» ក្រសួងពាណិជ្ជកម្ម​ទម្លាក់​កំហុស​ប្រេង​ឡើង​ថ្លៃថា​មក​ពី​ប្រទេសក្រៅ​! » រដ្ឋមន្ត្រីការបរទេស​ម៉ាឡេស៊ី​ផ្តល់​អនុសាសន៍​ឲ្យ​អាស៊ាន​គិត​ឡើងវិញ​អំពី​គោលនយោបាយ​មិន​ជ្រៀតជ្រែក​កិច្ចការ​ផ្ទៃក្នុង​ » ក្រសួងអប់រំប្រកាសពីការបើក​សាលារៀន​ឡើងវិញ​នា​ថ្ងៃទី​១​វិច្ឆិកា​ខាងមុខ​ » បុរស​ថៅកែ​ហាង​សាំង​មាន​បញ្ហា​លុយកាក់​មិន​ខ្ចី​រក​គ្រូ​ជោគជ័យ​សុខចិត្ត​បាញ់សម្លាប់​ខ្លួន​! » មិនទាន់មាន​ការបើក​ឲ្យ​រៀប​អា​ពា​ហ៍​ពី​ពា​ហ៍​នៅឡើយ​ទេកុំអាលជ្រួសជ្រើម! » មន្ទីរ​ធនធានទឹក​និង​ឧតុនិយម​ខេត្តកំពង់ស្ពឺ​ដឹកនាំ​មន្ត្រី​បច្ចេកទេស បាន​សហការ​ជាមួយ​ទីប្រឹក្សា​ប្រតិបត្តិ​គម្រោង​កសិកម្ម​ធម្មជាតិ​ » គ្រូ​ជោគជ័យ​សៀវ​សុផល​បង្ហាញ​បញ្ជីរ​លុយ​ជំពាក់​គេ និង​ទ្រព្យ​របស់​ខ្ញុង​សុទ្ធតែ​បញ្ចាំ និង​បង់​រំលស់ មេបក្សនយោបាយ​មួយ​ថា​ខុសច្បាប់​ » ចិន​ពង្រាយ​ប្រព័ន្ធ​មី​ស៊ី​ល​សំដៅទៅ​ព្រំដែន​ប្រទេស​ឥណ្ឌា​ » យោធា​មី​យ៉ាន់​ម៉ា​ដោះលែង​អ្នកទោសនយោបាយ​រាប់រយ​នាក់​បន្ទាប់ពី អាស៊ាន​មិន​ឲ្យ​ចូលប្រជុំ​ជាមួយ​ » អ្នកនាង​គ្រ​ត​និង​លោក​ខេ​វិ​ន​ដាក់​១​ម៉ាត់​ម្នាក់​រឿង​នាង​ខ្ញុង​ប្រកាស​សុំ​១​ដុល្លារ​សងបំណុល​ជាង​៥៧​ម៉ឺន​ដុល្លារ​ដែល​ខ្ចី​មក​ស៊ីចាយ​! » ដឹង​មុខ​ហើយ​ជើង​ខ្លាំង កាង​ទីតាំង​សៃ​វៀន​ជល់ មាន់​គ្មាន​ច្បាប់​នៅក្នុង​ស្រុក​បាទី បញ្ជា​អោយ​កូនចៅ​វ៉ៃ​អ្នក កាសែត គឺ ឧកញ៉ា គង់ ចាន់​ដេ​ត ? » នាយ​ឧ​ត្ត​ម​សេនីយ៍ មាស វិ​រិ​ទ្ធ​៖ ទោះ​ជួប​វិបត្តិ​កូ​វីដ​តែ​បណ្តា​រដ្ឋ​អាស៊ាន​ទាំងអស់​នៅ បន្ត​យកចិត្តទុកដាក់​ប្រយុទ្ធប្រឆាំង​គ្រឿងញៀន​ » ស្មូនឆ្នាំង​ប្រឈម​និង​ការ​អស់​ដី​ស្មូន​នាំគ្នា​តវ៉ា​ឲ្យ​អាជ្ញាធរ​ជួយ​ » នាយករដ្ឋមន្ត្រី​ថៃ​៖ អ្នកទេសចរ​ចាក់​វ៉ាក់សាំង​រួចរាល់​មិនចាំបាច់​ឆ្លងកាត់​ការត្រួតពិនិត្យ​សុខាភិបាល​ឬ​ធ្វើ​ច​ត្តា​ឡី​ស័ក​ឡើយ​! » បង្វឹក​ឆ្មាំ​សមុទ្រ​ដើម្បី ជួយសង្គ្រោះ​ពលរដ្ឋ និង​ភ្ញៀវទេសចរ​នៅ​ឆ្នេរ​សមុទ្ទ​ក្រុងព្រះសីហនុ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 4058 នាក់

ម្សិលមិញ 14451 នាក់

សរុប 8048594 នាក់

ទូត​អាមេរិក​ណែនាំ​ប្រធាន​ជំនួយ​អភិ​វ​ឌ្ឈ​ន៍​ថ្មី​អាមេរិក​ថ្មី​ជូន​រដ្ឋមន្ត្រី​ក្រសួងកសិកម្ម​កម្ពុជា​

