វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3662 នាក់
ម្សិលមិញ 2944 នាក់
សរុប 17097540 នាក់
ភ្នំពេញ៖ខ្មាន់កាំភ្លើងជាជនជាតិចិនសរុប៣ខ្មែរម្នាក់ ត្រូវបានសមត្ថកិច្ចចាប់ខ្លួន នៅល្ងាចថ្ងៃទី១៤ ខែកុម្ភៈ ឆ្នាំ២០២៥។នេះបើតាម លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញឲ្យដឹង។ ខ្មាន់កាំភ្លើង និងបក្ខពួកសរុប ចំនួន៤នាក់ (ខ្មែរម្នាក់ជាអ្នកបើកឡាន) ដែលត្រូវបានសមត្ថកិច្ចចាប់ខ្លួន ក្នុងនោះចាប់ខ្លួននៅចំណុចភូមិកូនដំរី សង្កាត់និម្មិត ក្រុងប៉ោយប៉ែត ខេត្តបន្ទាយមានជ័យ ចំនួន៣នាក់ ដកហូតរថយន្ដមួយគ្រឿង ដោយសហការជាមួយកម្លាំងស្នងការដ្ឋាននគរបាលខេត្តបន្ទាយមានជ័យ និងនៅរាជធានីភ្នំពេញ ចាប់ខ្លួនបានម្នាក់។កម្លាំងអាវុធហត្ថរាជធានីភ្នំពេញ ក៏បានដកហូតឡានមែសឺដែសពណ៌ខ្មៅមួយគ្រឿងរបស់ជនល្មើសផងដែរ នៅបុរីហាយលែន ភូមិថ្មី សង្កាត់គោកឃ្លាង ខណ្ឌសែនសុខ។
សូមជម្រាបថា ខ្មាន់កាំភ្លើងជនជាតិចិនមួយក្រុម ប្រដាប់ដោយអាវុធវែង AK បានធ្វើសកម្មភាពបាញ់ចំនួន៣គ្រាប់ នៅអគារមជ្ឈមណ្ឌលរតនៈសម្បត្តិ ដែលមានទីតាំងទល់មុខអាកាសយានដ្ឋានអន្ដរជាតិភ្នំពេញ ស្ថិតក្នុងសង្កាត់កាកាប១ ខណ្ឌពោធិ៍សែនជ័យ នារសៀលថ្ងៃទី១៤ ខែកុម្ភៈ ឆ្នាំ២០២៥។សេចក្ដីរាយការណ៍ បានឲ្យដឹងថា នៅពេលព្រឹកជនជាតិចិន២ក្រុមនោះ បានចូលទៅផឹកស៊ីច្រៀងខារ៉ាអូខេនៅក្នុងទីតាំងខាងលើ ហើយក៏មានទំនាស់គ្នាចំនួន៣លើក។ ក្នុងនោះទំនាស់លើកទី១ និងលើកទី២ បានដេញវាយកាប់ចាក់គ្នាម្ដងហើយម្ដងទៀត ប៉ុន្តែមិនបានបណ្ដាលឲ្យមានអ្នករងរបួសនោះទេ ហើយក៏ស្ងប់ស្ងាត់ទៅវិញ តែពួកគេមិនបានឈប់ផឹកស៊ីនោះទេ គឺនៅបន្តផឹកស៊ីបន្តទៀត។
រហូតដល់វេលាម៉ោង១២ថ្ងៃត្រង់ថ្ងៃដដែល បានកើតមានរឿងទំនាស់គ្នាជាលើកទី៣បន្តទៀត ស្រាប់តែពេលនេះលែងប្រើកាំបិតដេញកាប់ចាក់គ្នាដូចមុនទៀតហើយ គេបានឃើញភាគីម្ខាងមានគ្នា៣នាក់រត់សំដៅទៅបើកទ្វាររថយន្តទាញយកអាវុធវែង២ដើម និងអាវុធខ្លី១ដើម រត់ទៅបាញ់សម្លាប់គូទំនាស់ ប៉ុន្តែទំនងគូទំនាស់ដឹងខ្លួនមុន បាននាំគ្នារត់គេចចេញបាត់អស់។ ពេលនោះជនសង្ស័យទាំង៣នាក់ទៅរកអត់ឃើញ ក៏បានបាញ់ឡើងលើ១គ្រាប់ជាការបញ្ចេញកំហឹង រួចទើបរើសសំបកកាទូស្សដាក់ក្នុងរថយន្ត និងជិះគេចខ្លួនបាត់អស់តែម្ដង។ ក្នុងហេតុការណ៍បាញ់ដោយខ្មាន់កាំភ្លើងជនជាតិចិននេះ មិនបណ្ដាលឲ្យមានមនុស្សណាម្នាក់រងគ្រោះថ្នាក់នោះទេ។
ករណីយ៍នេះលោក វ៉ាង វិនប៊ីន (Wang Wenbin) ឯកអគ្គរដ្ឋទូតចិនប្រចាំប្រទេសកម្ពុជា បានបង្ហោះសារថ្កោលទោសចំពោះហេតុការណ៍បាញ់ប្រហារដែលបង្កដោយជនជាតិចិន នៅក្បែរអាកាសយានដ្ឋានអន្ដរជាតិភ្នំពេញ ស្ថិតក្នុងសង្កាត់កាកាប១ ខណ្ឌពោធិ៍សែនជ័យ នារសៀលថ្ងៃទី១៤ ខែកុម្ភៈ ឆ្នាំ២០២៥នេះផងដែរ។ទោះបីយ៉ាងណាជនមជាតិខ្មែរម្នាក់ដែលជួលឡានដឹកចិន ជនជាតិខ្មែរ សង្ឃឹមថានឹងត្រូវបានដោះលែងឲ្យត្រឡប់ទៅវិញ រហូតមកដល់ពេលនេះ ។
តាមលោកជួនណារិន្ទបានប្រាប់កាសែតថា៖ក្នុងចំណោម៤នាក់ដែលត្រូវចាប់ខ្លួននេះ មានបុរសជនជាតិខ្មែរម្នាក់ ដែលជាអ្នកជួលឡានដឹកជនជាតិចិនទាំងនេះ ពីភ្នំពេញ ទៅដល់បន្ទាយមានជ័យ គោលបំណងប្រហែលចង់ចេញទៅថៃ និងអាចលាក់ខ្លួននៅតាមកាស៊ីណូ ក្រុងប៉ោយប៉ែត។បើសិនក្រោយការសូរនាំ, អ្នកជួលឡានដឹកចិន ជនជាតិខ្មែរ មិនជាប់ពាក់ព័ន្ធទេ ពោលគ្រាន់តែរកស៊ីដឹកភ្ញៀវ សង្ឃឹមថានឹងត្រូវបានដោះលែងឲ្យត្រឡប់ទៅវិញ។ រហូតមកដល់ពេលនេះ ជនជាតិចិន៤នាក់ ត្រូវបានចាប់ខ្លួន ជាមួយនឹងការដកហូតឡាន និងកាំភ្លើង AK មួយដើមផងដែ ៕