លោកចូបៃដិនបង្ហាញឆន្ទៈរកវិធីជួយអ៊ុយក្រែនក្នុងពេលកាណាដាជួយដ្រូនជប៉ុនជួយកសាងប្រទេស
16-April-2026 / ព័ត៌មានអន្តរជាតិ
អុយក្រែន៖ ទីបំផុតមេបញ្ជាការកងទព័ថ្មីរបស់អ៊ុយក្រែនលោកឧត្តមសេនីយ៍ Oleksandr Syrskyi បានសម្រេចចិត្តដកកងទ័ពរបស់ខ្លួនបានដកខ្លួនចេញពីទីក្រុង Avdiivka ដែលជាទីក្រុងសំខាន់មួយនៅភាគខាងកើតប្រទេស។ ន សារព័ត៌មាន BBC នៅថ្ងៃទី១៧ ខែកុម្ភៈ បានឲ្យដឹងថាប្រធានាធិបតីវ៉ូឡូឌីមៀហ្សេឡិនស្គី (Volodymyr Zelensky )បាននិយាយថា ការសម្រេចចិត្តនេះត្រូវបានធ្វើឡើងក្នុងគោលបំណងជួយសង្គ្រោះជីវិតទាហាន បន្ទាប់ពីមានការឡោមព័ទ្ធដោយកងកម្លាំងរុស្ស៊ីអស់រយៈពេលជាច្រើនខែកន្លងមកនៅតំបន់ខាងលើនេះក្នុងពេល ការផ្គត់ផ្គង់សព្វាវុធពីលោកខាងលិច មានការធ្លាក់ចុះ ។ ថ្លែងនៅក្នុងសន្និសិទសន្តិសុខទីក្រុង Munich កាលពីថ្ងៃសៅរ៍ទី១៧កុម្ភៈ លោក Zelensky បានជំរុញឱ្យបណ្តាប្រទេសលោកខាងលិចជួយអ៊ុយក្រែនដើម្បីយកឈ្នះរុស្ស៊ី ប៉ុន្តែឃ្លានេះលោក Zelensky ប្រើពាក្យថា “កម្ចាត់បិសាច” ជំនួសវិញ ។
ទាក់ទងរឿងនេះ អ្នកនាំពាក្យក្រុមប្រឹក្សាសន្តិសុខជាតិអាមេរិកលោកចនឃឺប៊ី( Adm John Kirby) បាននិយាយបន្ទាប់ពីអ៊ុយក្រែន សម្រេចចិត្តដកទ័ពចេញពីទីក្រុង Avdiivka ថា កងកម្លាំងអ៊ុយក្រែនកំពុងអស់គ្រាប់កាំភ្លើងធំ សម្រាប់តតាំង ជាមួយរុស្ស៊ី ដោយសារតែសភាអាមេរិកមិនទាន់អនុម័តច្បាប់បន្ថែម។ ប្រទេសអ៊ុយក្រែនបានពឹងផ្អែកយ៉ាងខ្លាំងលើការផ្គត់ផ្គង់អាវុធពីសហរដ្ឋអាមេរិក និងសម្ព័ន្ធមិត្តលោកខាងលិចផ្សេងទៀត ដើម្បីបន្តប្រយុទ្ធជាមួយរុស្ស៊ី ។ តែ មួយរយៈចុងក្រោយនេះ សហរដ្ឋអាមេរិកកំពុងមានបញ្ហាជម្លោះនយោបាយ ដែលជាកត្តាមួយធ្វើឱ្យខកខានមិនបានផ្ដល់សព្វាវុធឲ្យអ៊ុយក្រែន។
