ស្ត្រីទៅសម្រាលកូនម្នាក់បានស្លាប់ក្រោយពេលបញ្ជូនចេញពីពេទ្យឯកជន
21-September-2026 / សន្តិសុខសង្គម
កំពត: ស្ត្រីវ័យប្រហែល៣០ឆ្នាំបានស្លាប់នៅ មន្ទីរពេទ្យអនុស្សាវរីយ៍ស៊ុនយាឃៀល ដែលមានទីតាំងស្ថិតនៅ ភូមិកែបថ្មីសង្កាត់បឹងទូក ក្រុងបូកគោ ខែត្រកំពត ដោយសារអ្នកជំងឺធ្លាក់ឈាមខ្លាំងពេកបន្ទាប់ពីសម្រាលកូន។សពស្ត្រីរងគ្រោះមានឈ្មោះ គន ធារី ត្រូវបានក្រុមគ្រួសារហៅឡានសង្គ្រោះបន្ទាន់ នៃមណ្ឌលសុខភាព ស្រុកដងទង់ ដឹកយកទៅធ្វើបុណ្យនៅឯ ភូមិពញាអង្គរ ឃុំវត្តអង្គខាងជើង ស្រុកបន្ទាយមាស ខែត្រកំពត ដែលជាទីកំណើតរបស់គាត់។
មរណៈភាពរបស់ស្ត្រីនេះ គឺគាត់បានទៅសម្រាលកូននៅពេទ្យឯកជនមួយកន្លែងដែលមានស្លាកយីហោថាបន្ទប់ថែទាំ ក្រោយសម្រាលបរិ.ឆ្មប អ៊ុន ស្រីល័ក្ខ ២៤ម៉ោង ដែលមានទីតាំងស្ថិតនៅ ភូមិធំថ្មី ឃុំដងទង់ ស្រុកដងទង់ ខែត្រកំពត បានសម្រាលកូនរួចដោយមានការធ្លាក់ឈាមច្រើនពេក។ឃើញស្ថានភាពអ្នកជំងឺមិនស្រួលខ្លួនត្រូវបាន ក្រុមគ្រួសារសព និងអ្នកគ្រូពេទ្យ បានបញ្ជូនទៅព្យាបាលនៅឯ មន្ទីរពេទ្យអនុស្សាវរីយ៍ស៊ុនយាឃៀល ខែត្រកំពត នៅម៉ោងប្រមាណជាង៣ភ្លឺ។ ក្រោយពីបានពិនិត្យ និងជួយជ្រោមជ្រែងពីគ្រូពេទ្យតែអកុសលស្ត្រីរងគ្រោះក៏ស្លាប់នាព្រឹកថ្ងៃទី១៩ ខែធ្នូ ឆ្នាំ២០២៤។
អ្វីដែលគួរឱ្យកត់សម្គាល់ និងចម្ងល់របស់មហាជននោះក្នុង ស្លាកយីហោដាក់ថា បន្ទប់សម្រាកថែទាំព្យាបាល ក្រោ យពេលសម្រាល ហេតុដូចម្តេចក៏ អ្នកគ្រូពេទ្យ ស្រីល័ក្ខ ហ៊ានបើកសេវាសម្រាលកូន គ្មានការទទួលខុសត្រូវអីចឹង ? តើ ក្រសួងសុខាភិបាល មានច្បាប់ និងបែងចែកជំនាញគ្រូពេទ្យដែរឬទេ ?ប្រធាន មន្ទីរសុខាភិបាល ខែត្រកំពត លោកស្រី យួស សុគន្ធ អ្នកសារព័ត៌មានយើងមិនអាចស្វែងរកការទំនាក់សាកសួរព័ត៌មានចំពោះរឿងរ៉ាវខាងលើនេះបានទេ។
នៅថ្ងៃទី២១ ខែធ្នូ ឆ្នាំ២០២៤ ប្រធានប្រតិបត្តិ ស្រុកឈូក លោក កើ រដ្ឋាវុធ បានប្រាប់កាសែតថា អ្នកគ្រូពេទ្យជំនាញ នៃមណ្ឌលសុខភាព ស្រុកដងទង់ ឈ្មោះ ស្រីល័ក្ខ ជាគ្រូពេទ្យបម្រើសេវាសម្រាលកូនឲ្យស្ត្រីដែលបានស្លាប់ខាងលើហើយការសម្រាលនោះ គឺនៅផ្ទះអ្នកគ្រូពេទ្យផ្ទាល់។ លោកបន្តថា សម្រាប់របាយការណ៍ផ្សេងៗលោកបានបញ្ជូនទៅ មន្ទីរសុខាភិបាលខែត្រ ហើយសម្រាប់ព័ត៌មានលម្អិតនឹងមាននៅពេល គណៈកម្មការមរណភាពមាតា និងទារក ចុះធ្វើការសិន។
