វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3393 នាក់
ម្សិលមិញ 10264 នាក់
សរុប 14142575 នាក់
ភ្នំពេញ៖ មន្ត្រីនគរបាលនៅសង្កាត់ស្រះចក ខណ្ឌដូនពេញ ម្នាក់ដែលបាញ់សម្លាប់បុរសជាងកាត់សក់ម្នាក់នៅខណ្ឌទួលគោក រាជធានីភ្នំពេញកាលពីថ្ងៃទី២៦ខែកញ្ញា ឆ្នាំ២០២០នោះមកដលខែសីហាឆ្នាំ២០២០១មានឈ្មោះជាប់គុកហើយតែមនុស្សនៅក្រៅឃុំនៅឡើយខុសពីមុខញ្ញាបទល្មើសព្រហ្មទណ្ឌដទៃខ្លះទៀតសមត្កិច្ចតាមប្រមាញ់រហូតចូលព្រៃ។
ដោយមិនសង្ឃឹមលើសមត្តកិច្ចក្នុងការតាមចាប់ខ្លួនជនជាប់ចោទសាលាដំបូងរាជធានីភ្នំពេញក៏បានកាត់ក្តីកំបាំងមុខនិងប្រកាសសាលក្រមចុះថ្ងៃទី៥សីហាឆ្នាំ២០២០២១ដែលកាសែតទើបទទួលក្នុងខែកញ្ញាបានសម្រេចដាក់ពន្ធធនាគាររយៈពេល១៣ឆ្នាំនិងឲ្យសងលុយ(ខ្យល់)ទៅជនរងគ្រោះចំនួន«១៥ម៉ឺនដុល្លារ» ។គេមិនដឹងថាតើទណ្ឌឹតរូបនេះមានបន្សល់របស់មានតម្លៃអ្វីដែលអាចរឹបអូសមកសងជនរងគ្រោះបាននោះទេ?។រឿងនេះបើតាមអ្នកនាំពាក្យនៃស្នងការដ្ឋាននគរបាលរាជធានីភ្នំពេញបាននិយាយតាមភាសារកាទូតថា ករណីនេះគឺសមត្ថកិច្ចនៅតែបន្តការស្រាវរហូតដោយពុំមានការបោះបង់នោះទេដែលក្នុងពេលដែលបទល្មើសកើតថ្មីៗសមត្តកិច្ចមិនព្រមចាប់ខ្លួនជនបង្កនោះឡើយ។
សូមរំលឹកថា៖ ករណីជនសង្ស័យបាញ់សម្លាប់ជាងកាត់សក់នៅជិតសាលារៀនទួលគោក កាលពីយប់ថ្ងៃទី២៦ ខែកញ្ញា ឆ្នាំ២០២០ ជនសង្ស័យរូបនេះ ជាមន្ត្រីនគរបាលប៉ុស្តិ៍ស្រះចក ខណ្ឌដូនពេញ នៃស្នងការដ្ឋាននគរបាលរាជធានីភ្នំពេញ។ជនសង្ស័យដែលក្លាយជាទណ្ឌឹតរូបនេះ មានឈ្មោះ លី ថារិយ អាយុ៣០ឆ្នាំមានអតីតភាពជាមន្ត្រីនគរបាលខណ្ឌដូនពេញ។ ក្រោយមក ក៏ត្រូវបានដកមកបញ្ឈរជើងនៅស្នងការដ្ឋាននគរបាលរាជធានីភ្នំពេញវិញ។
សូមបញ្ជាក់ថា នៅថ្ងៃកើតហេតុម៉ោងជាង១០យប់ថ្ងៃទី២៦ ខែកញ្ញា ឆ្នាំ២០២០ ជនរងគ្រោះជាជាងកាត់សក់ ត្រូវបានទណ្ឌឹត(អ្នកជិតខាង)បាញ់មួយគ្រាប់ បណ្តាលឱ្យស្លាប់ភ្លាមៗ នៅមុខផ្ទះរបស់ខ្លួន ស្ថិតនៅចំហៀងសាលារៀនទួលគោក ក្នុងសង្កាត់បឹងកក់ទី២ ខណ្ឌទួលគោកពេលកំពុងអង្គុយផឹកស៊ីជាមួយមិត្តភក្តិនៅមុខផ្ទះ។ រហូតដល់ម៉ោងជាង១០យប់ក៏រៀបចំនឹងចូលផ្ទះស្រាប់តែឮសំឡេងប្រតាយប្រតប់ឈ្លោះគ្នាជាមួយនឹងបុរសម្នាក់ដែលស្គាល់ថាជាអ្នកជិតខាង។
បន្ទាប់ពីបាញ់ប្រហារហើយ ជនដៃដល់បានរត់គេចខ្លួនបាត់ស្រមោលបើទោះបីជាសមត្តកិច្ចដឹងនិងស្គាល់ជនដៃដល់ក៏ដោយ។គេមិនទាន់ដឹងពីមូលហេតុនាំឱ្យមានការបាញ់សម្លាប់នេះនៅឡើយ។ជនរងគ្រោះមានឈ្មោះ សុខ សុកេន អាយុជាង ៣០ឆ្នាំ មានមុខរបរកាត់សក់។ ការស្លាប់របស់ជនរងគ្រោះ បន្សល់កូនស្រី៤នាក់នៅតូចៗនៅឡើយឱ្យរស់កំព្រាបង្អែកជីវិតរបស់ពួកគេ។ កូនស្រីទី១ អាយុ១១ឆ្នាំ, កូនស្រីទី២ អាយុ ៩ឆ្នាំ, កូនស្រីទី៣ អាយុ៥ឆ្នាំ, កូនស្រីទី៤ អាយុ១ឆ្នាំ។
នៅកន្លែងកើតហេតុមានការសង្វេគចិត្តជាខ្លាំង។ ភរិយា និងកូនៗ ព្រមទាំងឪពុកម្តាយ បងប្អូនសាច់ញាតិជនរងគ្រោះ បានយំសោកបោកខ្លួនស្តាយស្រណោះជនរងគ្រោះ។អ្នកនៅកន្លែងកើតហេតុបានកើតការស្លុតចិត្តអាណិតក្រុមគ្រួសារជនរងគ្រោះ ជាពិសេសកូនៗជនរងគ្រោះដែលនៅតូចៗនៅឡើយ មិនត្រូវមានវាសនាយ៉ាងណាទៅថ្ងៃមុខបើឪពុកជាបង្អែកដ៏ធំក្នុងគ្រួសារបានស្លាប់ចោលពួកគេទៅហើយ។