តើលោក ហេង ប៊ុនលី មេជញ្ជីងថ្លឹងឡាន នៅផ្លូវ ជាតិលេខ ៥ ក្នុងអាណាចក្រ ខេត្តបាត់ដំបង មានសិទ្ធិអំណាចអ្វីហាមឃាត់រារាំងអ្នកកាសែត មិនអោយថតទីតាំងស្ថានីយ៍ជញ្ជីងថ្លឹងរថយន្ត ?
30-March-2025 / ព័ត៌មានជាតិ
ខេត្តបាត់ដំបង : ( វគ្គ១) នៅរសៀលថ្ងៃទី ១៩ ខែកុម្ភ: ឆ្នាំ ២០២៥ នេះ លោក ទឺ ពិទូ អ្នកយកព័ត៌មានរបស់អង្គភាព គេហទំព័រ មាតុភូមិ www.meatophoum.com បានចុះទៅយកព័ត៌មានក្នុងអាណាចក្រ ខេត្តបាត់ដំបង។ការចុះបេសកកម្មនេះ ដោយទទួលបានព័ត៌មានពីអ្នករកស៊ីដឹកជញ្ជូនទំនិញគ្រប់ប្រភេទតាមឡានធំៗឆ្លងកាត់ផ្លូវជាតិលេខ ៥ បានរអ៊ូរទាំថា : មន្ត្រីប្រចាំការនៅស្ថានីយ៍ជញ្ជីងថ្លឹងរថយន្ត ភូមិពុកឆ្មា ឃុំអន្លង់វិល ស្រុកសង្កែ ខេត្តបាត់ដំបង សព្វថ្ងៃ បបានយកទីស្នាក់ការជញ្ចីងថ្ថ្លឹងឡានធ្វើសកម្មភាពប្រព្រឹត្តអំពើពុករលួយមានលក្ខណ:ជាប្រព័ន្ធ បែងចែកលាភសក្ការ:គ្នាតាមឋានានុក្រម នៃរចនា សម្ព័ន្ធមន្ត្រីនៅក្នុងអង្គភាពតាំងពីថ្នាក់ក្រោម ដល់ថ្នាក់លើ សម្ងំសោយសុខស្រួលមិនខ្វល់ពីការថ្នាំងថ្នាក់ចិត្ត បង្កការ ក្តៅក្រហាយពីប្រជាពលរដ្ឋរកទទួលទានតាមផ្លូវជាតិលេខ ៥ សោះឡើយ ។
ម្ចាស់រថយន្តយីឌុប១គ្រឿងដឹកស្រូវពេញឡានបានប្រាប់អ្នកយកព័ត៌មានយើងថា គាត់រកស៊ីដឹក ជញ្ជូនស្រូវតាមផ្លូវជាតិលេខ ៥ នេះ សឹងរាល់ថ្ងៃ គឺត្រូវតែបង់ លុយអោយទៅពួកមន្ត្រីកាន់ជញ្ជីងថ្លឹងឡានដែលគេដឹងថា : មានឈ្មោះ ហេង ប៊ុនលី ជាមេគ្រប់គ្រងស្ថានីយ៍ ថ្លឹងរថយន្ត នៅចំណុចទីតាំងខាងលើក្នុង០១ឡាន ពី០៦ម៉ឺន រៀល ទៅ ០៧ម៉ឺនរៀល ទោះជាការដឹកទំនិញមិនលើសទម្ងន់ក៏ដោយ។មន្ត្រីនៅក្នុងស្ថានីយ៍ជញ្ជីងថ្លឹងរថយន្តនៅទីនោះតែង សុំលុយថ្លៃបាយ ទឹក និងកាហ្វេជានិច្ច។ ករណីបែបនេះបានក្លាយទៅ ជជាទម្លាប់ជាអចិន្ត្រៃយ៍ហើយៗក្នុងមួយថ្ងៃៗ គេឃើញមានឡានដឹកទំនិញរាប់សិបគ្រឿងឯណោះ ដូច្នេះតើលុយដែលក្រុមមន្ត្រីក្រោមឱវាទលោក ហេង ប៊ុនលី ប្រមូលបានមានចំនួនប៉ុន្មានលាន រៀល ។ ហើយលុយទាំងនេះបែងចែកភាគលាភអោយទៅថ្នាក់ដឹកនាំណាខ្លះ ? ទើបអាចឈរជើងគ្រប់គ្រងជញ្ជីងថ្លឹងលុយ (អះ! ច្រឡំមាត់ទេ ទាន! ) ជញ្ជីងថ្លឹងឡាន នៅចំណុចខាងលើនេះបានយ៉ាងស្ងៀមស្ងាត់ដោយរលូន ? ។
ប៉ុន្តែនៅពេលអ្នកយកព័ត៌មានយើងទៅដល់បានថតយកទីតាំងជញ្ជីងថ្លឹងឡានពីចម្ងាយនៅ លើដងផ្លូវសាធារណ:សោះ ស្រាប់តែមានមន្ត្រីប្រចាំការនៅ ក្នុងស្នាក់ការជញ្ជីងថ្លឹងឡាន បានចេញមករារាំង ហាមឃាត់ មិនអោយថតដោយប្រើកាយ វិការសំដីសំឡុតគំរាមកំហែង សួរកកាត រកលិខិតបេសកកម្ម ហើយថែម ទាំងចង់ចាប់ឃាត់ខ្លួនអ្នកកាសែត ទាមទារអោយលុបរូបភាពចេញអោយអស់ ដោយមិនស្តាប់ការបកស្រាយពន្យល់ ពីហេតុផល នៃសិទ្ធិសេរីភាពរបស់អ្នកកាសែតទេ។ ការថតរូបភាព ឬផ្សាយ Live លើផ្លូវសាធារណ: អំពីស្ថានីយ៍ជញ្ជីងថ្លឹងឡាននេះសម្រាប់អ្នកសារពត៍មានវា មិនមានអ្វីខុសច្បាប់ទេវាមិនមែនជាតំបន់សន្តិសុខយោធាឯណា គឺជារបស់រដ្ឋ មិនមែនជាកម្មសិទ្ធិផ្តាច់មុខរបស់បុគ្គលណាម្នាក់ទេ ម៉េចបានមករារាំង ហាមឃាត់អ្នកកាសែត មិនអោយថត ? ។ តែទោះ បីមានការជជែកវែកញែកតឹងសរសៃកដាក់គ្នារវាងអ្នកកាសែតមាតុភូមិ គឺលោក ទឺ ពិទូ និងមន្ត្រីនៅទីស្នាក់ការជញ្ជីងថ្លឹងរថយន្តនេះយ៉ាងណា ក៏ដោយ ក៏ពុំកើតមានអំពើហិង្សាទេក្រោយ ពីបានលប់រូបភាពរួច មន្ត្រីរូបនោះបានប្រគល់កាតកាសែតដែលគេដកយកទៅថតចម្លងទុកហើយអោយមកវិញ ។
ជុំវិញករណីនេះ លោក ព្រួញ រដ្ឋា ប្រធានមន្ទីរសាធារណការ និងដឹកជញ្ជូនខេត្តបាត់ដំបង បានឆ្លើយប្រាប់និពន្ធនាយកគេហទំព័រ មាតុភូមិ តាមទូរស័ព្ទ នៅល្ងាចថ្ងៃទី ១៩ ខែកុម្ភ: ឆ្នាំ ២០២៥ថា : លោកកំពុងជាប់ រវល់ប្រជុំរួចចុចបិទទូរស័ព្ទ ។ ចំណែកឯលោក ហេង ប៊ុនលី ប្រធានស្ថានីយ៍ជញ្ជីងថ្លឹងរថយន្ត បានបញ្ជាក់ប្រាប់តាមទូរស័ព្ទថា: បើលួចថត គេមិនអោយថតទេ បើបងអ្នកកាសែត មានកាតត្រឹមត្រូវ ថតពីក្រៅ គេ អញ្ជើញអោយចូលថតខាងក្នុង ចៀសវាងថតពីខាងក្រៅ យកទៅបំប៉ោងព័ត៌មាន យកទៅចុះផ្សាយបំភ្លៃព័ត៌មានការពិតតាពីស តាពាសនាំអោយប៉ះពាល់ការងារនៅកន្លែងខ្ញុំ ( ហេង ប៊ុនលី ) ។ តែលោក ហេង ប៊ុនលី បានបញ្ជាក់ថា : កន្លងមកធ្លាប់មានបទពិសោធន៍ជាច្រើនព័ត៌មាន មានទំនាស់គ្នាជាច្រើន រហូតនាំអោយរឿងក្តីក្តាំង ជាច្រើនឡើងដល់តុលាការ អញ្ចឹងអ្វីដែល អ្នកកាសែតចង់ដឹង ចង់បានព័ត៌មានពិតប្រាកដច្បាស់ លាស់ អ្វីដែលត្រូវបំភ្លឺ ត្រូវចូល មើលខាងក្នុងទៀត តើគេធ្វើអ្វីយ៉ាងម៉េច អាហ្នឹងបំភ្លឺជូន តែបើអោយគាត់( ប៊ុនលី ) ទៅបំភ្លឺនៅខាងក្រៅអត់បំភ្លឺទេ។
តែលោក ហេង ប៊ុនលី ថា:សហការជានិច្ចជាមួយអ្នកកាសែត ។ ទោះជា យ៉ាងណាក៏មហាជនមានចម្ងល់ ថា: តើហេតុអ្វីបានជាក្រុមមន្ត្រី នៅតាមទីស្នាក់ការជញ្ជីងថ្លឹងឡានតាមផ្លូវថ្នល់សាធារណ: គ្រប់ទីតាំងទាំងអស់ ភ័យខ្លាច អ្នកសារព័ត៌មានថតរូបពីសកម្មភាពធ្វើការងាររបស់ពួកគេ ? ។ តើមានអ្វីជាអាថ៌កំបាំង ? វគ្គក្រោយ គេហទំព័រ មាតុភូមិ នឹងផ្សាយលំអិតអំពីការឃុបឃិតគ្នាប្រព្រឹត្តអំពើពុករលួយមានលក្ខណ:ជាប្រព័ន្ធ របស់លោក ហេង ប៊ុនលី ប្រធានស្ថានីយ៍ ជញ្ជីងថ្លឹងរថយន្តនៅខេត្តបាត់ដំបង ប្រមូលលាភសក្ការ:បែងចែកផលប្រយោជន៍គ្នាតាមឋានានុក្រម របៀបទន្សោងគោព្រៃជាបន្តទៀត ៕ រាយការណ៍ព័ត៌មានដោយលោក ទឺ ពិទូ
.jpg&h=97&w=146)
.jpg&h=97&w=146)