លោក សាន បូណា ប្រធានមណ្ឌលសុខភាព ស្រុកដងទង់ ប្រាប់សារព័ត៌មានកាលពីល្ងាចថ្ងៃទី១៩ ខែធ្នូ នេះ ថា សម្រាប់អ្នកគ្រូពេទ្យស្រីល័ក្ខ ពេលនេះគាត់បានសុំច្បាប់ឈប់សម្រាក២ឬ៣ថ្ងៃសិនដោយសារគាត់មានការភិតភ័យពេក។ វាគ្មានអ្នកណាចង់ជួបដូចហ្នឹងទេ គ្នាបានជួយអស់ពីលទ្ធភាពដែរ។លោកមេ ឃុំវត្តអង្គខាងជើង បានប្រាប់អង្គភាពយើងកាលពីថ្ងៃទី២០ ខែធ្នូ ឆ្នាំ២០២៤ ថា គាត់បានដឹងការស្លាប់នោះដែរ គឺស្លាប់ដោយសារសម្រាលកូននៅ ពេទ្យដងទង់ឈ្មោះ ស្រីល័ក្ខ ហើយសពស្ត្រីនោះមានឈ្មោះថា គន ធារី។ លោកបានបន្តទៀតថា លិខិតមរណភាព ក្រុមការងារឃុំបានផ្តល់ជូនទៅក្រុមគ្រួសារសពរួចរាល់អស់ហើយ។
បុគ្គលិកអ្នកទទួល និងផ្តល់ព័ត៌មាន នៃមន្ទីរពេទ្យអនុស្សាវរីយ៍ស៊ុនយាឃៀល បានប្រាប់អ្នកសារព័ត៌មាននៅថ្ងៃទី២០ ខែធ្នូ ឆ្នាំ២០២៤ ថា មេគាត់ប្រាប់ថា បើចង់ដឹងពីស្ថានភាពនោះលុះត្រាតែសាច់ញាតិរបស់ជនរងគ្រោះធ្វើលិខិតបញ្ជាក់ពីភូមឃុំថា អនុញ្ញាតឲ្យផ្តល់ព័ត៌មានទើបខាងគាត់អាចផ្តល់ព័ត៌មានជូនបាន…។ភាគីខាងសពស្ត្រីដែលស្លាប់នោះព័ត៌មានយើងមិនអាចសុំការអត្ថាធិបាយបានទេ ដោយសារប្តីរបស់សពរងគ្រោះសុំបញ្ចប់រឿងត្រឹមនេះហើយ…។
រីឯភាគីខាងគ្រូពេទ្យ អ៊ន ស្រីល័ក្ខ វិញលោក ឈីម រីម ដែលត្រូវជាប្តីអ្នកគ្រូពេទ្យបាននិយាយថា ពួកគាត់បានសម្របសម្រួលអស់ហើយជាមួយក្រុមគ្រួសារសព។ តែគាត់សុំបិទព័ត៌មានត្រឹមហ្នឹង ព្រោះលោកបានរាយការណ៍បើក ចំហជូនថ្នាក់ដឹកនាំប្រត្តិបត្តិ ស្រុកឈូក និងមន្ទីរសុខាភិបាល ខែត្រកំពត រួចរាល់ហើយ។
គួររំលឹកថា គួររំលឹកថា កាលពីថ្ងៃទី១៩ ខែវិច្ឆិកា ឆ្នាំ២០២៤ កន្លងទៅក៏មានរឿងហេតុការណ៍គ្រូពេទ្យនៃគ្លីនិកអត់ច្បាប់មួយកន្លែងនៅ ខែត្រតាកែវ បានចាក់ថ្នាំបង្កឲ្យស្ត្រីម្នាក់ស្លាប់ហើយដឹកសពទៅបោះចោលយ៉ាងព្រៃផ្សៃ។ កន្លែងសម្រាលកូនរបស់អ្នកស្រី អ៊ន ស្រីល័ក្ខ គេពុំទាន់ដឹងថា មានច្បាប់ ឬក៏ពុំមានច្បាប់អនុញ្ញាតនោះទេហើយ ទារកវិញក៏មិនដឹងថា ស្លាប់ ឬក៏រស់ នោះដែរ៕
