រឿងព្រុំដែននៅត្បូងឃ្មុំនាយករដ្ឋមន្ត្រីបញ្ជារឲ្យប្រធានអាជ្ញាធរជាតិទទួលបន្ទុកលើកិច្ចការព្រំដែន ចុះទៅជួបប្រជាពលរដ្ឋ!
ភ្នំពេញ៖នៅថ្ងៃទី២៥ ខែសីហា ឆ្នាំ២០២០នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាទៅ លោកទេសរដ្ឋមន្ត្រី វ៉ា គឹមហុង ប្រធានអាជ្ញាធរជាតិទទួលបន្ទុកលើកិច្ចការព្រំដែន ឱ្យចុះទៅជួបប្រជាពលរដ្ឋមួយចំនួន ដែលអះអាងថា បាត់ដីនៅខេត្តត្បូងឃ្មុំនិងឲ្យរដ្ឋមន្ត្រីទីស្តីការគណៈរដ្ឋមន្ត្រីបើធ្វើសិក្ខាសាលាពន្យល់ផងដែរ។
បទបញ្ជារបស់ សម្តេចតេជោ ហ៊ុន សែន បានធ្វើឡើងនៅក្នុងកិច្ចប្រជុំរបស់ឧត្តមក្រុមប្រឹក្សាពិគ្រោះ និងផ្តល់យោបល់ ដើម្បីបូកសរុបការងារឆមាសទី៤ ដែលធ្វើឡើងនៅវិមានសន្តិភាព នាព្រឹកថ្ងៃទី២៥ ខែសីហា ឆ្នាំ២០២០នេះ។លោក ពេជ្រ ស្រស់ ប្រធានគណបក្សយុវជនកម្ពុជា និងជាសមាជិកឧត្តមក្រុមប្រឹក្សាពិគ្រោះ និងផ្តល់យោបល់ បានអះអាងនៅលើ Facebook របស់លោកយ៉ាងដូច្នេះថា៖ «សម្តេចតេជោបានបញ្ជាឲ្យឯកឧត្តម វ៉ា គឹមហុង ចុះទៅជួបពលរដ្ឋ ដែលអះអាងថា បាត់ដីនៅខេត្តត្បូងឃ្មុំ ក្រោយបោះបង្គោលព្រំដែន តបតាមសំណួររបស់ខ្ញុំ ដែលបានសួរទៅកាន់នាយករដ្ឋមន្ត្រី»។
ទាក់ទងនិងរឿងព្រុំដែននេះដែរប្រធានលេខាធិការដ្ឋានឧត្តមក្រុមប្រឹក្សាពិគ្រោះ និងផ្តល់យោបល់លោក ឈឹម ផលវរុណ បានឱ្យដឹងក្នុងសន្និសីទបង្ហាញលទ្ធផលកិច្ចប្រជុំ ថា រឿងឈឺឆ្អាល និងការព្រួយបារម្ភ រហូតចុះទៅមើលព្រំដែន គឺជារឿងល្អ ប៉ុន្តែរឿងដែលមិនល្អ ដែលមិនអាចអត់អោយបាននោះ គឺការបំភ្លៃការមួលបង្កាច់និងការញុះញង់ឱ្យមានការផ្តួលរំលំរាជរដ្ឋាភិបាល។
លោក ឈឹម ផលវរុណឱ្យដឹងថា សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាឱ្យលោក វ៉ា គឹមហុង ប្រធានគណៈកម្មាធិការព្រំដែន ចុះជួបប្រជាពលរដ្ឋដែលបានអះអាងថាបាត់បង់ដីទៅវៀតណាម ដើម្បីស្វែងរកការពិត តើគាត់បាត់ដីពិតមែន ឬចាញ់បោកតាមការញុះញង់របស់ក្រុមប្រឆាំង ព្រោះប្រជាពលរដ្ឋរស់នៅជាប់តាមព្រំដែនភាគច្រើនគឺបោះឆ្នោតឱ្យគណបក្សប្រជាជនកម្ពុជា។«ការមួលបង្កាច់ និងការបំភ្លៃខុសពីការពិតជុំវិញប្រធានបទព្រំដែន មិនមែនជាសេរីភាពក្នុងការបញ្ចេញមិតិក្នុងសង្គមប្រជាធិបតេយ្យទេ គឺជាបទល្មើសជាក់ស្តែង ដែលរាជរដ្ឋាភិបាលអនុវត្តតាមច្បាប់ ដើម្បីទប់ស្កាត់កុំឱ្យមានជំលោះជាតិនិយមរវាងប្រទេសនិងប្រទេស»។
