លោកសូម៉ារ៉ាត្រូវបានរាជរដ្ឋាភិបាលដកពីរដ្ឋលេខាធិការតម្លើងតួនាទីជារដ្ឋមន្ត្រីប្រតិភូអមនាយករដ្ឋមន្ត្រី ដេកចាំការងារ?!
06-April-2025 / ព័ត៌មានជាតិ
រាជធានីភ្នំពេញ ៖រាជរដ្ឋាភិបាលសម្តេចធិបតីហ៊ុនម៉ាណែតកាលពីពេលថ្មីៗកន្លងមកនេះបានរើរុះរដ្ឋមន្ត្រីពីររូបក្រោមមូលហេតុពង្រឹងប្រសិទ្ធិភាពការងារ។រដ្ឋមន្ត្រីពីររូបនោះគឺលោកសុខសុកេនកូនប្រុសសពសម្តេចវិបុលបញ្ញាសុខអាននិងជាកូនប្រសារឯកឧត្តមចមប្រសិទ្ធទីប្រឹក្សាព្រះមហាក្សត្រត្រូវបានផ្ទេរឲ្យមកធ្វើការការអធិការកិច្ចជំនួសលោកហួតហាក់ដែលត្រូវទៅធ្វើការការជារដ្ឋមន្ត្រីក្រសួងទេសចរណ៍វិញ។
មុនមានការផ្ទេផ្ទូនេះនៅក្រសួងទេសចរណ៍ផ្ទុះចេញបាតុភាពប្រតិកម្មពីមន្ត្រីរាជការមិនសប្បាយចិត្តចំពោះលោកសូម៉ារ៉ាដែលជារដ្ឋលេខាធិការករសួងទេសចរណ៍ថាឱបក្រសោបការងារងារនិងបក្ខពួក។ឡូវចូលដល់សម័យលោកហួតហាក់ជារដ្ឋមន្ត្រីលោកសូម៉ារ៉ាដែលគេស្គាល់ថាជាមន្ត្រីជើងចាស់តាំងពីឆ្នាំ១៩៨០នៅមន្ទីរគណចាត់តាំងមជ្ឈឹមជំនាន់លោកតាសាយភូថងជាលេខាគណលេខាមជ្ឈឺមបក្សជាប្រធានរហូតដល់លោកស្រីម៉ែនសំអន។
នៅក្នុងសម័យរាជរដ្ឋាភិបាលក្រោយឆ្នាំ១៩៩៣រហូតមកដោយមានទំនាក់ទំនងល្អជាមួយសម្តេចសាយឈុំនិងសម្តេចវិបុលបញ្ញាសុខអានធ្វើការជាមន្ត្រីជាន់ខ្ពស់ក្រសួងទេសចរណ៍ត្រូវបានលោកហួតហាក់សម្រួលចេញពីរដ្ឋលេខាធិការក្រសួងទេសចរណ៍ហើយកាលពីពេលថ្មីនេះ។សម្តេចធិបតីហ៊ុនម៉ាណែតបានទូលថ្វាយស្នើរតម្លើងតួនាទីលោកសូម៉ារ៉ាជារដ្ឋមន្ត្រីប្រតិភូអមនាយករដ្ឋមន្ត្រីដែលដេករង់ចាំនាយករដ្ឋមន្ត្រីប្រើ។
ជាក់ស្តែងកាលពីថ្ងៃទី ៤ ខែវិច្ឆិកា ឆ្នាំ២០២៤ រាជរដ្ឋាភិបាលបានចេញសេចក្តីសម្រេចស្តីពីការកំណត់របៀបរបបការងារ និងការបែងចែកភារកិច្ចរបស់រដ្ឋមន្ត្រីប្រតិភូអមនាយករដ្ឋមន្ត្រី ចំនួន ៦រូប។
សម្តេចមហាបវរធិបតី ហ៊ុន ម៉ាណែត បានសម្រេច៖១. ឯកឧត្តម ផៃ ប៊ុនឈឿនទទួលបន្ទុកជួយ សម្តេចមហាបវរធិបតីនាយករដ្ឋមន្ត្រី ក្នុងកិច្ចការបរិស្ថាន២. ឯកឧត្តម ជាបូរ៉ាទទួលបន្ទុកជួយ សម្តេចមហាបវរធិបតីនាយករដ្ឋមន្ត្រី ក្នុងកិច្ចការទេសចរណ៍
៣. ឯកឧត្តម ប្រាក់ សំអឿនទទួលបន្ទុកជួយ សម្តេចមហាបវរធិបតីនាយករដ្ឋមន្ត្រី ក្នុងកិច្ចការទំនាក់ទំនងជាមួយសង្គមស៊ីវិល និងរដ្ឋបាល ថ្នាក់ក្រោមជាតិ៤. ឯកឧត្តម សរ សុវណ្ណទទួលបន្ទុកជួយ សម្តេចមហាបវរធិបតីនាយករដ្ឋមន្ត្រី ក្នុងកិច្ចការដែនដី នគររូបនីយកម្ម និងសំណង់។៥. ឯកឧត្តម ជា តារាទទួលបន្ទុកជួយ សម្តេចមហាបវរធិបតីនាយករដ្ឋមន្ត្រី ក្នុងកិច្ចការអតីតយុទ្ធជន។៦. ឯកឧត្តម សូ ម៉ារ៉ាទទួលបន្ទុកជួយ សម្តេចមហាបវរធិបតីនាយករដ្ឋមន្ត្រី ក្នុងកិច្ចការដែលនាយករដ្ឋមន្ត្រីប្រគល់ជូន។
ប្រការ២..រដ្ឋមន្ត្រីប្រតិភូអមនាយករដ្ឋមន្ត្រី ទទួលអនុវត្តបន្ថែមនូវការងារផ្សេងទៀត ដែលនាយករដ្ឋមន្ត្រីប្រគល់ជូន។ប្រការ៣..រដ្ឋមន្ត្រីប្រតិភូអមនាយករដ្ឋមន្ត្រី ១រូបៗ មានជំនួយការ ៤រូប ក្នុងនោះ ១រូប មានឋានៈស្មើ អគ្គនាយក ១រូប មានឋានៈស្មើ អគ្គនាយករង និង២រូប មានឋានៈស្មើ ប្រធាននាយកដ្ឋាន។
ប្រការ៤..បទប្បញ្ញត្តិទាំងឡាយណាដែលផ្ទុយនឹងសេចក្តីសម្រេចនេះ ត្រូវទុកជានិរាករណ៍។ប្រការ៥..ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី រដ្ឋលេខាធិការគ្រប់ក្រសួង ស្ថាប័ន ត្រូវទទួលបន្ទុកអនុវត្ត សេចក្តីសម្រេចនេះ ចាប់ពីថ្ងៃចុះហត្ថលេខានេះតទៅ។សូមបញ្ជាក់ថាបើតាមការកត់សម្គាល់រាជរដ្ឋាភិបាលអាណត្តិទី៧នេះមានរដ្ឋមន្ត្រីប្រតីភូអមនាយករដ្ឋមន្ត្រីប្រមាណជាង៣០រូបតែខ្លះមានការងារធ្វើខ្លះមានប្រអប់កាន់តែខ្លួះក៏គ្មានហើយដេករងចាំនាយករដ្ឋមន្ត្រីប្រើដូចលោកសូម៉ារ៉ាចឹងដែរ?៕
