ប្រធានាធិបតីត្រាំនិងអនុប្រធានាធិបតីទទួលជួបចរចារជាមួយហ្សេឡេនស្គីមុខអ្នកកាសែតគឺមានបំណងឲ្យបរាជ័យ!?
17-December-2025 / ព័ត៌មានអន្តរជាតិ
អាមេរិក៖នៅថ្ងៃទី០១មីនានេះទីភ្នាក់ងារពត៌មានបរទេសបានផ្សាយអោយដឹងថាជំនួបរវាងលោកប្រធានាធិបតីដូណាល់ ត្រាំ និងលោកអនុប្រធានាធិបតីអាមេរិច ជាមួយលោកហ្សេឡេនស្គីប្រធានាធិបតីអ៊ុយក្រែន នៅសេតវិមាននៅចំពោះមុខអ្នកសារពត៌មានបានក្លាយជាវេទិការឆ្លងឆ្លើយបង្កឲ្យផែនការចុះកិច្ចព្រមព្រៀងរុករករ៉ែជាមួយអាមេរិកត្រូវបានបរាជយ័។ទោះជាយ៉ាងណាបណ្តាប្រទេសនៅអ៉ឺរ៉ុបបានចេញមុខមកលើកទឹកចិត្តប្រទេសអ៊ុយក្រែន។
មូលហេតុដោយសាជំនួបចរចាបើចំហរដែលមិនដែលកើតមាននៅអាមរិកបានក្លាយជាឆាកជជែកតឹងសសៃកដាក់គ្នា នៅពេលលោកប្រធានាធិបតីត្រាំនិងលោកអនុប្រធានាធិបតីជេឌី វែនស៍និយាយរិះគន់ចំពោះហ្សេឡេនស្គី ថាជាមនុស្សគ្មានគុណធម៏និងគ្មានដឹងគុណចំពោះជំនួយរបស់សហរដ្ឋអាមេរិករយះពេល៣ឆ្នាំមកនេះ។តាមធម្មតាពិធីការក្នុងកិច្ចប្រជុំរវាងប្រធានាធិបតីនិងប្រធានាធិបតី អនុប្រធានាធិបតីគ្មានសិទ្ធិលូកមាត់ទេ។
លោកប្រធានាធិបតីត្រាំនៅបានជេរចង្អុលមុខ ហ្សេឡេនស្គីជាច្រើនទៀត ធ្វើអោយកិច្ចពិភាក្សានេះកាន់តែតឹងសសៃកដាក់គ្នាខ្លាំងឡើង ធ្វើអោយការចចារត្រូវបឹទបញ្ចប់ភ្លាម ។សហរដ្ឋអាមេរិចបានបណ្តេញលោកហ្សេឡេនស្គីនិងគណៈប្រតិភូអ៊ុយក្រែន ចេញពីសេតវិមានភ្លាមដែរ ដោយគ្មានបានចុះហត្ថលេខាលើស្អីទេ។លោកដូណាល់ ត្រាំ ចាប់ក្តៅ បន្ទាប់ពីលោកហ្សេឡេនស្គី បាននិយាយថា លោកពូទីនគឺជាឃាតករ សម្លាប់ជីវិតប្រជាជនអ៊ុយក្រែន តាមរយៈការធ្វើសង្គ្រាមឈ្លានពានទឹកដីអ៊ុយក្រែន។ លោកហ្សេឡេនស្គីបាននិយាយទៀតថា ត្រូវតែមានការប្រុងប្រយ័ត្នបំផុតជាមួយរុស្ស៊ី មិនអាចចេះតែចុះកិច្ចព្រមព្រៀងសន្តិភាពបានទេ ព្រោះមិនមែនលើកទីមួយទេ ដែលអ៊ុយក្រែនបានចុះកិច្ចព្រមព្រៀងជាមួយរុស្ស៊ី តែរុស្ស៊ីមានល្បិចនិងក្បត់ដដែល។ លោកហ្សេឡេនស្គី បន្តថាត្រូវតែមានលក្ខខណ្ឌរឹងមាំ ដើម្បីការពារសន្តិសុខនិងសន្តិភាពអ៊ុយក្រែន។
