ករណីក្មេងទំនើងជិះម៉ូតូដេញកាប់គ្នា នៅស្រុកបាទី ខេត្តតាកែវ បង្ក្រាបបាន៨នាក់ ហើយ៥នាក់ទៀតកំពុងរត់គេច
21-September-2026 / សន្តិសុខសង្គម
តាកែវ៖ នៅរសៀលថ្ងៃទី២៩ ខែធ្នូ ឆ្នាំ២០២៤ ស្នងការដ្ឋាននគរបាលខេត្ដតាកែវ បានបង្ហាញមុខក្មេងទំនើង៨នាក់ ក្នុងចំណោមបក្ខពួកសរុប១៣នាក់ ដែលបង្ក្រាបបានក្នុងករណីជិះម៉ូតូដេញកាប់ជនរងគ្រោះចំនួន៣នាក់ បណ្ដាលឲ្យរងរបួសធ្ងន់ម្នាក់ របួសស្រាល២នាក់ កាលពីសប្តាហ៍មុន។
ករណីយ៍ក្រុមក្មេងទំនើងមួយក្រុម បានជិះម៉ូតូដេញកាប់ជនរងគ្រោះ ហើយវីដេអូដែលដេញកាប់គ្នានោះ ត្រូវបានចែកចាយព្រោងព្រាតតាមបណ្តាញសង្គមបានកើតឡើង កាលពីម៉ោង ២៖៥៦នាទីរំលងអាធ្រាត្រ ឈានចូលថ្ងៃទី២២ ខែធ្នូ ឆ្នាំ២០២៤ នៅតាមផ្លូវជាតិលេខ៣ ភូមិប្រហែក ឃុំសូភី ស្រុកបាទី ខេត្ដតាកែវ ។ក្រោយមានហេតុការណ៍នេះកើតឡើងភ្លាម, កម្លាំងនគរបាលជំនាញព្រហ្មទណ្ឌ បានសហការជាមួយកម្លាំងនគរបាលមូលដ្ឋានខេត្តតាកែវ បើកការស្រាវជ្រាវជាបន្ទាន់ និងឈានដល់ការចាប់ខ្លួនក្រុមជនល្មើសជាបន្តបន្ទាប់ចំនួន៨នាក់ ហើយនៅសល់បក្ខពួកចំនួន៥នាក់ទៀតកំពុងរត់គេចខ្លួន។
លោកឧត្ដមសេនីយ៍ទោ ម៉ែន លី បានឲ្យដឹងថា ក្មេងទំនើងទាំងនេះ មុនធ្វើសកម្មភាពជិះម៉ូតូដេញកាប់ទៅលើជនរងគ្រោះ គឺដោយសារតែក្រុមជនរងគ្រោះបានយកដុំថ្មគុបទៅលើបក្ខពួកក្រុមគេមុន ទើបក្រុមជនសង្ស័យជិះម៉ូតូ៦គ្រឿង មានគ្នា ១៣នាក់ដេញតាមកាប់ពីក្រោយវិញ។លោកឧត្តមសេនីយ៍ស្នងការ បានបន្តទៀតថា ក្រោយកើតហេតុ និងមានការសម្របសម្រួលពីលោក ឯក ឆេងហួត ព្រះរាជអាជ្ញាអមសាលាដំបូងខេត្ដតាកែវ លោកបានបញ្ជាឲ្យសមត្ថកិច្ចស្រាវជ្រាវឈានទៅបង្ក្រាបក្រុមក្មេងទំនើងបានជាបន្តបន្ទាប់សរុបចំនួន ៨នាក់ ក្នុងនោះមានជនដៃដល់ម្នាក់ និងអ្នកបើកបរម៉ូតូម្នាក់ ហើយ៥នាក់ទៀតជាបក្ខពួកចូលរួមធ្វើសកម្មភាពទៀតកំពុងគេចខ្លួន ហើយកម្លាំងសមត្ថកិច្ចជំនាញកំពុងតាមចាប់។
