វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5509 នាក់
ម្សិលមិញ 5304 នាក់
សរុប 14145035 នាក់
ភ្នំពេញ៖ សំណង់ក្នុងបុរី ប៊ុន ជេស និងសំណង់ផ្ទះវីឡា ជាច្រើនខ្នងសង់អត់ច្បាប់ លយចូលដីអនុក្រឹត្យបឹងតាមោគនៅចំណុចក្នុងភូមិឌួង និងភូមិផ្សារលិច ស្ថិតក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ត្រូវបានអាជ្ញាធរខណ្ឌព្រែកព្នៅ ដឹកនាំដោយលោក សុខ សម្បត្តិ អភិបាលនៃគណៈអភិបាលខណ្ឌព្រែកព្នៅ ចុះត្រួតពិនិត្យ និងផ្អាកសាងសង់បណ្តោះអាសន្នកាលពីនៅព្រឹកថ្ងៃទី២៩ ខែមិថុនា ឆ្នាំ២០២០នេះ ។
លោក ស៊ូ ស៊ីវត្ថា ប្រធានភូមិបាលខណ្ឌព្រែកព្នៅបានប្រាប់ថា សំណង់ទាំងនេះមិនមានច្បាប់អនុញ្ញាត្តិឡើយ ដោយលួចសង់ខុសច្បាប់ សំណង់ខ្លះមានច្បាប់សាងសង់ត្រឹមតែផ្ទះល្វែងទេ តែពេលសាងសង់ជាផ្ទះវិឡាទៅវិញ ហើយសំណង់ខ្លះទៀតបានសាងសង់ចូលដីអានុក្រិតបឹងតាមោគ។ ទីតាំងក្នុងបុរីប៊ុនជេស មានប្លង់កម្មសិទ្ធត្រឹមត្រូវ តែបែរជាលួចសាងសង់ លើសច្បាប់អនុញ្ញាតិទៅវិញ ហើយដូចជាសំណង់នៅឡុងឈិនជាប់មហាវិធីឈ្នះៗ ក្រោយពីអាជ្ញាធរចុះ ហាមឃាត់បានតែមួយថ្ងៃ ស្អែកឡើង ឃើញសាងសង់វិញ អត់មានគោរពច្បាប់អីបន្តិចសោះ។
លោក សុខ សម្បត្តិ បានមានប្រសាសន៍ឲ្យដឹងថា ការផ្អាកការដ្ឋានសំណង់ក្នុងសង្កាត់ព្រែកព្នៅនាពេលនេះ គឺអនុវត្តទៅតាមច្បាប់ និងធ្វើឡើងសំដៅការពារអាយុជីវិតប្រជាពលរដ្ឋ។ សំណង់ដែលសង់ឡើងមិនស្របច្បាប់មានប្រមាណជិត ១០០ផ្ទះ ដែលផ្ទះទាំងនោះភាគច្រើននៅក្នុងបុរី ប៊ុន ជេស ស្ថិតក្នុងភូមិឌួង និងបុរី ប៊ុន ជេស ស្ថិតក្នុងភូមិព្រែកព្នៅ ក្នុងការផ្អាកនេះដែរបើក្រុមហ៊ុននៅតែបន្តធ្វើទៀត អាជ្ញាធរ និងចាត់វិធានការរឹមអូសសម្ភារ ហើយបើមានការបាត់បង់ខុចខាត់អាជ្ញាធរមិនទទួលខុសត្រូវឡើយ។