ក្រោយពីព្រិត្តិការណ៍ឈឺសាច់បង្កឡើងដោយអ៊ុយក្រែនជាធម្មតាវាប៉ះពាល់អ៊ុយក្រែនតែវាជាការអាម៉ាសដល់បណ្តាប្រទេសលោកខាងលិចពីសេសអាមេរិកនិងសម្ពន្ធ័មិត្តណាតូផងដែរប្រសិនបើអ៊ុយក្រែនចាញ់។ទោះបីយ៉ាងណា ប្រធានាធិបតីអាម៉េរិកលោក ចូបៃដិន មានប្រសាសន៍ថា លោកមានឆន្ទៈជួបពិភាក្សាជាមួយមន្ត្រីប្រធានសភាអាម៉េរិក លោក Mike Johnson ទៅតាមការស្នើសុំ ដើម្បីជជែកដេញដោលស្វែងរកដំណោះស្រាយលើភាពជាប់គាំងសំណើកញ្ចប់ថវិកាសម្រាប់ជួយប្រទេសអ៊ុយក្រែននៅក្នុងសង្គ្រាមតទល់នឹងការឈ្លានពានរបស់រុស្ស៊ី បន្ទាប់ពីព្រឹទ្ធសភាអាម៉េរិក ទើបបោះឆ្នោតគាំទ្រសំណើច្បាប់ថវិកាមួយនេះ កាលពីពេលថ្មីៗ ដោយនៅរង់ចាំតែការអនុម័តបន្តពីសភា។
ប្រធានសភាតំណាងរាស្ត្រអាម៉េរិកលោក Mike Johnson បានបដិសេធមិនព្រមរៀបចំឱ្យមានដំណើរការបោះឆ្នោតនៅក្នុងសភាទៅលើសំណើជំនួយកញ្ចប់ថវិកាដែលមានទំហំទឹកប្រាក់សរុបប្រមាណជា ៩៥ពាន់លានដុល្លារអាម៉េរិករបស់រដ្ឋបាលលោកបៃដិន ដោយមន្ត្រីប្រធានសភារូបនេះបានទាមទារឱ្យមានជំនួបពិភាក្សាដោយផ្ទាល់ជាមួយលោកប្រធានាធិបតីចូបៃដិនជាមុនសិន ស្របពេលសមាជិកសភាអាម៉េរិកភាគច្រើនជាក្រុមអ្នកនយោបាយមកពីគណបក្សសាធារណរដ្ឋ។ជុំវិញរឿងនេះ លោកចូបៃដិនបាននិយាយថា លោករីករាយនឹងជួបសន្ទនាជាមួយនឹងលោក Mike Johnson លើបញ្ហានេះ ដើម្បីលទ្ធភាពអាចសម្រេចការអនុម័តច្បាប់ជំនួយថវិកាទៅដល់ប្រទេសអ៊ុយក្រែនឱ្យបានឆាប់រហ័ស។
សម្រាប់ប្រទេសឹជប៉ុនវិញប្រទេសជប៉ុនពេលជួបនាយករដ្ឋមន្ត្រីអ៊ុយក្រែន លោក ដេនីស ស្មីហាល់ (Denys Shmyhal) នៅឯទីក្រុងតូក្យូកាលដើមសប្តាហ៍បានពិភាក្សាអំពីការកសាងអ៊ុយក្រែនឡើងវិញ ដោយសន្យាលើសន្ធិសញ្ញាថ្មីស្តីពីពន្ធទ្វេភាគី និងកិច្ចការគាំទ្រផ្សេងទៀតពីធុរកិច្ចជប៉ុន ស្របពេលសង្គ្រាមនៅអ៊ុយក្រែនឈានជិតចូលដល់គម្រប់ខួបពីរឆ្នាំ ។មេដឹកនាំជប៉ុនលោកនាយករដ្ឋមន្ត្រី ហ្វឺមីយ៉ូ ឃីស៊ីដាក់ (Fumio Kishida) បានថ្លែងប្រាប់ទៅកាន់អ្នកសារព័ត៌មាននៅក្នុងសន្និសីទសារព័ត៌មានថា ប្រទេសជប៉ុន នឹងបន្តធ្វើការជាមួយអ៊ុយក្រែន "រហូតដល់សន្តិភាពត្រឡប់មកវិញ" ។
ក្រុមហ៊ុនជប៉ុនប្រហែល៥០ក្រុមហ៊ុនបានចុះហត្ថលេខាលើកិច្ចព្រមព្រៀងជាមួយភាគីអ៊ុយក្រែន នៅក្នុងសន្និសិទ លើវិស័យនានា រួមទាំងវិស័យកសិកម្ម ថាមពល និងហេដ្ឋារចនាសម្ព័ន្ធ ។
