» ក្រសួងសុខាភិបាល តម្រូវ​ឲ្យ​រៀប​តុ​ការ​អង្គុយ​បានតែ​៥​នាក់​មួយ​តុ​! » គយ​ជា​ស្ថាប​ន័យ​រដ្ឋបាល​សាធារណៈ​ឬ​នយោបាយ​បានជា​លោក​បណ្ឌិត គុណ ញឹម​មិន​ចូលនិវត្តន៍​ពី​មេ​គយ ?! » ប្រធានាធិបតី​ពូ​ទីន​ចាត់ទុក​បាតុកម្ម​ទាមទារ​ដោះលែង​មេបក្ស​ប្រឆាំង​ថា​ខុសច្បាប់​! » ​ចក្ខុវិស័យ​នយោបាយរប​ស់លោក សុខ ឥសាន អ្នកនាំពាក្យ​គណបក្ស​ប្រជាជន​កម្ពុជា​ » ឥណ្ឌូណេស៊ី ចាប់​នាវា​ដឹក​ប្រេង​អ៊ីរ៉ង់​២​គ្រឿង​បន្ទាប់ពីអ៊ីរ៉ងចាប់កប៉ាល់កូរ៉េ » ធូថ្លៃមែនមក​ស៊ីការ​ផឹកទឹក​ប្តូរ​និស្ស័យ​កាប់​ចាក់​គ្នា​ស្លាប់​ម្នាក់​ទទេ​! » ស្នងការរង​នគរបាល​ខេត្តតាកែវ និង​បក្ខពួក​ត្រូវ​ប្តឹង​រឿ​បង្ខាំង​មនុស្ស​ជម្រិត​ទារប្រាក់ ៣០​ម៉ឺន​ដុល្លារ​ » បន្ទាប់ពី​ចិន​បញ្ជូន​យន្តហោះ​គម្រាម​តៃវ៉ាន​អាមេរិក​បញ្ជូន​កង​នាវា​ដឹក​យន្តហោះ​ទៅ​សមុទ្ទ​តៃវ៉ាន់​ » មែន​ឬអី​ករណី​មន្ត្រី​ពន្ធនាគារ​ចូលនិវត្តន៍​ម្នាក់​ស្លាប់​ជាង​បី​ខែ​សុំ​បើក​លុយ សមាគម​ថា​ទាល់​តែមាន​អ្នកស្លាប់​បួនដប់​នាក់​ទើប​បើក​ឲ្យ​ម្ដង​?! » មើលទៅ​សម្តេចក្រុមព្រះ​មិនទាន់​អាចមក​ស្រុក​ខ្មែរ​ខែ​កម្ភៈ​នេះ​បានទេ​! » សម្តេច​ហ៊ុន សែន​រំលឹក​មន្ត្រី​សាធារណៈ​គារ​និង​ប្រាប់ថា​ប្រជាជន​ខ្មែរ​ប្រមាណ​៥០​ម៉ឺន​នាក់​នឹង​ទទួល​ចាក់​វ៉ាក់សាំង​ចិន​មុន​ចូលឆ្នាំ​ខ្មែរ​ » អគ្គិភ័យ​ឆេះ​រោងចក្រ​ផលិត​ឱសថ​ដ៏​ធំ​នៅ​ឥណ្ឌា​ស្លាប់​មនុស្ស​៥​នាក់​ » ដាក់​ឲ្យ​ដំណើរការ ផ្លូវ​ចំនួន ២​ខ្សែ នៅ​ការដ្ឋាន​ចោមចៅ​សង់ស្ពាន​អាកាស និង​ផ្លូវ​ក្រោម​ដី​ » ក្រសួងមហាផ្ទៃ​និង​ទូ​អាមេរិក​ជួបគ្នា​ពី​ភា​ក្សា​ពី​បញ្ហា​បង្ក្រាប​ការជួញដូរ​មនុស្ស​! » នៅ​ឃុំ​ឆ្នុកទ្រូ​ឈ្មួញ​គ្រឿងញៀន​ទៅដល់​ហើយ​!

