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃកន្ពុជាបានអញ្ជើញជាអធិបតីក្នុងពិធីប្រាកាសដាក់ឲ្យប្រប្រាស់ សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាម ខេត្តព្រះសីហនុ។
សម្តេចបវរធិបតី ហ៊ុន ម៉ាណែត ថ្លែងថា "ការសម្ពោធសមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារនិងហ្វឹកហ្វឺនកម្ពុជា ចិន-ផែរាម ធ្វើឡើងឡើងមុនប៉ុន្មានថ្ងៃ ដែលថ្ងៃខាងមុខនេះប្រធានាធិបតីចិន ស៊ី ជីនពីង អញ្ជើញមកទស្សនកិច្ចនៅកម្ពុជា"។
សម្តេចបវរធិបតី បានបញ្ជាក់ថា "ការសម្រេចជាស្ថាពរនូវការធ្វើទំនើបកម្មមូលដ្ឋានសមុទ្ររាម និងការកសាងមជ្ឈ- មណ្ឌលភស្តុភារ និងហ្វឹកហ្វឺនរួមគ្នា កម្ពុជា ចិន-ផែរាម មិនត្រឹមតែបានឆ្លុះបញ្ចាំងពីកិច្ចសហប្រតិបត្តិការប្រកបដោយផ្លែផ្ការវាងកងទ័ពនៃប្រទេសទាំងពីរ (កម្ពុជា-ចិន) ប៉ុណ្ណោះទេ គឺថែមទាំងជាការលើកកម្ពស់សមត្ថភាពការពារជាតិរបស់កម្ពុជា ក៏ដូចជា ការគិតគូរដល់ផលប្រយោជន៍ជាតិ, ធានាសន្តិសុខជាតិ, សុវត្ថិភាព និងសណ្តាប់ធ្នាប់សាធារណៈ ស្របតាមបាវចនានៃគោលដៅជាយុទ្ធសាស្ត្រលើវិស័យការពារជាតិរបស់ព្រះរាជាណាចក្រកម្ពុជា គឺ «សន្តិសុខ ការអភិវឌ្ឍ និង កិច្ចសហប្រតិបត្តិការអន្តរជាតិ» ។
ឯកឧត្តមនាយឧត្តមសេនីយ៍ ទៀ សីហា រដ្ឋមន្ត្រីក្រសួងការពារជាតិ បានឲ្យដឹងថា “នៅថ្ងៃទី២៣ ខែមេសា ឆ្នាំ២០១៩ រាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណ រដ្ឋប្រជាមានិតចិន បានចុះកិច្ចព្រមព្រៀង ស្តីពីកិច្ចសហប្រតិបត្តិការលើការកសាង និងប្រើប្រាស់ នូវមជ្ឈមណ្ឌល ភស្តុភារ និងហ្វឹកហ្វឺនរួមគ្នានៅផែរាម។ ក្រុមការងារបច្ចេកទេសប្រទេសទាំងពីរ បានសហការយកចិត្តទុកដាក់ ក្នុងការស្រាវជ្រាវ សិក្សាពីស្ថានភាពទីតាំងភូមិសាស្ត្រ ស្ថានភាពដី ទឹក បរិស្ថានជុំវិញ និងដំណើរការវាស់វែង កំណត់ទីតាំងប្លង់មេ ដើម្បីដំណើរការសាងសង់។ នៅថ្ងៃទី៨ ខែមិថុនា ឆ្នាំ២០២២ ក្រុមការងារទាំងពីរបានរៀបចំពិធីបញ្ចុះបឋមសិលាបើកការដ្ឋានសាងសង់រោងជាងជួសជុលនាវា “Drydock(អ៊ូ) Slipway (វៃ) ផែសំចត និងស្តារ ឃ្លង” ក្នុងមជ្ឈមណ្ឌលទំនើបកម្មមូលដ្ឋានសមុទ្ររាម ក្រោមអធិបតីភាពដ៏ខ្ពង់ខ្ពស់ សម្តេចពិជ័យ សេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ និងជាអតីតឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ”។
ឯកឧត្តមរដ្ឋមន្ត្រីក្រសួងការពារជាតិ បញ្ជាក់ថា “ ជាលទ្ធផល រហូតមកដល់ដើមឆ្នាំ២០២៥នេះ ភាគីមិត្តចិនបានសហការសាងសង់ផែ អគារ និងហេដ្ឋា រចនាសម្ព័ន្ធសម្រេចបានលទ្ធផល១០០% រួមមាន សំណង់ទីតាំងមូលដ្ឋានសមុទ្ររាម មានផ្ទៃដីទំហំ៥១៧,៥៩៨ម៉ែត្រការ៉េ បានសាងសង់សំណង់អគារថ្មី និងជួសជុលអគារចាស់ៗ ក្នុងនោះ សំណង់សាងសង់ថ្មី រួមមាន៖ ១.ផែលេខ១ មានប្រវែងសរុបចំនួន៦៥០ម៉ែត្រ ចែកចេញជា០២ផ្នែក “ផ្នែកទី១-គល់ផែ ប្រវែង៣០០ ម៉ែត្រ ទទឹង១២ម៉ែត្រ និង ផ្នែកទី២ តួផែ ប្រវែង៣៥០ម៉ែត្រ និងទទឹង៣០ម៉ែត្រ មានប៉ុស្តិ៍យាមចំនួន០២ និងផែ លេខ២ “ផែស្ងួត” មានប្រវែងបណ្តោយ២៧០ម៉ែត្រ ទទឹង២០ម៉ែត្រ។ ២.អ៊ូ៥,០០០តោន “Dry dock” និងរ៉ៃ ១,០០០តោន “Slip way”។