លោកអនុប្រធានាធិបតីអាមេរិក ចេឌី វែនស៍ បានលូកមាត់ ដោយបានស្តីបន្ទោសលើលោកហ្សេឡេស្គី ថាជាមនុស្សរមិលគុណ មិននិយាយអរគុណសហរដ្ឋអាមេរិកសូម្បីតែមួយម៉ាត់ ទាំងដែលលោកដូណាល់ ត្រាំ កំពុងតែខិតខំស្វែងរកដំណោះស្រាយការទូតដើម្បីបិទបញ្ចប់សង្គ្រាម។ លោកចេឌី វែនស៍ និយាយសង្កត់ទៀតថា អ៊ុយក្រែនគ្មានទាហានប្រយុទ្ធទេ ឈប់ប្រកែកមិនព្រមទទួលយកកិច្ចព្រមព្រៀង ដែលអាមេរិកស្នើដើម្បីបញ្ចប់សង្គ្រាមនេះទៀតទៅ?។លោកហ្សេឡេនស្គី បានព្យាយាមសួរទៅវិញ ថាលោក ចេឌី វែនស៍ ធ្លាប់បានទៅឃើញផ្ទាល់ភ្នែកនៅសមរភូមិអ៊ុយក្រែនហើយឬនៅ ទើបហ៊ានថាអ៊ុយក្រែនគ្មានទាហានប្រយុទ្ធ? លោកហ្សេឡេនស្គី ឆ្លើយទៀតថា លោកបានថ្លែងអរគុណសហរដ្ឋអាមេរិកច្រើនដងមកហើយ។
ក្នុងសម្តីគំហកខ្លាំងៗ លោកដូណាល់ ត្រាំវិញ បាននិយាយទៅលោកហ្សេឡេនស្គី ថាលោកឯងអស់សន្លឹកបៀរលេងហើយ នៅចង់បានអីទៀត ? លោកត្រាំ បន្តថា អ៊ុយក្រែនកំពុងតែចាញ់សង្គ្រាម កុំមកទាមទារខណ្ឌ ហើយចាត់ទុកថាសំណាងធំទៅ ដែលយើងជួយឲ្យមានកិច្ចព្រមព្រៀងនេះ។ លោកត្រាំបន្តស្តីបន្ទោសថែមទៀត ថាលោកហ្សេឡេនស្គីកំពុងតែលេងសើចជាមួយជីវិតប្រជាជនអ៊ុយក្រែន ហើយថាលោកហ្សេឡេនស្គី ជាអ្នកកំពុងតែនាំឲ្យមានសង្គ្រាមលោកលើកទី៣។
អត់ទ្រាំនឹងពាក្យចោទទាំងនេះមិនបាន លោកហ្សេឡេនស្គី បានព្យាយាមឆ្លើយកាត់ថា លោកមិនមែនកំពុងតែលេងបៀរលេងល្បែងអ្វីទេ លោកគឺជាប្រធានាធិបតីនៃប្រទេសមួយ ដែលកំពុងតែមានសង្គ្រាម ដែលកំពុងតែត្រូវគេឈ្លានពានយ៉ាងអយុត្តិធម៌។ លោកហ្សេឡេនស្គីឆ្លើយទៀតថា មិនមែនយើងមិនចង់បញ្ចប់សង្គ្រាមទេ តែយើងចង់បញ្ចប់ដោយមានលក្ខខណ្ឌធានា។លោកដូណាល់ ត្រាំ បានអះអាងថាលោកទុកចិត្តលោកពូទីន ព្រោះលោកពូទីនចង់បានកិច្ចព្រមព្រៀងនៅពេលនេះ។ ក្នុងទឹកមុខក្តៅក្រហល់ក្រហាយ លោកត្រាំបានប្រាប់ទៅលោកហ្សេឡេនស្គីថា ប្រសិនបើលោកឯងមិនចុះកិច្ចព្រមព្រៀងទេ នោះយើងនឹងបោះបង់អ៊ុយក្រែនចោល ឈប់ជួយហើយ! ព្រោះលោកឯងរមិលគុណ។