លោកថា ប្រសិនបើប្រជាពលរដ្ឋមានមន្ទិលអាចធ្វើលិខិតស្នើសុំទៅគណៈកម្មាធិការព្រំដែន ធ្វើការបកស្រាយដោយមានការយោគយល់គ្នា។
រឿងបញ្ហាដោះដូដី អ្នកដែលមួលបង្កាច់ អះអាងថាដោះដូគឺក្បត់ជាតិ។បើតាមលោកឈឹម ផលវរុណ ការដោះដូមិនមែនធ្វើតែពេលនេះទេ នៅប្រទេសផ្សេងក៏មានករណីនេះដែរ សម្រាប់កម្ពុជាផែនទីបោន គឺនៅលើក្រដាស់ ប៉ុន្តែការស់នៅជាក់ស្តែងរបស់ប្រជាពលរដ្ឋ ទាំងសងខាងមិនដូចនៅលើក្រដាស់ រស់នៅយូឆ្នាំហើយ ហើយក៏គ្មានការទាមទា ដល់ពេលមកកំណត់ព្រំដែន ធ្វើឱ្យភាពជាក់ស្តែង និងនៅលើក្រដាសមានភាពខុសគ្នា មិនមែនដូចការមួលបង្កាច់ទេ។ ការដោះដូគឺកម្ពុជាបានពីវៀតណាម ប្រមាណ ២ពាន់ហិចតា ដែលវៀតណាមកាន់កាប់ដីខ្មែរយូរហើយ។លោក ឈឹម ផលវរុណថា សម្តេចតេជោ ផ្តល់ឱកាសឱ្យប្រជាពលរដ្ឋដែលបាត់ដី មកជួបគណៈកម្មាធិការព្រំដែន ដើម្បីបង្ហាញភាពជាក់ស្តែង។
កាលពីពេលថ្មីៗនេះ ត្រូវបានអ្នកគាំទ្រអតីតក្រុមប្រឆាំង លោក រ៉ុង ឈុន និង លោក សួង សុភ័ណ្ឌ ចុះទៅពិនិត្យ។ ទាំងលោក រ៉ុង ឈុន និង លោក សួង សុភ័ណ្ឌ សុទ្ធតែត្រូវបានសមត្ថកិច្ចចាប់ខ្លួន ហើយតុលាការបានចោ ទប្រកា ន់លោក រ៉ុង ឈុន ពីបទ «ញុះញ ង់បង្កឲ្យមាន ភាពវិកវរធ្ង ន់ធ្ងរដល់សន្តិសុខសង្គម» និងចោ ទប្រកា ន់ លោក សួង សុភ័ណ្ឌ ពីបទញុះញ ង់ឲ្យមានភាពវឹ កវរ និងបង្ករអសន្តិសុខ ដល់សង្គមជាតិ ហើយសម្រេចឃុំខ្លួ នជាបណ្តោះអាសន្ន។ ការបំផុសបំផុលអំពីបញ្ហាព្រំដែន របស់ក្រុមប្រ ឆាំ ង បានកើតឡើងសារជាថ្មីបន្ទាប់ពី ប្រទេសកម្ពុជា និងវៀតណាម បានប្រគល់ និងទទួល ផែនទីឋានលេខាព្រំដែនគោក ខ្នាត ១/២៥ ០០០ ដែលជាផែនទីទំនើបសម័យឌីជីថល កាលពីថ្ងៃទី០១ ខែសីហា ឆ្នាំ២០២០។
សូមបញ្ជាក់ថាកិច្ចប្រជុំឧត្តមក្រុមប្រឹក្សាពិគ្រោះនិងផ្ដល់យោបល់នេះ បានផ្តល់ឱកាសឲ្យប្រធានប្រតិភូគណ បក្សនីមួយៗ ម្នាក់ៗបានចូលរួមទស្សនៈទាន១០នាទី នៃការផ្តល់ធាតុចូល ក្នុងន័យស្ថាបនា អំពីបរិបទ បច្ចុប្បន្នភាពសង្គម ផ្អែកលើការរកឃើញតម្រុយ ឬភស្តុតាង តាមរយៈបេសកកម្មការងារបន្ថែម ជាមួយ នឹងការប្រឈមនឹងកូវីដ-១៩។