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 3467 នាក់

ម្សិលមិញ 3877 នាក់

សរុប 6502913 នាក់

សហភាព​សហព័ន្ធ​អ្នកសារព័ត៌មាន​កម្ពុជា​គាំទ្រ​ទិវា​អន្តរជាតិ​ស្តីពី «​សិទ្ធិ​ទទួល​ព័ត៌មាន​»​ក្នុងពេល​ស្រុក​ខ្មែរ​មិនទាន់​មានច្បាប់​


​ភ្នំពេញ​៖​សហភាព​សហព័ន្ធ​អ្នកសារព័ត៌មាន​កម្ពុជា​ដឹកនាំ​ដោយ​លោក​ហ៊ុយ​វណ្ណ​: នៅ​ថ្ងៃទី​២៥ ខែកញ្ញា ឆ្នាំ​២០២០ បានចេញ​សេចក្តីថ្លែងការណ៍​មួយ អបអរសាទរ​ដល់​ទិវា​អន្តរជាតិ​ស្តីពី «​សិទ្ធិ​ទទួល​ព័ត៌មាន​» ដែល​ត្រូវបាន​មហាសន្និបាត​អង្គការសហប្រជាជាតិ​លើក​ទី​៧៤ ប្រកាស​នៅ​ថ្ងៃទី​២៨ ខែកញ្ញា ឆ្នាំ​២០១៩ ក្នុង​គោលបំណង​បង្កើត​ឱកាស​ចូលរួម ដើម្បី​ពិភពលោក​សម្រេច​ឲ្យ​បាន​នូវ គោលដៅ​អភិវឌ្ឍន៍​សហសវត្ស​រ៍​។​a acess ifo 

​ឆ្នាំ​២០២០​នេះ ទិវា​អន្តរជាតិ​ស្តីពី សិទ្ធិ​ទទួល​ព័ត៌មាន ប្រារព្ធ​ឡើង​ក្រោម​ពាក្យស្លោក «​សិទ្ធិ​ទទួល​ព័ត៌មាន​៖ សង្គ្រោះ​ជីវិត ការកសាង​ទំនុកចិត្ត និង​បង្កើត​នូវ​ក្តីសង្ឃឹម​»​។​ទោះជា​យ៉ាងណា​នៅ​ស្រុក​ខ្មែរ​យើង​ច្បាប់​ដើម្បី​ធានា​សិទ្ធ​មួយ​នេះ​សម្រាប់​ប្រជាពលរដ្ឋ​ហាក់ដូចជា​នៅ​ឆ្ងាយ​នៅឡើយ​ដែល​ធ្វើ​ឲ្យ​គេ​គិតថា​តម្លាភាព​និង​គណនេយ្យភាព​ក្នុងសង្គម​ក៏​នៅ​ឆ្ងាយ​ផងដែរ​។

​ក្នុង​សេចក្តីថ្លែងការណ៍​សហភាព​សហព័ន្ធ​អ្នកសារព័ត៌មាន​កម្ពុជា (​ស​.​ស​.​ស​.​ក​)​បានប្រកាស​គាំទ្រ​ចំពោះ​ការខិតខំ​ប្រឹងប្រែង​រប​ស់ ក្រសួង​ព័ត៌មាន នៃ​រាជរដ្ឋាភិបាល​កម្ពុជា និង​ភាគី​ពាក់ព័ន្ធ ដែល​បាន​រួមគ្នា​ខិតខំ​រៀបចំតាក់តែង​សេចក្តីព្រាង​ច្បាប់​ស្តីពី «​សិទ្ធិ​ទទួល​ព័ត៌មាន​» ដែល​គ្រោង​បញ្ចប់​នៅ​ដំណាច់​ឆ្នាំនេះ​(​មិន​ប្រាកដថា​អាចដាក់​ឲ្យ​ប្រើប្រាស​)​។