បើតាមលោកឧត្តមសេនីយ៍ស្នងការ, ជនសង្ស័យទាំង៨នាក់នេះ មាន៥នាក់មានទីលំនៅខេត្ដតាកែវ និង៣នាក់ខេត្ដកំពង់ស្ពឺ។ ក្នុងកិច្ចប្រតិបត្តិការនេះ សមត្ថកិច្ចបានដកហូតម៉ូតូបាន៥គ្រឿង ដាវ១ កាំបិតផ្គាក់១ និងសម្ភារមួយចំនួនទៀត។យោងតាមរបាយការណ៍របស់សមត្ថកិច្ច បានបញ្ជាក់ថា ជនសង្ស័យដែលសមត្ថកិច្ចឃាត់ខ្លួនបានរួមមាន៖
ទី១៖ ឈ្មោះ ស្រ៊ន សំណាង ហៅឃ្លែត អាយុ១៧ឆ្នាំ រស់នៅភូមិច្បារមន ឃុំកុមារាជា ស្រុកបាទី ខេត្តតាកែវ (ជនដៃដល់)ទី២៖ ឈ្មោះ ងាំ តូ ហៅតូ អាយុ១៨ឆ្នាំ រស់នៅភូមិពានមាសកើត ឃុំលំពង់ ស្រុកបាទី ខេត្តតាកែវ (អ្នកបើកម៉ូតូ)ទី៣៖ ឈ្មោះ តក់ វណ្ណថេត ហៅថេត អាយុ១៧ឆ្នាំ រស់នៅភូមិថ្មសរ ឃុំលំពង់ ស្រុកបាទី ខេត្តតាកែវទី៤៖ ឈ្មោះ ដៀប សុភ័ក្ដ្រ ហៅភក្ដ្រ អាយុ១៧ឆ្នាំ រស់នៅភូមិទួលត្បែង ឃុំព្រៃវិហា ស្រុកគងពីសី ខេត្តកំពង់ស្ពឺទី៥៖ ឈ្មោះ សុគន្ធា ថេង អាយុ១៦ឆ្នាំ រស់នៅភូមិត្រាំត្បាល់ ឃុំក្រាំងលាវ ស្រុកបាទី ខេត្តតាកែវទី៦៖ ឈ្មោះ អ៊ន បូរ៉ា ហៅយ៉ា អាយុ១៨ឆ្នាំ រស់នៅភូមិសំរោងខ្ពស់ ឃុំមហាឬស្សី ស្រុកគងពិសី ខេត្តកំពង់ស្ពឺទី៧៖ ឈ្មោះ មុំ សំណាង ហៅខ្មៅ អាយុ១៦ឆ្នាំ រស់នៅភូមិដំណាក់ពង្រ ឃុំព្រៃវិហារ ស្រុកគងពិសី ខេត្តកំពង់ស្ពឺទី៨៖ ឈ្មោះ សារីម បូរី អាយុ១៦ឆ្នាំ រស់នៅភូមិត្រពាំងខ្នារ ឃុំព្រះនិពាន ស្រុកបសេដ្ឋ ខេត្តកំពង់ស្ពឺ (៦នាក់នេះជាបក្ខពួក)។
សម្រាប់ជនសង្ស័យទាំង៨នាក់ នៅព្រឹកថ្ងៃទី៣០ ខែធ្នូ ឆ្នាំ២០២៤ នឹងត្រូវបញ្ជូនខ្លួនទៅសាលាដំបូងខេត្ដចាត់ការតាមនីតិវិធី។ដោយឃើញស្ថានភាពក្មេងទំនើងកាន់តែផ្គើនដូចមិធ្លាក់ថយកាលពីព្រឹកថ្ងៃទី២៦ ខែធ្នូ ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានដាក់ចេញនូវបទបញ្ជាជាថ្មីម្ដងទៀត ឲ្យបន្ដចាត់វិធានការច្បាប់ម៉ឺងម៉ាត់ដោយគ្មានការលើកលែង ចំពោះករណីក្មេងទំនើងដែលបង្កហិង្សាដាក់គ្នាទៅវិញទៅមក។
