
វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1563 នាក់
ម្សិលមិញ 15181 នាក់
សរុប 19469065 នាក់
ភ្នំពេញ ប្រតិភូ គ្រូបង្វឹក កីឡាករ និងកីឡាការិនី កីឡាហែលទឹកជើងទឹកម្ពុជាដែលវិលត្រឡប់ដោយនាំជោគជ័យ ពីការប្រកួតព្រឹត្តិការណ៍ XVIII Finswimming World Cup Round 4ទទួលបានការស្វាគមន៍ពី៖លោក ហែម គិរី អគ្គលេខាធិការសហព័ន្ធខ្មែរកីឡាហែលទឹក នាអាកាសយានដ្ឋានភ្នំពេញអន្តរជាតិ។
សហព័ន្ធខ្មែរកីឡាហែលទឹក បានបញ្ជូនកីឡាករ និងកីឡាការិនី ចំនួន ០៣រូប រួមមាន កីឡាករ ហែម ប៉ុច កីឡាការិនី កាំង មុយនីន និងកីឡាការិនី ហួន ទិត្យដាលីន ទៅចូលរួមការប្រកួត XVIII Finswimming World Cup Round 4 ចាប់ផ្ដើមពីថ្ងៃទី០៦ -ថ្ងៃទី០៨ ខែកញ្ញា ឆ្នាំ២០២៤ នៅខេត្តភូកេត នៃព្រះរាជាណាចក្រថៃ។លោក ហែម គិរី បានឲ្យដឹងថា ភាពជោគជ័យរបស់កីឡាការិនីហែលទឹកជើងទា ហួន ទិត្យដាលីន កើតឡើងពីការខិតខំប្រឹងប្រែង និងសមត្ថភាពផ្ទាល់ មិនមែនកើតឡើងចៃដន្យឡើយ ក្នុងនោះកីឡាការិនីរូបនេះដណ្តើមមេដាយសរុប៤គ្រឿង គឺប្រាក់២គ្រឿង សំរឹទ្ធ ២ គ្រឿង។
លោក ហែម គិរី បន្តថា ប្រកួតនេះជាការប្រកួតលើកទី១ របស់ ហួន ទិត្យដាលីន ពិតជាធ្វើបានល្អ ជាពិសេសមានការជួយជ្រោមជ្រែង យកចិត្តទុកដាក់ និងគាំទ្រលើកទឹកចិត្តក្នុងការហ្វឹកហាត់របស់កីឡាការិនី ហួន ទិត្យដាលីន ពីសំណាក់ អាណាព្យាបាល ។ លោក ហែម គិរី សូមអំពាវនាវដល់មាតាបិតាទាំងអស់ឲ្យមានការគាំទ្រ និងលើកទឹកចិត្តដល់កូនៗឲ្យចូលលេងកីឡាឲ្យបានច្រើនបន្ថែមទៀតព្រោះ គ្រប់ប្រភេទកីឡាមិនថាកីឡាណាណានោះទេឲ្យតែមានការជំរុញ និងលើកទឹកចិត្តច្បាស់ណាស់នាថ្ងៃមុខ នឹងទទួលបានជោគជ័យ។
កីឡាការិនី ហួន ទិត្យដាលីន ប្រកួតលើប្រភេទវិញ្ញាសាហែលទឹកចម្ងាយ ៥០ម៉ែត្រ របៀបហែល Bi-Finsទទួលបាន មេដាយសំរឹទ្ធ ០១គ្រឿង វិញ្ញាសាហែលទឹកចម្ងាយ ១០០ម៉ែត្រ របៀបហែល Bi-Fins បានមេដាយសំរឹទ្ធ ០១គ្រឿង ។វិញ្ញាសាហែលទឹកចម្ងាយ ៥០ម៉ែត្រ របៀបហែល Surfaceបាន មេដាយប្រាក់ ០១គ្រឿង និងវិញ្ញាសាហែលទឹកចម្ងាយ ១០០ម៉ែត្រ របៀបហែល Surfaceបាន មេដាយប្រាក់ ០១គ្រឿង៕