ក្រោយចប់ការឈ្លោះប្រកែកគ្នាតឹងសរសៃកនេះ លោកដូណាល់ ត្រាំ បានអញ្ជើញឲ្យហ្សេឡេនស្គី និងគណៈប្រតិភូអ៊ុយក្រែន ចាកចេញពីសេតវិមាន។ សន្និសីទកាសែតរបស់ប្រធានាធិបតីទាំង២ ដែលគ្រោងធ្វើក្រោយចប់ជំនួប ក៏ត្រូវលប់ចោល។ក្រោយមក លោកប្រធានាធិបតីត្រាំ បានសរសេរលើបណ្តាញសង្គមផ្ទាល់ខ្លួនថា«លោកហ្សេឡេនស្គី អាចវឹលត្រឡប់មកកាន់ចចារវិញបាន នៅពេលណាលោកយល់ស្របនឹងមកចចាររឿងសន្តិភាព»។ក្រោយមកប្រធានាធិបតីអាមេរិកក៏បានប្រាប់អ្នកកាសែតថា Zelensky កំពុង «លលេងជាមួយអាមេរិកហើយឲ្យអ៊ុយក្រែនគួរតែយល់ព្រមបញ្ចប់ការប្រយុទ្ធភ្លាមៗ»។
ចេញពីសេតវិមានបានបន្តិច លោកហ្សេឡេនស្គីបានបង្ហោះសារតាមបណ្តាញសង្គម អរគុណសហរដ្ឋអាមេរិកនិងអរគុណចំពោះទស្សនកិច្ចនេះ។ ប៉ុន្មានម៉ោងក្រោយមក លោកហ្សេឡេនស្គី បានផ្តល់បទសម្ភាសន៍មួយឲ្យទូរទស្សន៍ Fox News ដោយលោកអះអាងថា លោកគ្មានអ្វីត្រូវសុំទោសលោកដូណាល់ ត្រាំទេ ហើយលោកនៅតែមានជំនឿចិត្តថា ទំនាក់ទំនងរវាងលោកនិងលោកត្រាំ នឹងអាចផ្សះផ្សាឡើងវិញបាន។លោក ថា៖ «ខ្ញុំមិនប្រាកដថាយើងបានធ្វើអ្វីមួយអាក្រក់ទេ» ។ ទោះជាយ៉ាងណា លោកបាននិយាយថា លោកចង់ឲ្យការដោះដូរនេះមិនបានកើតឡើងនៅចំពោះមុខអ្នកកាសែតបែបនេះនោះទេ។
ជម្លោះរវាងប្រធានាធិបតីអាមេរិកនិងអ៊ុក្រែនបានធ្វើរុស្សីសើចចំអក។ប្រតិកម្មពីម៉ូស្គូវិញ អ្នកនាំពាក្យក្រសួងការបរទេសរុស្ស៊ី បានកោតសរសើលោកដូណាល់ ត្រាំ ដែលអាចធ្វើចិត្តត្រជាក់អត់ធ្មត់ចំពោះមុខ "ជនសំរាមដូចហ្សេឡេនស្គី"។ លោក ឌីមីទ្រី ម៉េដវ៉េដេវ វិញ បានបង្ហោះសារអបអរសាទរ ថាជាលើកទីមួយហើយ ដែលលោកដូណាល់ ត្រាំ បាននិយាយការពិត ចំពោះមុខ “តួត្លុកញៀនកូកាអ៊ីន”។លោក Dmitry Medvedev បាននិយាយថាលោក ហ្សេលេនស្គី ដែលត្រូវបានលោក ត្រាំ និងលោក JD Vance ចោទថាមិនបានផ្ដល់ការគោរពចំពោះ សហរដ្ឋអាមេរិក ហាក់ត្រូវបានគេទះមួយកំផ្លៀងយ៉ាងធ្ងន់។ ដោយឡែក អ្នកនាំពាក្យក្រសួងការបរទេសរុស្ស៉ី