វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 738 នាក់
ម្សិលមិញ 5020 នាក់
សរុប 14116185 នាក់
តួកគី៖នៅរសៀលថ្ងៃទី២០ខែតុលាអ្នកឧកញ៉ា គិត ម៉េង ជា ប្រធានសភាពាណិជ្ជកម្មកម្ពុជាជាមួយនឹងលោកប្រធានសភាពាណិជ្ជកម្មតួកគីបានចុះហត្ថលេខាលើឯកសារស្តីពីកិច្ចសហប្រតិបត្តិការរវាងសភាពាណិជ្ជកម្មកម្ពុជាសភាពាណិជ្ជកម្មតួកគី។ ពិធីបានប្រព្រឹត្តទៅក្រោមអធិបតីភាពសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
សាធារណរដ្ឋតួកគីមានផ្ទៃក្រឡាទំហំជាង៧៨៣ពាន់គីឡូម៉ែត្រក្រឡា ដែលមានព្រំដែនជាប់នឹងប្រទេស អាមេនី អាសៃបៃហ្សង់ ប៊ុលហ្ការី ហ្សកហ្សី ក្រិក អឺរ៉ង់ អីរ៉ាក់ និងស៊ីរី និងមានប្រជាជនរស់នៅ ជាង៨០លាននាក់។ លើវិស័យសេដ្ឋកិច្ច សាធារណរដ្ឋតួកគីមាន GDP សរុប ២ពាន់១៧៣ទីលានដុល្លាអាមេរិក ក្នុងនោះ GDP សម្រាប់មនុស្ស ម្នាក់ៗមាន២ម៉ឺន៦ពាន់ ៩០០ដុល្លា។
កំណើនសេដ្ឋកិច្ចប្រចាំឆ្នាំ៧% ផលិតផលក្នុងស្រុកតាមវិស័យក្នុងនោះសេវាកម្មមានជាង៦១% ឧស្សាហកម្ម ជាង៣១% និងកសិកម្មមានជា៦%។ ការនាំចេញសំខាន់ៗរបស់តួកគីគឺសម្លៀកបំពាក់គ្រឿងម្ហូប ក្រណាត់ គ្រឿងដែក និង សម្ភារដឹកជញ្ជូន ដោយឡែកសម្រាប់ការនាំចូលរួមមាន គ្រឿងម៉ាស៊ិន ប្រេង វត្ថុគីមី ផលិតផលពាក់ កណ្តាលសម្រេច និងសម្ភារ ដឹកជញ្ជូន។
សូមរំលឹកថាកម្ពុជា-តួកគី បានភ្ជាប់ទំនាក់ទំនងការទូតជាមួយគ្នា នៅថ្ងៃទី១៤ ខែមិថុនា ឆ្នាំ១៩៩៤ ក្នុងនោះនៅថ្ងៃទី១ ខែវិច្ឆិកា ឆ្នាំ២០១៣ សាធារណរដ្ឋតួកគី បានបើកស្ថានឯកអគ្គរដ្ឋទូតរបស់ខ្លួននៅរាជធានីភ្នំពេញ។ កម្ពុជាគ្រោងនិងបើកស្ថានឯកអគ្គរាជទូតរបស់ខ្លួននៅទីក្រុងអង់ការ៉ា នៅឆ្នាំ២០១៩ខាងមុខដែលបច្ចុប្បន្នកម្ពុជាមានស្ថានឯកអគ្គកុងស៊ុលកិត្តិយសចំនួនពីរនៅសាធារណរដ្ឋតួកគី។