វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2382 នាក់
ម្សិលមិញ 8898 នាក់
សរុប 16878107 នាក់
ភ្នំពេញ៖កីឡាករបាល់ទាត់ជម្រើសជាតិកម្ពុជា ណុប តុលាដែល ក្រុមគ្រួសារប្រកាសថាបានបាត់ខ្លួន ២យប់ ២ថ្ងៃ ឡូវរកឃើញហើយនៅព្រឹកថ្ងៃទី២០ ខែវិច្ឆិកា ឆ្នាំ២០២៤ តែជាសពនៅកោះអន្លុងចិន ។ នេះបើតាមការបញ្ជាក់របស់លោក ស៊ុំ វណ្ណា គ្រូបង្វឹកសមាគមកីឡាបាល់ទាត់ក្រសួងមហាផ្ទៃ ។
សូមបញ្ជាកើថា កាលពីព្រលប់ថ្ងៃទី១៨ ខែវិច្ឆិកាកន្លងទៅលោកនុប តុលា សមាជិកក្លឹបក្រសួងមហាផ្ទៃ បានប្រកាសលើគណនីហ្វេសប៊ុករបស់ខ្លួនថា «ខ្ញុំសោកស្ដាយអ្វីដែលខ្ញុំបានធ្វើ កែខ្លួនលែងបានហើយ លក់ទាំងឈ្មោះ លក់ទាំងកេឈ្មោះខ្លួនឯង និងគ្រួសារ ពេលខ្ញុំលាអ្នកទាំងអស់គ្នាហើយ Rip សុំទោសប្រពន្ធសម្លាក់ និងកូន ប៉ាម៉ាក់..» ។ដែលថ្វើឲ្យមានការសង្ស័យថាកីឡាកររូបនេះសម្រេចចិត្តថាធ្វើអ្វីមួយដោយសារការបាក់ទឹកចិត្តជាមិនខាន។
បន្ទាប់ពីបង្ហោះសារគួតឲ្យភ្ញាក់ផ្អើល ដោយការប្រកាសលាក្រុមគ្រួសារបែបនេះ ក្រុមគ្រួសាររបស់ តុលា ក៏បានព្យាយាមទាក់ទង និងស្វែងរកភ្លាមៗ តែទាក់ទងមិនបាន តែរកឃើញត្រឹមម៉ូតូ ស្បែកជើង និងទូរស័ព្ទ រហូតដល់ព្រឹកថ្ងៃទី២០ ខែវិច្ឆិកានេះ ទើបលោក ស៊ុំ វណ្ណា ប្រកាសអំពីដំណឹងមរណភាពរបស់កីឡាករ ណុប តុលា តែម្ដង ។ម៉ូតូម៉ាកSUZUKI Let’s ស្លាកលេខលេខភ្នំពេញ 1BX-6241 ពណ៍ខៀវ ដែលបណ្តាព័ត៍មានផ្សព្វផ្សាយថាបានបាត់ចេញទៅជាមួយ កីឡាករណុប តុលា នោះ ត្រូវបានប្រទះឃើញចតទុកចោលក្បែររបងកាកបាទក្រហមកម្ពុជា សាខាខេត្តកណ្តាល លើផ្លូវ២១ ស្ថិតក្នុងសង្កាត់តាខ្មៅ ក្រុងតាខ្មៅ ខេត្តកណ្តាល ចំពោះ អតីតកីឡាករបាល់ទាត់ជម្រើសជាតិឈ្មោះ ណុប តុលា ជាអ្នកជិះម៉ូតូនោះ មិនទាន់ទទួលបានដំណឹងនៅឡើយ នេះគិតត្រឹមម៉ោង១១យប់ ថ្ងៃទី១៨ ខែវិច្ឆិកា ឆ្នាំ
បើ ភរិយាកីឡាករ ណុប តុលានៅ អំឡុងពេលស្វែងរកស្វាមី បានឲ្យដឹងថា ការប្រកាសលាក្រុមគ្រួសារនេះ អាចដោយសារបញ្ហាបំណុលលេងល្បែងភ្នាក់បាល់ និងល្បែងអនឡាញ ម្ដងជាពីរដង ។ ការណ៍នេះ ទើបគេដាក់ការសង្ស័យថា តុលា បានបញ្ចប់ជីវិត ដែលធ្វើឲ្យមហាគ្រួសារបាល់ទាត់ជាតិ និងអ្នកគាំទ្រ មានការភ្ញាក់ផ្អើលជាខ្លាំង ។ទោះជាយ៉ាងណាក្រោយទទួលដំណឹងមរណភាពខាងលើ ទាំងស្ថាប័នកីឡា ក្លិប និងអ្នកគាំទ្របាល់ទាត់ជាតិ បានផ្ញើសារចូលរួមរំលែកទុក្ខ ហើយបានបង្ហាញនូវការសោកស្ដាយផងដែរ ចំពោះការបាត់បង់នូវអតីតកីឡាករជម្រើសជាតិ ដែលធ្លាប់មានស្នាដៃជួយជាតិ និងលើកស្ទួយវិស័យបាល់ទាត់កម្ពុជារូបនេះ ។
កីឡាករ ណុប តុលា បានផ្ដើមអាជីពបាល់ទាត់ជាមួយក្លឹបព្រះខ័នរាជស្វាយរៀង ពីឆ្នាំ២០១៣-២០២០ មុនផ្ទេរទៅលេងឲ្យក្លិបណាហ្គាវើលដ៏ គិរីវង់សុខសែនជ័យ និងក្រសួងមហាផ្ទៃ ។ ចំពោះក្រុមជម្រើសជាតិវិញ រូបគេបានលេងឲ្យក្រុមយុវជន និងក្រុមធំ នៃក្រុមជម្រើសជាតិកម្ពុជា តាំងពីឆ្នាំ២០១១ រហូតដល់ឆ្នាំ២០១៧ ។តែអ្វីដែលគួឲ្យស្តាយគឺក្រោយពីដើរផ្លូវខុសរហូតកើតជម្ងឺបាក់ទឹកខចិត្តកីឡាកររូបនេះបានជ្រើសរើសផ្លូវដើរកាន់តែអាក្រកើ់ថែមទៀតដែលគ្មានព្រះអទិទេពណាអាចជួយបានឡើយ៕