​ភ្នំពេញ​៖​នៅ​ទីស្តីការ​ក្រសួងកសិកម្ម​រុក្ខាប្រមាញ់​និង​នេសាទ​វេលា​ម៉ោង នា​ព្រឹក​ថ្ងៃ ទី​១៣ ខែតុលា ឆ្នាំ​២០២១ ឯកឧត្តម​រដ្ឋមន្ត្រី វេ​ង សាខុន បានទទួល​ជួបពិភាក្សា​ជាមួយ​ឯកឧត្តម W. Patrick Murphy ឯកអគ្គរដ្ឋទូត​សហរដ្ឋអាមេរិក​ប្រចាំ​ព្រះរាជាណាចក្រ​កម្ពុជា និង​សហការី​។a veng us

​ឯកឧត្តម​រដ្ឋមន្ត្រី​តាមរយ​: ឯកឧត្តម​ឯកអគ្គរដ្ឋទូត បាន​ថ្លែងអំណរគុណ​យ៉ាង​ជ្រាលជ្រៅ​ជូន​ចំពោះ​រដ្ឋាភិបាល និង​ប្រជាជន​អាមេរិក ដែល​បាន​ជួយឧបត្ថម្ភ​គាំទ្រ​ដល់​ការកសាង និង​អភិវឌ្ឍ​កម្ពុជា ក្នុងនោះ​ក៏មាន​វិស័យ​កសិកម្ម​ផងដែរ ។​ឯកឧត្តម​ថា​រាល់​គម្រោង ឬ​កម្មវិធី​ជំនួយ​ឧបត្ថម្ភ​របស់​ទីភ្នាក់ងារ USAID បាន​នឹង​កំពុង​ចូលរួមចំណែក​យ៉ាងសំខាន់​ក្នុងការ​អភិវឌ្ឍ​វិស័យ​កសិកម្ម​កម្ពុជា​ឲ្យ​មាន ការរីកចម្រើន ធានាបាន​នូវ​សន្តិសុខ​ស្បៀង បង្កើន​ប្រាក់ចំណូល កែប្រែ​កម្រិតជីវភាព និង​បង្កើន​បរិមាណ​ផលិត​ប្រកបដោយ​និរន្តរភាព តាមរយ​:​ការអនុវត្ត​បច្ចេកវិទ្យា​សមស្រប ទំនើប​ទាន់សម័យ ធន​នឹង​ការប្រែប្រួល​អាកាសធាតុ បរិ​យា​ប័ន្ន និង​នវានុវត្តន៍ សំដៅ​ឈានទៅ​សម្រេច​ឲ្យ​បាន​នូវ​ចក្ខុវិស័យ​របស់​រា​ជ​រដ្ឋាភិបាល​ក្នុងការ​នាំចេញ​កសិផល​ទៅកាន់​ទីផ្សារ​អន្តរជាតិ​។​

​ឯកឧត្តម​ឯកអគ្គរដ្ឋទូត​បាន​ថ្លែងអំណរគុណ​ចំពោះ​ពេលវេលា​របស់​ឯកឧត្តម​រដ្ឋមន្ត្រី និង​ជាពិសេស​កិច្ចសហការ​បានល្អ​ប្រសើ​រ​រវាង​ក្រសួង និង​ទីភ្នាក់ងារ USAID ក្នុងការ អនុវត្ត​គម្រោង​ទាក់ទង​នឹង​ការអភិវឌ្ឍន៍​វិស័យ​កសិកម្ម​។ ឯកឧត្តម​ឯកអគ្គ​រដ្ឋ ទូត​អាមេរិក​ក៏បាន​ណែនាំ​នាយក​ទីភ្នាក់ងារ​ជំនួយ​អភិ​វ​ឌ្ឈ​ន៍​អាមេរិក​( USAID )​ថ្មី​ប្រចាំ​ព្រះរាជាណាចក្រ​កម្ពុជា​នឹង​បំពេញការងារ សម្រាប់​វិស័យ​កសិកម្ម ដោយ​សង្ឃឹមថា​លោកស្រី​នឹង​រួមសហការ​បានល្អ​ជាមួយ​ក្រសួង​ដើម្បី​ចូលរួម​អភិវឌ្ឍ​វិស័យ​កម្ពុជា​ឲ្យ​មានការ​រីកចម្រើន​ប្រកបដោយ​ចីរភាព និរន្តរភាព និង​វិបុលភាព នាពេល​អនាគត​។

