វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4500 នាក់
ម្សិលមិញ 4292 នាក់
សរុប 14114199 នាក់
ភ្នំពេញ ៖ លោក ឈឹម សាមិ មេភូមិ ជ្រោយបាសាក់ បានឲ្យដឹងថា ប្រជាពលរដ្ឋក្នុងភូមិ បាននាំគ្នាស្នើសុំឲ្យរូបលោក រាយការណ៍បន្តទៅកាន់គ្រូពេទ្យជំនាញ ដើម្បឲ្យមកដឹកសពស្ត្រីម្នាក់ ដែលស្លាប់ហើយរកឃើញថាមាន វិជ្ជមានកូវីដ១៩ ។ស្ត្រីដែលទទួលមរណៈភាពតាំងពីរសៀលម៉ោង១៤ ថ្ងៃទី ៣១ ឧសភា មកម្ល៉េះមានឈ្មោះ ង្វៀង ធីវេថាន់ ៦២ឆ្នាំ ។
លោកមេភូមិ បានប្រាប់ថាក្រោយពីដឹងថា សាកសពមានផ្ទុកជំងឺកូវីដ១៩ អ្នកភូមិនាំគ្នាភ័យខ្លាចជាខ្លាំង ចំពោះកូនចៅរបស់ខ្លួនព្រោះ សពនោះ ចាប់ផ្តើមមានក្លិនដោយសាមិនបានចាក់ថ្នាក់ការពារកុំឲ្យស្អុយព្រោះគ្រូពេទ្យ បញ្ជាមិនឲ្យប៉ះពាល់សពនោះ។គួរបញ្ជាក់ផងដែរថា ស្ត្រីដែលស្លាប់រូបនេះ ដំបូងគឺជួបគ្រោះថ្នាក់ចរាចរណ៍ នៅកំណាត់ផ្លូវ ៣៦៩ ភូមិជ្រោយបាសាក់ សង្កាត់ព្រែកបា ។
កូនចៅក៏យកទៅរុំរបួសនៅគ្លីនិកឯកជន ហើយក៏ដឹកមកសម្រាកនៅផ្ទះ លុះដល់ថ្ងៃទី ៣១ ឧសភា វេលាម៉ោង ១៣ និង២៥នាទីរសៀល ស្ត្រីរូបនោះ ក៏មានអាការៈមិនស្រួល កូនចៅក៏រៀបចំដឹកទៅមន្ទីរពេទ្យ តែមិនទាន់ចេញផុតពីផ្លូវ ៣៦៩ផង ក៏ដាច់ខ្យល់ស្លាប់។ គ្រួសារក៏ដាក់ស្នើទៅអាជ្ញាធរដើម្បីសុំលិខិតបូជាសព តែត្រូវអាជ្ញាធររាយការណ៍ទៅមន្ទីរពេទ្យបង្អែកខណ្ឌច្បារអំពៅ ចុះមកពិនិត្យសំណាក ទើបដឹងថា ស្ត្រីស្លាប់នេះ មានវិជ្ជមានកូវីដ។
សូមបញ្ជាក់ដែរថា នៅព្រឹកថ្ងៃអង្គារទី១ខែមិថុនា ឆ្នាំ២០២១នេះក្រសួងសុខាភិបាលបានរកឃើញករណីវិជ្ជមានវីរុសកូវីដ-១៩ថ្មី ចំនួន៦១៦នាក់ ខណៈឣ្នកជាសះស្បើយចំនួន៧៥៣នាក់និងករណីស្លាប់ថ្មី០៦នាក់។តាមសេចក្ដីជូនដំណឹងរបស់ក្រសួងសុខាភិបាល នៅថ្ងៃទី៣១ ខែឧសភា ឆ្នាំ២០២១– ករណីឆ្លងសហគមន៍ ៥៨៥នាក់– អ្នកដំណើរពីបរទេស ៣១នាក់។បើគិតត្រឹមព្រឹកថ្ងៃទី១ ខែមិថុនា ឆ្នាំ២០២១– អ្នកឆ្លងកូវីតសរុបមាន 30,710 នាក់។-អ្នកជាសះស្បើយ= 23,389 នាក់និងមាន អ្នកស្លាប់កើនដល់ 220 នាក់ហើយ៕