គឺលោកស្រី Maria Zakharova បាននិយាយថាវាជាពិតអស្ចារ្យណាស់ដែលលោក ត្រាំ និងលោក JD Vance អាចទប់កំហឹងមិនដាល់លោក ហ្សេលេនស្គី ក្នុងពេលឈ្លោះប្រកែកគ្នា ដែលត្រូវបានចាក់ផ្សាយនៅលើប្រព័ន្ធផ្សព្វផ្សាយនៅជុំវិញពិភពលោក។ អ្នកនាំពាក្យរូបនេះថែមទាំងបានចោទប្រកាន់លោក ហ្សេលេនស្គី ទៀតផងថា ជាមនុស្សរមិលគុណចំពោះអ្នកដែលបានជួយខ្លួន។
ទោះបីយ៉ាងណា ក្រោយការទាស់ទែងសម្ដីគ្នានៅសេតវិមានរវាងលោក ត្រាំ និងលោក ហ្សេលេនស្គី បណ្ដាមេដឹកនាំអឺរ៉ុបបានចេញមុខគាំទ្រមេដឹកនាំអ៊ុយក្រែនម្ដងម្នាក់ៗ ដោយនិយាយថាអ៊ុយក្រែនមិននៅឯកោតែម្នាក់ឯងនោះទេ។
ថ្នាក់ដឹកនាំអឺរ៉ុបបង្ហាញស្មារតីសាមគ្គីភាពជាមួយអ៊ុយក្រែន និងផ្ញើសារលើកទឹកចិត្តលោកប្រធានាធិបតី វ៉ូឡូឌីមៀរ ហ្សេឡេនស្គី ដោយបង្ហាញថា ប្រទេសអឺរ៉ុបនៅជាមួយអ៊ុយក្រែន និងគាំទ្រអ៊ុយក្រែនឥតងាករេ។ថ្នាក់ដឹកនាំសហភាពអឺរ៉ុបប្រកាសថា អ៊ុយក្រែនមិនឯកាឡើយ។ អ៊ុយក្រែនត្រូវតែខ្លាំង ក្លាហាន និងកុំភ័យខ្លាច។ សហភាពអឺរ៉ុបបន្តធ្វើកិច្ចការជាមួយភាគីពាក់ព័ន្ធដើម្បីនាំមកនូវសន្តិភាពជានិរន្តរ៍ និងយុត្តិធម៌សម្រាប់អ៊ុយក្រែន។ នេះបើតាមសេចក្តីប្រកាសព្រមៗគ្នារបស់ប្រធានគណៈកម្មការអឺរ៉ុប លោកស្រី អួរស៊ូឡា វ៉ុនឌែរ ឡេយែន និងប្រធានក្រុមប្រឹក្សាអឺរ៉ុប លោក អង់តូនីញ៉ូ កូស្តា។
ប្រធានាធិបតីបារាំង អេម៉ានុយអែល ម៉ាក្រុង បានថ្លែងពីប្រទេសព័រទុយហ្កាស ដោយពន្យល់ជាថ្មីថា រុស្ស៊ីជាអ្នកឈ្លានពានទឹកដីអ៊ុយក្រែន ហើយអ៊ុយក្រែនជាជនរងគ្រោះ។ លោក ម៉ាក្រុង សង្កត់ធ្ងន់ថា ពលរដ្ឋអ៊ុយក្រែនប្រយុទ្ធតាំងពីដើមដៃរហូតមក ដើម្បីការពារកិត្តិយស ការពារឯករាជ្យភាព ពលីកម្មដើម្បីកូនចៅ និងសន្តិសុខអឺរ៉ុប។អនាគតអធិការបតីអាល្លឺម៉ង់ លោក ហ្វ្រីដ្រិក មែក្ស បានផ្ញើសារត្រង់ចំពោះលោក ហ្សេឡេនស្គី ដោយបញ្ជាក់ថា អាល្លឺម៉ង់គាំទ្រអ៊ុយក្រែនគ្រប់កាលៈទេសៈ ទាំងក្នុងពេលសប្បាយរីកយ និងគ្រាទុក្ខលំបាក។ លោក