ឯកឧត្តម​ឯកអគ្គរដ្ឋទូត​ក៏បាន​ជម្រាបជូន​ឯកឧត្តម​រដ្ឋមន្ត្រី​ផងដែរ​ថា ស្ថានទូត​នឹង​រៀបចំ​សម្ពោធ​ការិយាល័យ US Department of Agriculture ក្នុងពេល​ឆាប់ៗ​ខាងមុខ ហើយ​ឯកឧត្តម​ឯកអគ្គរដ្ឋទូត​សង្ឃឹមថានឹង​អញ្ជើញ​ឯក​រដ្ឋមន្ត្រី​ទៅ​ចូលរួម​ផងដែរ​។ ការិយាល័យ​នេះ នឹង​ដើរតួនាទី​យ៉ាងសំខាន់​ក្នុងការ​គាំទ្រ​ដល់​ការអភិវឌ្ឍន៍​វិស័យ​កសិកម្ម​កម្ពុជា​តាមរ​យ​:​ការបណ្តុះ​បណ្តា​ធនធានមនុស្ស និង​ការផ្សព្វផ្សាយ​បច្ចេកទេស​ថ្មីៗ​ដែលជា​យន្តការ​គន្លឹះ​ក្នុងការ​អភិវឌ្ឍន៍​វិស័យ​កសិកម្ម​។ ដោយឡែក​ចំពោះ​គម្រោង Harvest 2 ទាក់ទង​អនុវិស័យ​សាកវប្បកម្ម ក្នុងការ​ធ្វើ​ឲ្យ​ប្រសើរឡើង​នូវ​ប្រព័ន្ធ​ដឹកជញ្ជូន​ត្រជាក់ Cold Chain Logistic System ដោយ​ប្រើ​សូ​ឡា ដើម្បី​ជួយ​ដល់​វិស័យ​ដឹកជញ្ជូន​បន្លែ ផ្លែឈើ ត្រី សាច់​កម្ពុជា​ឲ្យ​កាន់ តែ​ល្អប្រសើរ ធានាបាន​គុណភាព សុវត្ថិភាព និង​តម្លៃ ឯកឧត្តម​ឯកអគ្គរដ្ឋទូត​ថា​នឹង​រៀបចំ​កម្មវិធី​អញ្ជើញ​ឯកឧត្តម​រដ្ឋមន្ត្រី​ចុះទៅ​រួមគ្នា​ដើម្បី​ពិនិត្យ និង​វាយតម្លៃ​ជាក់ស្តែង​លើ​លទ្ធផល​សម្រេចបាន​រប​ស់​គម្រោង​។​

​ឯកឧត្តម​រដ្ឋមន្ត្រី​បាន​សម្តែង​នូវ​ការគាំទ្រ និង​ស្វាគមន៍​ចំពោះ​គម្រោង Cold Chain Logistic System ព្រោះ​លោក​បញ្ជាក់ថា​វា​នឹង​ជួយ​លើកកម្ពស់​ប្រសិទ្ធភាព​ផលិតកម្ម​បន្លែ ផ្លែឈើ ត្រី សាច់​ឲ្យ​កាន់តែ​ល្អប្រសើរ​ជា​ជំហានៗ​ផ្អែកទៅលើ​ក​ស្តង់ដារ​ផលិត វេច​ខ្ចប់ ថែ​ក្សា​រ ដឹកជញ្ជូន និង​ដាក់តាំង​បង្ហាញ​ពិតប្រាកដ​មួយ ដែល​ត្រូវបាន​ទទួលស្គាល់​ទាំង​ក្នុង​តំបន់ និង​អន្តរជាតិ​។​​លោក​បានបញ្ជាក់​បន្ថែម​ថា នេះ​គឺជា​គម្រោង​ដែល​ក្រសួង​ចង់បាន​ដើម្បី​លើកកម្ពស់​គុណភាព សុវត្ថិភាព​នៃ​ផលិតផល​កសិកម្ម បង្កើន​ផលិតកម្ម និង​ធានា​គុណភាព​កសិផល សុខភាព​អ្នក​បរិភោគ និង​កំណើន​តម្លៃបន្ថែម​។​ចុងក្រោយ​ឯកឧត្តម​រដ្ឋមន្ត្រី​បានស្នើ​សុំ​ឯកអគ្គរដ្ឋទូត​ឲ្យ​ជួយ​ពិនិត្យ​លើ​ការកសាង​ធនធានមនុស្ស​ទាំង​វិស័យ​ឯកជន មន្ត្រីរាជការ និង​ប្រជាកសិករ​ក្នុង​សហគមន៍ ដើម្បី​បំពេញបន្ថែម​នូវ​សមត្ថភាព​ក្នុងការ​អនុវត្ត​បច្ចេកវិទ្យា​ថ្មីៗ សមស្រប និង​មាន ប្រសិទ្ធភាព ស្របទៅតាម​ការវិវឌ្ឍ​ន៍​រីកចម្រើន​ទាំង​សេដ្ឋកិច្ច​និង​សង្គម​ពិសេស​ស្របតាម​បរិបទ​នៃ​ការរីក​រាលដាល​ជំងឺ​ឆ្ក​ង​កូ​វិដ​-១៩ និង​ទិសដៅ​នៃ​ការនាំចេញ​នាពេល​អនាគត​៕​ទូ​លូ​a veng us1