វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 627 នាក់
ម្សិលមិញ 5378 នាក់
សរុប 14079920 នាក់
ភ្នំពេញ៖ លោកជំទាវ ជុង ធីម៉ាយ (Truong Thi Mai) សមាជិកការិយាល័យ លេខាមជ្ឈិមបក្ស និងជាប្រធាន គណចលនាមហាជន នៃគណៈកម្មាធិការមជ្ឈិមបក្សកុម្មុយនីស្ដវៀតណាមបានស្នើសុំសម្តេច អគ្គមហាពញាចក្រី ហេង សំរិន ប្រធានរដ្ឋសភាកម្ពុជា ជួយបន្តនិងគាំទ្រចំពោះអនិកជនវៀតណាមទាំងអស់ដែលកំពុងរស់នៅស្របច្បាប់ក្នុងប្រទេសកម្ពុជា ក៏ដូចជាជួយគាំពារ ដល់អ្នកវិនិយោគិនវៀតណាមដែលកំពុងបោះទុនវិនិយោគ និងប្រកបរបរទទួលទាននៅកម្ពុជាដោយស្របច្បាប់។
សំណើនេះបានធ្វើឡើងនៅវិមានរដ្ឋសភាជាតិនាព្រឹក ថ្ងៃទី២៦ ខែតុលា ឆ្នាំ២០១៨នេះក្នុងឱកាសចូលជួប សម្ដេចអគ្គមហាពញាចក្រី ហេង សំរិន ប្រធានរដ្ឋសភា ។នេះបើតាម ឯក ឧត្តម កែវ ពិសិដ្ឋ នាយកខុទ្ទកាល័យសម្តេចប្រធានរដ្ឋសភា មានប្រសាសន៍ឲ្យដឹង។
លោកជំទាវជុង ធីម៉ាយ បានឲ្យដឹងថា, ក្រុមហ៊ុនវៀតណាមនៅកម្ពុជា មានគម្រោងបោះទុនវិនិយោគចំនួន២០៦គម្រោងដែលមានទំហំទឹកប្រាក់ ប្រមាណជាង ៣.០០០លានដុល្លាអាមេរិក ។ការដោះដូរពាណិជ្ជកម្មនៃប្រទេស ងពីរ(កម្ពុជា -វៀតណាម) ក៏មានការរីកចម្រើន ខ្លាំងដែលទិសដៅនៃប្រទេសទាំងពីរជំរុញការដោះដូរពាណិជ្ជកម្មឲ្យ បាន ទំហំទឹកប្រាក់ ៥.០០០ លានដុល្លាអាមេរិកនៅពេល អនាគត។
សម្តេចអគ្គមហាពញាចក្រី ហេង សំរិន ប្រធានរដ្ឋសភាកម្ពុជា មានប្រសាសន៍លើកឡើងថា,ស្ថិតក្នុង ដំណាក់ កាលថ្មីនេះ កម្ពុជា-វៀតណាមបានបន្តសហការគ្នាដើម្បីកសាង និងអភិវឌ្ឍប្រទេសជាតិ ឲ្យកាន់ តែ រីកចម្រើនថែមទៀតលើកកម្ពស់ជីវភាព រស់នៅរបស់ប្រជាជនទាំងសងខាង។ ប្រទេសទាំងពីរបានខិតខំពង្រឹង កិច្ចសហប្រតិបត្តិការរវាងប្រទេសទាំងពីរ កម្ពុជា-វៀតណាម ឲ្យកាន់តែស្អិតល្មួត ស៊ីជម្រៅថែមទៀតលើគ្រប់វិស័យ។សម្តេចហេង សំរិន បញ្ជាក់ថា ទាំងនេះមិនគ្រាន់តែបាន ផ្តល់នូវវឌ្ឍនភាព វិបុលភាពសម្រាប់ប្រជា ជាតិទាំងសងខាងប៉ុណ្ណោះ ទេ ប៉ុន្តែបានរួម ចំណែកដល់ការថែរក្សាសុខសន្តិភាព ស្ថិរភាព និងការអភិវឌ្ឍទាំងក្នុងតំបន់ និងសកលលោកផងដែរ៕