៣.អគារចំនួន០៨ខ្នង “អគារស្នាក់នៅ០៥ខ្នង និងអគារការិយាល័យ០៣ខ្នង, អគារទទួលភ្ញៀវ ៤៩ បន្ទប់” ទំហំ៣,១៦១ម៉ែត្រការ៉េ, អគារសាលប្រជុំ “ចំណុះ៥០០នាក់” និងបានបំពាក់សម្ភារៈតាមអគារនីមួយៗ”។
ឯកឧត្តមរដ្ឋមន្ត្រីក្រសួងការពារជាតិ បានថ្លែងឲ្យដឹងក្នុងពិធីនេះថា “ (កម្ពុជា)បានទទួលនាវា ចំនួន០៨គ្រឿង និងដុក៦០០តោន ០១គ្រឿង ក្នុងនោះ នាវាធុនP46C ចំនួន០៤ គ្រឿង, នាវាP20C ចំនួន០៣គ្រឿង, នាវាL50C ចំនួន០១គ្រឿង និងដុក៦០០តោន ០១គ្រឿង ដែលបានធ្វើ ការជួសជុលរួចពីប្រទេសចិន បានត្រឡប់ចូលមកមូលដ្ឋានសមុទ្ររាមវិញ។ បានរៀបចំពិធី ប្រគល់ទទួល ឯកសណ្ឋានសរុបទាំង៣៥មុខ ស្មើនឹង៨,៣៩៥កេស ដែលជាជំនួយរបស់សាធារណរដ្ឋប្រជាមានិតចិន។បានផ្លាស់ប្តូរអគារមួយចំនួនចេញទៅទីតាំងថ្មី និងបានសាងសង់កន្លែងជំនួសរួច រួមមាន អគារប្រចាំ ការល្បាតរួម, ទីបញ្ជាការជួរមុខ អគ្គលេខាធិការដ្ឋាននៃគណៈកម្មាធិការជាតិសន្តិសុខលម្អសមុទ្រ និងអង្គភាព ពិសេសប្រឆាំងភេវរកម្ម ដែលបានផ្លាស់ប្តូរទីតាំងទៅខាងក្រៅអង្គភាពមូលដ្ឋានសមុទ្ររាម”។
សំរាប់ការសាងសង់មជ្ឈមណ្ឌលហ្វឹកហ្វឺនពហុសាសន៍ ឯកឧត្តមរដ្ឋមន្ត្រីក្រសួងការពារជាតិ បានថ្លែងថា “មជ្ឈមណ្ឌលនេះមានទំហំ៥,៧៣ហិកតា ស្ថិតក្នុងមូលដ្ឋានសមុទ្ររាម សាងសង់ដោយបញ្ជាការដ្ឋានវិស្វកម្ម អគ្គបញ្ជាការដ្ឋាន បានចាប់ផ្តើមដំណើរការសាងសង់ នៅថ្ងៃទី២៥ ខែតុលា ឆ្នាំ២០២៤ និងបញ្ចប់ទាំងស្រុងនៅបំណាច់ខែមីនា ឆ្នាំ២០២៥កន្លងមកនេះ ក្នុងនោះសាងសង់ស្ថានីយ៍រាដា ចំណុចខ្ពស់ ចំនួន០២កន្លែង, របងក្លោងទ្វារខាងជើង, ផ្ទាំងអនុស្សាវរីយ៍, ការបំផ្ទុះថ្មក្រោមបាតសមុទ្រដើម្បីស្តារ ឃ្លង, សាងសង់ស្ថានីយ៍រ៉ាដា, របងពីគល់ផែទៅដល់អ៊ូ-រ៉ៃ ប្រវែង៦០០ម៉ែត្រ ដែលបានចាក់ធ្នឹមផុតពីដីកម្ពស់៣០ សង់ទីម៉ែត្រ និងរបង សំណាញ់ លួសបន្លា កម្ពស់២.២០ ម៉ែត្រ ដែលជាតំបន់ បច្ចេកទេសរបស់ មូលដ្ឋានសមុទ្ររាមកងទ័ពជើងទឹក និងក្លោងទ្វារខាងជើងជាក្លោងទ្វារ មជ្ឈមណ្ឌលភស្តុភារ និងហ្វឹកហ្វឺនរួមគ្នា កម្ពុជា-ចិន ផែរាម សម្រេចជាស្ថាពរ”។
ឯកឧត្តម ឧត្តមសេនីយ៍ឯក ចៅ ចុងហ្វេង (Cao Qingfeng )នាយរងសេនាធិការចំរុះ នៃសេនាធិការដ្ឋានគណៈកម្មធិការយោធាមជ្ឈិមចិន បានថ្លែងថា “ប្រទេសចិន និងកម្ពុជា ជាបងប្អូនល្អ ជាមិត្តល្អនឹងគ្នា ។ ក្រោមការចង្អុលបង្ហាញពីថ្នាក់ដឹកនាំប្រទេសទាំងពីរ បានធ្វើឲ្យសម្រេចសមិទ្ធផលជាច្រើន”៕