សេចក្តីថ្លែងការណ៍​ថា​:​យើង​មាន​ក្តី​សង្ឃឹមថា ច្បាប់​នេះ​នឹង​ក្លាយ ជា​មធ្យោបាយ​បន្ថែម​រួមចំណែក​ពង្រឹងពង្រីក​នូវ​ឥរិយាបទ ផ្នត់គំនិត និង​វប្បធម៌ «​ប្រជាធិបតេយ្យ​ចូលរួម​» ពី​សំណាក់​ប្រជាពលរដ្ឋ ជាមួយនឹង​រាជរដ្ឋាភិបាល ក្នុង​សកម្មភាព​អភិវឌ្ឍ​ប្រទេសជាតិ​លើ​គ្រប់​វិស័យ​។​

​ស​.​ស​.​ស​.​ក បានផ្តល់​ការចាប់អារម្មណ៍​ថា :​ទិវា «​សិទ្ធិ​ទទួល​ព័ត៌មាន​» ក៏​រំលឹក​យើង​ជាប្រចាំ​ថា យើង​អាច​ប្រើប្រាស់​សិទ្ធិ​នេះ ដើម្បី​ស្វែងយល់​ព័ត៌មាន​គ្រប់​ទិដ្ឋភាព មិន​ត្រឹមតែ​អំពី​វឌ្ឍនភាព​នៃ​ប្រទេសជាតិ​របស់​យើង​ប៉ុណ្ណោះ​ទេ គឺ​យើង​ក៏ត្រូវ​តាមដាន​ជាប្រចាំ អំពី​សភាពការណ៍​វិវត្តន៍​ប្រែប្រួល​ឥតឈប់ឈរ​នៃ​បញ្ហា​តំបន់​និង​ពិភពលោក​ផងដែរ​។ ខណៈដែល​មាតុភូមិ​កម្ពុជា​យើង​កំពុង​រីករាយ​ជាមួយ​សុខសន្តិភាព ឥឡូវនេះ មហាអំណាច​កំពុង​ប្រជែង​គ្នា​យក​ប្រៀប​ខាង ភូមិសាស្ត្រ​នយោបាយ យោធា និង​សេដ្ឋកិច្ច ដែល​តោង​តែ​យកចិត្តទុកដាក់​តាមដាន​ជាប្រចាំ​។

ប្រវត្តិសាស្ត្រ​បង្ហាញថា ក្នុង​បរិបទ​នៃ​ការ​រះ​ឡើង​នៃ​មហាអំណាច​ថ្មី និង​ការធ្លាក់ចុះ​ឥទ្ធិពល​នៃ​មហាអំណាច​មួយ គឺ​បង្កើត​បញ្ហា​ប្រឈម​ចាក់ស្រេះ និង​ពិបាក​ប៉ាន់ស្មាន​។ ទោះបីជា​យ៉ាងណាក៏ដោយ កម្ពុជា​មានការ​ប្តេជ្ញាចិត្ត​ជាមួយ​បន្ទាត់នយោបាយ​ដ៏​ត្រឹមត្រូវ​ក្នុង «​ការបន្ត​កសាង​មិត្ត​គ្រប់ទិសទី​ក្រោម​ស្មារតី​ឯករាជ្យ​» អធិបតេយ្យ ដោយ​គោរព​គ្នា​ទៅវិញទៅមក ស្មើភាព​និង​ស្មើ​សិទ្ធិ ហើយ​ផ្តល់​ផលប្រយោជន៍​ឲ្យ​គ្នា​ទៅវិញទៅមក​។​
​ស​.​ស​.​ស​.​ក ក៏បាន​លើកទឹកចិត្ត​ដល់​អ្នកសារព័ត៌មាន និង​អ្នក​និយម​ប្រើប្រាស់ បណ្តាញ​សង្គម ឲ្យ​បន្ត​ប្រើប្រាស់​សិទ្ធិ​ទទួល​ព័ត៌មាន ក្នុង​ឧ​ត្ត​ម​គតិ​ដើម្បី​ពង្រឹងសមត្ថភាព​ជាតិ ដើម្បី បណ្តុះ «​ស្មារតី​កម្ពុជា​និយម​»​។​a acess ifo1 a acess ifo2