ជាមួយគ្នានោះដែររដ្ឋមន្ត្រីការពារជាតិកាណាដា លោក បៀល ប្ល៊ែរ (Bill Blair) ឯណោះវិញ មានប្រសាសន៍ថា ប្រទេសកាណាដានឹងបរិច្ចាគប្រព័ន្ធការពារដែនអាកាស ស្កាយរេនជើ (SkyRanger) R៧០ ជាង ៨០០ គ្រឿងសម្រាប់អ៊ុយក្រែន ដើម្បីជួយជាកម្លាំងតស៊ូសម្រាប់សង្គ្រាមជាមួយប្រទេសរុស្ស៊ី ។ក្រសួងការពារជាតិកាណាដា បានបន្ថែមទៀតថា យន្តហោះគ្មានមនុស្សបើកជាង ៨០០ គ្រឿងនោះ មានតម្លៃជាង ៩៥ លានដុល្លារកាណាដា ឬប្រហែល ៧០.៤៤ លានដុល្លារអាម៉េរិកនឹងបរិច្ចាគទៅឱ្យអ៊ុយក្រែន ដោយបន្ថែមថា ការបរិច្ចាគនេះ ស្ថិតនៅក្រោមការផ្តល់មូលនិធិដោយជំនួយយោធាចំនួន ៥០០ លានដុល្លារកាណាដា ដែលប្រកាសដោយលោកនាយករដ្ឋមន្ត្រី ចាស្ទីន ទ្រូដូ (Justin Trudeau) អំឡុងទស្សនកិច្ចនៅឯទីក្រុងគីវ កាលពីឆ្នាំមុន ។
ប្រទេសស៊ុយអែតបានប្រកាសថា ខ្លួននឹងផ្តល់ជំនួយជាសម្ភារយោធា គិតជាទឹកប្រាក់ស្មើនឹង៦៨២លានដុល្លារ ទៅកាន់អ៊ុយក្រែន ដើម្បីជួយគាំទ្រទីក្រុងកៀវ ដែលកំពុងប្រឈមការលំបាក ក្នុងការប្រយុទ្ធតស៊ូប្រឆាំងការឈ្លានពានរបស់រុស្ស៉ី។ ទីភ្នាក់ងារព័ត៌មាន AFP នាថ្ងៃអង្គារ ទី២០ ខែកុម្ភៈ ឆ្នាំ២០២៤ឲ្យដឹងថា៖កញ្ចប់ជំនួយយោធាថ្មីខាងលើ ដែលជាកញ្ចប់ជំនួយទី១៥របស់ស៊ុយអែត សម្រាប់អ៊ុយក្រែន និងជាកញ្ចប់ជំនួយធំជាងគេ ក្នុងចំណោមនោះ គឺនឹងរួមមាននូវគ្រាប់កាំភ្លើងធំ ប្រព័ន្ធការពារដែនអាកាស កាណូត និងអាវុធក្រោមផ្ទៃទឹក ដូចជាគ្រាប់មីននិងមីស៉ីលថូភីដូ (torpedoe) ព្រមទាំងការបណ្តុះបណ្តាលសម្រាប់កងទ័ពអ៊ុយក្រែន។ កន្លងមក ស៊ុយអែតធ្លាប់បានបញ្ជូនប្រព័ន្ធកាំភ្លើងធំ Archer, រថពាសដែក CV90 ៥០គ្រឿង ប្រព័ន្ធមីស៉ីលការពារដែនអាកាស ព្រមទាំងរថក្រោះ Leopard 2 ប្រហែល១០គ្រឿង។
សេចក្តីប្រកាសរបស់ស៊ុយអែតកើតមានឡើងត្រឹមតែប៉ុន្មានថ្ងៃប៉ុណ្ណោះ មុនពេលសង្រ្គាមនៅអ៊ុយក្រែនឈានចូលដល់ឆ្នាំទី៣ គិតចាប់តាំងពីការឈ្លានពានរបស់រុស្ស៉ី បានចាប់ផ្តើមកាលពីថ្ងៃទី២៤ ខែកុម្ភៈ ឆ្នាំ២០២២។