ហ្វ្រីដ្រិក មែក្ស គូសបញ្ជាក់ទៀតថា គេមិនត្រូវច្រឡំសោះឡើយ រវាងអ្នកឈ្លានពានគេ និងជនរងគ្រោះ។ ជាមួយគ្នានេះ លោក អូឡាហ្វ ស្ហុលស៍ អធិការបតីអាល្លឺម៉ង់ដែលជិតផុតអាណត្តិ ឆ្លៀតបង្ហាញដែរថា គ្មាននរណាចង់បានសន្តិភាពជាងអ៊ុយក្រែន និងពលរដ្ឋអ៊ុយក្រែននោះឡើយ។ លោក អូឡាហ្វ ស្ហុលស៍ ក៏សូមឲ្យអ៊ុយក្រែនទុកចិត្តលើអាល្លឺម៉ង់និងសម្ព័ន្ធមិត្តអឺរ៉ុប។
ថ្នាក់ដឹកនាំប៉ូឡូញថា អ៊ុយក្រែនមិនកំព្រាឯកានោះឡើយ។ អេស្បាញ៉ថានៅជាមួយអ៊ុយក្រែនជានិច្ច។ ចំណែកអ៊ីតាលីវិញ លោកស្រីនាយករដ្ឋមន្ត្រី ចរចា មេឡូនី ចង់កោះឲ្យប្រជុំបន្ទាន់រវាងសម្ព័ន្ធមិត្តអ៊ុយក្រែនទាំងអស់ ទាំងអាមេរិក និងអឺរ៉ុប ដើម្បីឲ្យជជែកគ្នាជាថ្មីដោយត្រង់ទៅត្រង់មក។ហូឡង់ ស៊ុយអែត ដាណឺម៉ាក អៀរឡង់ ។ល។ ក៏បង្ហាញជំហរគាំទ្រ និងថានៅពីក្រោយអ៊ុយក្រែនជានិច្ច។ រីឯ ប្រទេសអំណាចធំៗ ក្រៅរង្វង់សហភាពអឺរ៉ុប ក៏បង្ហាញស្មារតីគាំទ្រអ៊ុយក្រែនដែរ។ ប្រទេសស្វីសថ្កោលទោសរុស្ស៊ីដែលបំពានអ៊ុយក្រែន និងអំពាវនាវឲ្យបង្កើនសន្តិភាពជានិរន្តរ៍។ នាឱកាសនេះ នាយករដ្ឋមន្ត្រីកាណាដា ហ្សូសស្តាំង ទ្រុយដូ សង្កត់ធ្ងន់ថាអ៊ុយក្រែនតស៊ូប្រយុទ្ធដើម្បីសិទ្ធិសេរីភាព ដែលសេរីភាពនេះ ក៏ជាតម្លៃរួមរបស់កាដាណាដែរ។ អូស្ត្រាលី និង នូវែលសេឡង់ ដែលជាសម្ព័ន្ធមិត្តរបស់ទីក្រុងវ៉ាស៊ីនតោន ប្រកាសសាមគ្គីភាពជាមួយអ៊ុយក្រែនដោយអាចមិនរង្គោះរង្គើសោះឡើយ។
នាយករដ្ឋមន្ត្រីអូស្ត្រាលី លោក អង់តូនី អាល់បានីស៊ី ថាប្រកៀកស្មាជាមួយអ៊ុយក្រែន និងបានថ្កោលទោសចរិតចក្រពត្តិនិយមរបស់លោក វ្ល៉ាឌីមៀរ ពូទីន។ដោយឡែក នាយករដ្ឋមន្ត្រីអង់គ្លេសគៀរ ស្តារមឺ បានធានាគាំទ្រក្រុងកៀវឥតងាករេ ហើយទីក្រុងឡុងដ៍ នឹងរៀបចំកិច្ចប្រជុំជាមួយថ្នាក់ដឹកនាំអឺរ៉ុប ដើម្បីពិភាក្សាសំណុំរឿងសង្គ្រាមអ៊ុយក្រែន និងសន្តិសុខអឺរ៉ុប នៅថ្ងៃអាទិត្យ ទី២ ខែមីនឆ្នាំ២០២៥ និងអញ្ជើញប្រមុខរដ្ឋអ៊ុយក្រែន លោក ហ្សេឡេនស្គី ឲ្យចូលរួមដែរ។
